Investment natin sa mga kabataan, investment sa kinabukasan ng bayan

ni Bong Go @Bisyo Magserbisyo | August 22, 2025

Tuluy-tuloy ang trabaho natin para sa kabataan. Sa 20th Congress, ang inyong Senator Kuya Bong Go muli ang Chairman ng Senate Committee on Youth. Ang mga kabataan ang kinabukasan ng bayang ito kaya napakahalagang bigyan natin sila ng sapat na suporta para matupad nila ang kanilang mga pangarap. Nakasalalay sa kanila ang kinabukasan ng ating bansa.

Marami sa ating mga kabataan ang hirap hindi lang sa gastos sa edukasyon kundi pati sa health. Kaya nga isa sa mga prayoridad ko ay palakasin ang mga programa para sa kalusugan kabilang na ang mental health. May mga batas na tayong naisulong tulad ng Republic Act No. 12080 o Basic Education Mental Health and Well-Being Promotion Act bilang isa sa mga co-authors at co-sponsors.

Dagdag pa riyan, patuloy kong isinusulong ang Senate Bill No. 176 na layong magtatag ng Mental Health Offices sa lahat ng state universities at colleges. Hangad natin na matutunan nilang alagaan ang pangangatawan at pag-iisip.

Para palawakin pa ang access sa edukasyon, inihain natin ang SBN 169 na mag-aamyenda sa RA 10931 o Universal Access to Quality Tertiary Education Act na sinuportahan natin at naisabatas noong panahon ni dating Pangulong Rodrigo Duterte. Ipaglalaban natin na mapalawak ang saklaw ng tertiary education subsidy program para sa mga kwalipikadong estudyante ng private institutions.

Bilang isang health reforms crusader, naniniwala tayo na kung malusog ang kabataan, mas malayo ang kanilang mararating. Kaya isinusulong ko ring madagdagan ang pondo para sa mga programang pangkabataan ng National Youth Commission. Ang investment natin sa kabataan ay investment sa kinabukasan ng bansa.

Bilang Chairman ng Senate Committee on Sports, palagi nating hinihikayat ang mga kabataan na pumasok sa sports para mailayo sa bisyo at droga. Get into sports, stay away from illegal drugs to keep us healthy and fit!

Noong panahon ni dating Pangulong Duterte, naisabatas natin ang RA 11470 na lumikha ng National Academy of Sports (NAS). Ngayon, gusto nating palawakin ito sa iba’t ibang rehiyon kaya inihain natin ang SBN 171 o National Academy of Sports Regional Expansion Bill. 

Magtulungan tayo para sa kapakanan ng ating kabataan upang mas maging matatag ang kinabukasan ng Pilipinas.

Samantala, noong August 14, dumalo rin kami sa Philippine Public Health Association, Inc. (PPHA) 90th Annual Convention and General Assembly kasama sila National President Dr. Marc Shane Adeva, PPHA Luzon Vice President Arnold Alindada, Southern Philippines Medical Center Chief Dr. Ricardo Audan, at Northern Mindanao Medical Center Chief Dr. Jose Chan na ginanap sa Davao City.

Nagpunta naman tayo sa Bukidnon noong August 15 para sa ika-54 na Araw ng Damulog at ika-3 Kalambo-an Festival kasama sina Mayor Mel Buro, Vice Mayor Clinette Paco-Buro, Kadingilan Mayor Jerry Canoy at Manolo Fortich Mayor Rogelio Quiño. Pagkatapos nito, sinaksihan din natin ang pag-turnover ng isang Super Health Center sa Don Carlos sa pangunguna ni Mayor Ma. Victoria Pizzaro. Nagbigay tayo ng food packs para sa mga barangay health workers doon bilang pasasalamat sa kanilang serbisyo sa komunidad. 

Noong August 17, nakiisa rin tayo sa selebrasyon ng Kadayawan Festival sa Davao City bilang pagpupugay sa mayamang kultura at tradisyon ng lungsod. Nakasama natin sina Senator Bato dela Rosa, Congressman Omar Duterte, Councilors Myrna Dalodo-Ortiz, Jopet Baluran, Tek Ocampo, Al Ryan Alejandre, at Dose Apostol.

