O, s'ya, friends na araw at gabi... SIKAT NA AKTRES, SINIRAAN NG BIYENAN, IPINAGKALAT NA LESBIAN,

'DI MAN LANG IPINAGTANGGOL NG MISTER, NAPUNO, NAKIPAGHIWALAY

ni Erlinda Rapadas - @Teka Nga! | May 26, 2023

Blind item:

Marami ang labis na nanghinayang nang maghiwalay ang isang "power couple" sa showbiz nang dahil lang sa sulsol at paninira ng in-laws ng babae.

Sikat na sikat ang aktres na ito na nanggaling pa sa mayamang pamilya, habang guwapo at sikat din ang aktor na napangasawa niya.

Enggrande ang kanilang kasal na ginastusan ng super rich na pamilya ng sikat na aktres at kalaunan nga ay nabiyayaan sila ng isang anak na babae.

Pero, halos dalawang taon pa lang silang kasal ay nauwi rin ang pagsasama nila sa hiwalayan.

Hindi na kasi kinayang magtiis ng sikat na aktres sa mga ginagawang paninira sa kanya ng mga in-laws niya. Ang matindi pa ay ipinagkalat pa raw ng mga ito na isa siyang lesbian na pinakasalan ang kanilang guwapong anak na aktor.

Ito ang naging rason upang tuluyan nang kumalas ang sikat na aktres dahil hindi man lang siya ipinaglaban at ipinagtanggol ng mister niya sa kanyang mga in-laws.

Ngayon nga ay mahigit dalawang dekada nang hiwalay ang tinaguriang "power couple" noon at may kani-kanya na rin silang pamilya.

Pero, pareho pa ring aktibo ang kani-kanilang career kaya patuloy pa rin silang nagkikita sa mga showbiz events.

Ganunpaman, walang galit, bitterness at sumbatan ang dalawa sa isa't isa kahit na ganoon ang kinahinatnan ng kanilang pagsasama.

Nagdesisyon na lang ang dating "power couple" na maging magkaibigan at payag na rin sila na magsama sa isang pelikula kung meron mang offer sa kanila.

TISAY NA AKTRES, NAKABILI NG HOUSE & LOT NU'NG PANDEMIC DAHIL TINUHOG ANG FAMOUS NA MAG-AMA

ni Janiz Navida @Showbiz Special | May 12, 2022

BLIND ITEM:

Pinagpipiyestahan ng mga mismong kaibigan niya ang tisay na aktres dahil nu'ng pandemic kung saan halos wala nang makain ang ibang artista, aba't nakapagpatayo naman ng bahay ang aktres.

Teka, saan nga ba ito kumuha ng kanyang ipinagpagawa ng bahay, eh, wala ngang mga TV shows at pelikula?

Hmmm… 'wag n'yong i-underestimate ang tisay na aktres dahil wais ito, ha?

Well, ginamit lang naman niya ang kanyang utak… and yes, ang kanyang katawan para kumita ng P500 K per night kapalit ng pagdadala sa langit ng kaligayahan sa mga lalaking uhaw sa katas ng bulaklak. Katas ng bulaklak daw, oh!

Pero ang mas nakakalokang kuwento rito, tinuhog pala ng tisay na aktres ang isang sikat na mag-ama sa showbiz!

Yes, pareho silang nahulog sa alindog ng tisay na aktres. 'Di lang namin sure kung alam kaya ng mag-ama na pareho silang naging kostumer ni tisay na aktres.

In fairness, sa galing at pagiging wais ni aktres, 'di na niya kailangang kumayod araw-gabi, 'no!

NAUDLOT ANG BOOKING SA RICH GAY, IMBES TUMAMBAY SA AIRPORT, NAKIPAG-QUICKIE SA PETITE DANCER

ni Ambet Nabus @Let's See | May 19, 2023

Blind item:

Nakakaloka pala ang nangyari sa isang hunk actor na noon pa napapabalitang nagpapa-booking sa mga mayayamang bading at cougars.

Noon palang may nangyaring mga delays at cancellations ng flights kamakailan, dapat ay may booking ito sa isang tagong lugar sa South.

At dahil hindi nga ito natuloy, hindi na rin nito ini-refund ang down payment ng nagpa-book sa kanya. Besides, ganu'n naman daw talaga ang kalakaran.

Ang nakakaloka, sa nasabing pag-istambay niya sa airport habang waiting sa posible pang flight ay nakita raw nito ang isang female dancer na madalas niyang nakakatrabaho.

Maganda, petite at sexy si dancer na dapat ay magbabakasyon din pala somewhere. At dahil pareho silang feeling nasasayangan sa pag-istambay sa airport, minabuti raw ng mga ito na pumunta sa kalapit na hotel.

Nakasabay pa nila ang mga sources nating minabuting mag-check-in din sa same hotel kesa matulog sa airport.

Ayun nga raw, nakita nilang magkasabay nag-merienda, nagkuwentuhan at nagpatay-oras ang dalawa hanggang sa pareho raw itong nawala sa kanilang mga paningin.

The next thing daw na nakita ang mga ito ng mga sources natin ay nu'ng sabay na lumabas mula sa isang private room the following day na.

Simpleng kaso nga ito ng pa-booking na nag-booking, 'di ba, mga ka-BULGAR?