Tone-toneladang gadgets na nasabat ng Customs, igi-give na lang sa mga mahihirap na estudyante!

ni Imee Marcos - @Imeesolusyon | September 25, 2020

Ilang linggo na lang, Oktubre na at umpisa na ang online classes, kaya nagkukumahog at tuliro na ang mga nanay kung paano sila makakaremedyo ng pang-online gadget ng kanilang mga anak! Juskoday!

Eh, biruin n’yo ha, ang nanay na may tatlong anak, paano pagkakasyahin ang araw-araw nilang badyet sa pagkain, kuryente, tubig, dagdag pa ang online learning na mangangailangan ng gadgets? Saan na naman magreremedyo ang mga nanay, na ang iba nga, eh, jobless pa ang mga mister dahil sa pandemya. Nakakalokah!

Sakit sa bangs! Kung may three kids ka, dapat may P25-K ka para makabili ng dalawang laptop at para sa internet connection. Eh, saan naman sila manghaharbat, waley sila anda! Santisima! Hay nako, tiyak loan to the max, takbo sa bawal na “5-6”, hanap ng mga pipitsuging gadgets o mga second-hand. Que Horror!

Hayyy, feel ko mga nanay, pero may ImeeSolusyon ‘yan! ‘Yung mga gadgets na nasabat ng Bureau of Customs, kesa sirain, ibenta o isubasta, aba, eh, itulong na lang sa mga nanay at ipamigay sa mga estudyante.

Good news, mga mudra! Nakinig sa ‘tin ang BOC, iimbentaryuhin daw muna nila ang mga gadgets. After 15 days na hindi nag-claim ang mga importer sa mga kawat na gadgets, eh, puwede na ‘yun ipamigay ng Customs. Bongga!

Ayon sa BOC, nasabat ang halos 29.5 tons ng mga selpon, storage devices at electrical items na walang mga clearance mula sa Bureau of Product Standards, National Telecommunications Commission at Optical Media Board.

Last year, may P100 million na mga selpon, baterya ng selpon at tablets mula Hong Kong ang nasabat sa Clark Freeport Zone sa Pampanga. Meron ding P15 million na mga second-hand na selpon, lithium batteries at phone accessories mula South Korea ang nasamsam sa airport sa Manila.

Oh. ‘di ba, ang dami niyan, ha? Kahit may pandemya, keri natin ang problema sa online learning, basta tulung-tulong, may ImeeSolusyon!

Shocking: 178,000 trabaho sa gobyerno, buking na nakatengga lang nang matagal na panahon!!!

ni Imee Marcos - @Imeesolusyon | September 23, 2020

Para sa mga jobless: Nakalahok ba kayo sa job fair ng Civil Service Commission nitong mga nakaraang araw? A big wow!

Well, nakatutuwa lang na after silang madikdik sa natengga at napabayaang mga bakanteng puwesto sa gobyerno ng ilang dekada nga ba? Presto, hayan na ang resulta!

Medyo rewind lang tayo ng kaunti. Kamakailan, naka-meeting natin ang CSC dahil gusto nating itulak ang budget para sa ahensiya. Siyempre, mega-busisi tayo sa idedepensang ahensiya para magka-budget, ‘di ba?!

Nakagugulat na may 178,000 palang bakanteng puwesto sa gobyerno, at nasa mahigit 269,000 ang permanenteng posisyon sa gobyerno ang natengga rin for a long time o bakante pa! ‘Susmarya, hindi agad ito napakinabangan at napabayaan lang!

Nakapanghihinayang ang mga puwestong ito lalo na ngayong nasa gitna tayo ng COVID-19 pandemic. Nasa mahigit 4-milyon as of August ang mga jobless o nawalan ng trabaho bunsod ng pagsasara ng mga kumpanya dahil sa kaliwa’t kanang lockdown at community quarantine!

Nalaman din nating inaamag na sa puwesto ang maraming empleyado ng gobyerno at deka-dekada nang ginagawa ang trabahong pang-regular, pero never silang naging permanente dahil daw hindi sila eligible? Hmmm...