Noong nakaraang linggo, nakapaghatid ng tulong ang Malasakit Team sa iba’t ibang sektor ng ating lipunan. Para sa mga biktima ng bagyo at habagat, natulungan ang 100 residente sa Maynila, 300 sa San Mateo, Rizal, at 250 sa Iloilo City. Samantala, para sa mga biktima ng sunog, nakapag-abot ng tulong sa 37 na residente sa Muntinlupa City at 30 sa Imus City, Cavite.

Bukod dito, nabigyan din ng tulong ng ating Malasakit Team ang ilang mga iskolar. May 166 estudyante mula sa Lyceum of the Philippines Batangas na nakatanggap ng scholarship, gayundin ang 85 mula sa University of the Perpetual Help System Dalta sa Calamba City, Laguna, at 50 sa parehong unibersidad sa Bacoor City, Cavite.

Bukod dito, tumutok din ang Malasakit Team sa pagpapalakas ng ating health infrastructure. Sa Cagayan de Oro City, Misamis Oriental, naisagawa ang turnover ng Super Health Center sa Brgy. Balubal, habang sa Brgy. Binuangan, Maco, Davao de Oro naman ay dinaluhan naman natin ang inagurasyon ng isa pang Super Health Center.

Bilang inyong Mr. Malasakit, hindi ko sasayangin ang pagkakataong makapaglingkod sa kapwa Pilipino. Bisyo ko ang magserbisyo at ako ay naniniwala na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Health Emergency Allowance ng healthcare workers, ibigay na!

ni Bong Go @Bisyo Magserbisyo | August 15, 2025

Dahil sa kanilang ambag sa public health sector, hindi lang noong pandemya natin dapat tawaging bayani ang ating mga health workers. Hanggang ngayon, araw-araw silang lumalaban sa sobrang dami ng mga pasyente, sa kakulangan ng ospital, at sa limitadong pasilidad. Sila ang ating modern-day heroes! Bilang isang health reforms crusader, patuloy kong ipinaglalaban ang kanilang kapakanan.

Kaya naman sa sesyon ng Senado noong August 11, muli akong nanawagan sa ating concerned government agencies na bayaran na ang Health Emergency Allowance (HEA) na noon pa dapat natanggap ng ating mga frontliners. Hindi biro ang kanilang sakripisyo noong kasagsagan ng COVID-19 pandemic. Pinagpawisan at pinaghirapan nila ‘yan kaya’t dapat ibigay na sa kanila ang long-overdue na HEA. Ang iba sa kanila ay nagbuwis pa ng buhay.

Bilang isa sa mga authors at co-sponsors ng Republic Act No. 11712 na nagtakda sa HEA, nananawagan tayo sa Department of Budget and Management at sa Department of Health na humanap ng paraan para mapabilis ang pagbabayad sa qualified healthcare workers ng natitirang unpaid HEA na bunsod ng appeals na aabot pa sa PhP6.7 billion.

Hindi na ito dapat patagalin dahil may mga healthcare worker nang nagkasakit o namatay na hindi man lang natatanggap ang kanilang HEA.

Bukod sa allowances ng ating healthcare workers, problema rin natin ang maraming ospital at pasilidad na kulang sa gamit at kulang sa qualified personnel. Damang-dama natin ang kahinaan ng ating healthcare system nitong mga nakaraang linggo. Maraming mga ospital ang over-capacity sa pasyente kasunod ng ilang araw na pagbabaha bunsod ng mga bagyo at habagat.

Sa plenaryo ng Senado, kinumpirma natin na ngayong taon ay magko-convene ang Joint Congressional Oversight Committee para busisiin ang implementasyon ng Universal Health Care Law. Bukod dito, pamumunuan natin bilang Chairman ng Senate Committee on Health ang unang public hearing ng komite para sa 20th Congress sa darating na August 20.

Ang palaging sinasabi ng inyong Senator Kuya Bong Go, health is wealth. Ang kalusugan ay katumbas ng buhay ng bawat Pilipino. Tandaan natin na ang pera ng taumbayan ay dapat na ibalik sa kanila sa pamamagitan ng maayos na serbisyong medikal.

Samantala, noong August 6, personal nating tinulungan ang 2,005 indibidwal mula sa iba’t ibang sektor, kabilang ang mga nagsipagtapos at mga magulang sa daycare. Sa pakikipag-ugnayan sa lokal na pamahalaan ng Lungsod ng Navotas sa pangunguna ni Mayor John Rey Tiangco, nagbigay din tayo ng tulong pinansyal sa mga benepisyaryo.

Pagkatapos nito, dumalo tayo sa Executive-Legislative Agenda (2026-2028) Cum Annual Investment Program para sa mga opisyal ng Bongabong, Oriental Mindoro kasama si Mayor Mike Malaluan, at sa Training Workshop on the Formulation of the Public Service Continuity Plan para sa mga opisyal ng Llorente, Eastern Samar. Parehong ginanap sa Maynila ang naturang pagtitipon.

Sa Capiz, dumalo tayo sa inagurasyon ng Super Health Center sa bayan ng Sigma at sa Panit-an noong August 7, kung saan kinilala tayo bilang adopted son ng probinsya. Nakisama tayo sa pagdiriwang ng mga magsasaka sa Farmers Day.

Noong August 8, nasa Makilala, Cotabato tayo upang dumalo sa inagurasyon at pagbabasbas ng Kaakibat Hall at Talk to the Troops ng 39th Infantry (Smasch’em) Battalion 10th Infantry (Agila) Division, Philippine Army. Palagi nating tinitiyak sa ating mga sundalo at uniformed personnel na full support tayo sa kanila.

Nasa Lingig, Surigao del Sur naman tayo noong August 9 upang bisitahin ang Super Health Center sa bayan. Dumalo rin tayo sa 104th Araw ng Lingig sa imbitasyon ni Mayor Elmer Evangelio. Sa parehong araw ding iyon, sa Veruela, Agusan del Sur, personal tayong dumalo sa turnover at program proper ng Super Health Center kasama sina Vice Governor Patricia Anne Plaza at Mayor Salimar Mondejar.

Sa ating pagbisita sa mga Super Health Center sa Capiz, Surigao del Sur, at Agusan del Sur, namahagi tayo ng food packs sa mga barangay health workers bilang pasasalamat sa kanilang patuloy na sakripisyo para sa kani-kanilang komunidad.

Personal din tayong nagbigay ng tulong para sa 897 pamilyang nasunugan sa Brgy. 105, Tondo, Manila nitong August 12, katuwang sina Mayor Isko Moreno, Vice Mayor Chi Atienza, Brgy. Chairwoman Elenita Reyes at iba pang opisyal ng barangay. May ilang senior citizens ang binigyan natin ng wheelchair at tungkod para kahit papaano ay maging komportable sila sa kanilang iniindang sakit.

Samantala, patuloy ang pamamahagi ng tulong ng ating Malasakit Team sa mga binaha sa iba’t ibang lugar sa bansa. Sa Laguna, 50 pamilya sa Pagsanjan ang natulungan. Habang sa Rizal, 250 ang natulungan sa Taytay, at 300 sa San Mateo; at 100 indibidwal mula sa Muslim community naman sa Manila City.

Nasa 250 sa San Juan at 350 sa Bauang, La Union ang nabigyan din ng tulong; 200 sa Hagonoy at 50 na mga kapatid nating Muslim sa Malolos City; 50 PWDs sa Caloocan City kasama ang Christian Handicapped Association of Massagist Inc.; at 500 residente sa Masantol, Pampanga.

Dumalo rin ang Malasakit Team sa ika-6 na Anibersaryo ng Pagpirma sa Cooperative Development Authority (CDA) Charter of 2019 sa Ortigas, Pasig City. Nagbigay din tayo ng tulong at suporta sa 166 scholars mula sa Lyceum of the Philippines sa Batangas. Kinilala naman tayo nitong August 10 bilang King Universe Philippines Ambassador 2025 sa Mrs. Universe Philippines Grand Coronation and Awards Night sa Pasay. With or without award, patuloy tayong magseserbisyo sa ating kapwa Pilipino.