Kaya naman, eksena to the max at ImeeSolusyon agad ang peg at nagrekomendang gawan na agad ng paraan ang libu-libong bakanteng puwesto na ‘yan at nakiusap sa CSC na ayusin na ang isyu ng eligibility sa mga ke-tatagal nang government employees na nanatiling contractual o bahagi ng End of contract o Endo.

Alam na, hindi natin ma-take na mismong gobyerno ang promotor sa Endo, kaya’t super-push tayo na tigilan na ang ‘Endo’ sa gobyerno. Sa kabila nito, nakakatuwa na responsive ang CSC.

Mabuti na lang aksiyon agad sila, or else, madadale ang kanilang badyet, meaning, mahihirapan tayong depensahan sila para magkabadyet kung maraming alingasngas. Hay, parang pako lang pala na kaunting pukpok, eh, babaon na ang ImeeSolusyon!

Hinay-hinay, ‘di pa keri i-privatize ang PhilHealth!

ni Imee Marcos - @Buking | September 7, 2020

Top to bottom! ‘Yan ang dapat gawing paglilinis sa PhilHealth na nabahiran na ng korupsiyon, agree?

Hay naku, mga frennie, nakakapikon talaga kapag pinag-uusapan ang PhilHealth, ewan ko ba! Eh, lustayin ba naman ng ganun-ganon lang ang pera sa kabang-bayan, bilyones pa, sino ba naman ang hindi maiimbyerna? Nakakalokah!

Pero, mga friendship, ang “Imee Solusyon” natin d’yan ay kailangang, isa-isahin ang problema kung saan ba talaga nanggaling o nagsimula ang korupsiyon sa mga opisina sa loob ng PhilHealth. At nakikita nga natin, mga besh, na dapat linisin ang accounting, auditing, legal lalo na ang I-T. Inot-inot ‘ika nga sa aming mga Ilocano!

Aba, puwede namang i-outsource ang I-T o kaya hingi tayo ng tulong sa I-T ng SSS, biruin n’yo ha, milyun-milyon ang members ng SSS, pero nagkaaberya ba sila o me malawakan bang korupsiyon? ‘Di ba, wala? Bongga!

May lumulutang namang rekomendasyon, mga besh, mula sa Kongreso na i-privatize na ang PhilHealth. I think naman, mga besh, hindi pa dapat, dahil medyo radikal pa ‘yan. Bakit kamo? Eh, magkakaisyu riyan sa public funds kasi pera ng gobyerno ‘yan at hindi puwedeng ilagay sa kamay ng pribado.

Ganito kasi ‘yan, mga frennie, kapag na-privatize na ‘yan, eh, medyo scary kasi maoobliga itong kumita, ibig sabihin ay posibleng maging sanhi ito ng pagtaas ng premium contribution sa PhilHealth. Eh, di ba nga kung ilang beses nang papalit-palit ang heads, wala ring nangyari, pagkatapos, biglang magpapalit-palit din ng korporasyon? Naku, eh, di lalong wala tayong nahita! Juskoday!

Hindi lang ‘yan mga besh, posible ring babagal ang pagbabayad sa mga ospital kapag naisapribado ‘yan, eh, ‘susmaryano, another problem na naman ‘yan, ‘di ba? Santisima! Kaya hirit natin sa ating mga kasamahan sa gobyerno, hinay-hinay lang dahil maaayos din ang lahat. Ganern!

Sa isang banda, nakakatuwa naman na may napili na si Pangulong Rodrigo Duterte na bagong PhilHealth President na si Dante Gierran. Wish natin, sana oks na siya at malinis niya ang korupsiyon dyan, na dekada na ring namayagpag! Mga seestra, magtulungan tayo dahil tayong lahat din naman ang makikinabang kapag naisaayos ang aberya sa ahensiyang ‘yan. Plis lang, keri natin ‘yan!