Bilang inyong Mr. Malasakit, patuloy kong isusulong ang mga pro-poor na mga batas at programa para ilapit ang serbisyong medikal sa ating mga kababayan lalung-lalo na sa mga mahihirap na pasyente. Bisyo ko ang magserbisyo at ako ay naniniwala na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Pagkilala sa mga atletang Pinoy na naghatid ng karangalan sa ‘Pinas

ni Bong Go @Bisyo Magserbisyo | August 7, 2025

Isang malaking karangalan na nakasama natin nitong Lunes, August 4, ang isang tunay na living legend sa larangan ng chess — si Grandmaster Rogelio “Joey” Antonio, Jr.

Binisita niya tayo sa Senado para ibahagi ang mga hinakot niyang karangalan mula sa iba’t ibang international tournament. Hindi lang siya basta champion, simbolo rin siya ng tiyaga, disiplina, at galing ng atletang Pilipino!

Nito lamang nakaraang buwan, walong medalya, kabilang na ang apat na ginto, ang iniuwi ni GM Joey mula sa 23rd ASEAN Plus Age Group Championships sa Malaysia. Umabot naman siya sa championship match ng Melbourne Chess Open sa Australia noong Abril. Full support tayo sa kanyang pagsabak sa World Seniors Chess Championships sa Italy sa darating na Oktubre.

Bisita rin natin sa Senado sa araw na iyon ang Pilipinas 45-Up Basketball Team na kampeon sa 2025 World Masters Games sa Taiwan. Pinabilib din tayo ng batang arnis team ng Baclaran Elementary School Unit 1 na nanalo kamakailan sa isang interschool competition sa Parañaque City. Proud ang inyong Senator Kuya Bong Go na nagpasalamat sa ating mga atleta para sa karangalang hatid at hahakutin pa para sa ating bansa.

Ngayong 20th Congress ay muli tayong itinalaga bilang Chairman ng Senate Committee on Sports. Patuloy nating isusulong na mas palakasin ang grassroots sports program para mas marami pang kabataang Pilipino ang ma-develop at makilala sa international stage. Patuloy din nating ipaglalaban ang mas pinalawak na suporta para sa ating national athletes. Malaking tulong sa ating mga atleta kung wala na silang ibang iniisip kundi ang mag-training.

Sa tulong ng mga kapwa ko mambabatas, sisikapin nating maipasa ang Senate Bill No. 171 para sa pagtatatag ng mga regional campus ng National Academy of Sports; Senate Bill No. 407 para sa mas inklusibong insentibo ng ating mga para-athlete; Senate Bill No. 413 upang ma-institutionalize ang Philippine National Games; at Senate Bill No. 678 para sa pormal na pagtatatag ng National Tertiary Games.

Bilang Chairman din ng Senate Committees on Health at on Youth, konektado ang adbokasiya natin sa sports. Bukod sa napapangalagaan ang kalusugan, isang paraan din ito para ilayo ang ating kabataan sa droga at masasamang bisyo. Get into sports, stay away from drugs, to keep us healthy and fit!

Samantala, noong July 30, nakibahagi kami sa pagbubukas ng 5th National Summit ng Philippine Society of Medical Laboratory Scientists (PSMLS) Inc., kasama sina National President Estelita Joji Cadiente at Summit Chair Annalyn Costales.

Noong July 31 naman, personal nating binisita at tinulungan ang 172 biktima ng sunog sa Barangay 93, Zone 8, District 1, Tondo, Maynila. Pagkatapos nito, nagtungo kami sa Rosario, Cavite upang maghatid ng tulong sa pakikipagtulungan sa pamahalaang bayan na pinamumunuan nina Mayor Voltaire Ricafrente at Vice Mayor Bamm Gonzales.

Kabilang sa mga benepisyaryo ang mga solo parent, nakatatanda, mag-aaral sa elementarya, senior high school, at kolehiyo, at mga pasyente.

Matapos ang pananalasa ng mga Bagyong Crising, Dante at Emong, na pinalakas din ang epekto ng habagat, maraming kababayan natin ang nawalan ng tirahan. Kaya naman nagtungo ang ating Malasakit Team sa mga komunidad upang maghatid ng tulong.

Sa Tarlac, 1,000 benepisyaryo mula sa iba’t ibang bayan ang naabot, kabilang ang Concepcion kasama si Mayor Noel Villanueva, Camiling, kasama si Mayor Ate Joyce Agustin, Moncada, kasama si Mayor RB Aquino, at Paniqui, kasama si Mayor Katleen Roxas, sa tulong ni Governor Christian Yap. Sa Bataan, 600 ang nakatanggap ng tulong sa Balanga, kasama si Mayor Raquel Garcia at sa Abucay, kasama ang dating mayor na si Robin Tagle.

Nakapaghatid din ng tulong sa 50 katao sa Bagong Silang, Lungsod ng Caloocan. Sa Cavite, 375 pamilyang naapektuhan mula sa Indang at Lungsod ng Imus ang natulungan, sa tulong nina Indang Mayor Vergel Fidel at Barangay Poblacion IV‑A Captain Pet Figueras para sa Imus City. Sa Batangas, 250 ang natulungan sa Tingloy, kasama si Vice Mayor Mikee Alvarez. Sa probinsya ng Quezon, 250 residente mula sa Real ang nabigyan ng tulong sa suporta ni Mayor Julie Ann Macasaet. Samantala, 550 residente sa Rizal ang nakinabang din sa programa.

Sa Laguna, umabot sa 500 katao mula sa mga bayan ng Siniloan, Victoria, Sta. Cruz, Lumban, at Bay ang natulungan, sa suporta nina Barangay Pag‑asa Captain Hermie Bidanya sa Bay, Konsehal Grevi Pahutan, at Siniloan Mayor Patrick Go at Vice Mayor Carla Valderama. Sa Pangasinan, 400 katao ang natulungan sa Dagupan City, kasama si Konsehal Danee Canto at sa Mangaldan, kasama si Mayor Bona Fe de Vera.

Sa Occidental Mindoro, 550 residente ang natulungan sa Mamburao, kasama si Konsehal Jenny Villar at sa Paluan, kasama si Mayor Sonnary Pablo, bukod pa sa 550 na natulungan katuwang si Mayor Gloria Constantino. Sa Oriental Mindoro, 500 residente ang nabigyan ng tulong sa Bongabong, kasama si Mayor John Michael Malaluan.

Sa Negros Occidental, kabuuang 2,550 benepisyaryo ang natulungan sa iba’t ibang bayan. Kabilang dito ang mga residente ng Hinigaran, kasama sina Mayor Mary Grace Arceo at Konsehal Xenia Guanco, Bago City, kasama si Mayor Mayette Javellana, Valladolid, kasama si Mayor Ricardo Presbitero Jr., San Enrique, kasama si Mayor Jilson Tubillara, Himamaylan City, kasama si Mayor Raymund Tongson, pati na rin ang mga residente ng Hinobaan.

Sa Antique, 692 katao ang natulungan sa mga bayan ng Sebaste, Culasi, at Tibiao.

Sa Cebu City, 34 biktima ng sunog at 1,571 biktima ng bagyo ang nabigyan ng tulong, katuwang sina Barangay Captains Daniel Francis Arguedo at Jay Bacalso.

Nakibahagi rin ang Malasakit Team sa iba’t ibang aktibidad gaya ng turnover ng Super Health Center sa Barangay Del Carmen at Barangay Digkilaan sa Lungsod ng Iligan kasama si Mayor Frederick Siao, at sa Munai, kasama si Mayor Racma Andamama — lahat sa Lanao del Norte. Dumalo rin kami sa University of Batangas - Batangas City Gawad UBian awards ceremony, kung saan kinilala tayo bilang pangunahing tagapagkaloob ng mga iskolarship.

Isang beses lang tayo dadaan sa mundong ito kaya anumang tulong ang puwede nating ibigay sa kapwa, o anumang karangalan ang puwede nating ialay sa bansa, ay gawin at ibigay na natin ngayon.

Bilang isang atleta, patuloy kong isusulong ang mga batas at polisiya na magbibigay ng sapat na suporta at mag-aangat sa antas ng Philippine sports. Tulungan natin ang ating mga atleta na makamit ang kanilang full potential sa pagsabak sa global arena. At bilang inyong Mr. Malasakit, bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.