SEXY ACTRESS, 'DI MA-TAKE NA LAOS NA, TODO-REGALO SA STAFF MAISAMA LANG SA SERYE

ni Erlinda Rapadas - @Teka Nga! | May 28, 2023

Blind item:

Hindi namin mapaniwalaan ang kuwento at bulong-bulungan tungkol sa isang may-edad nang dating sexy actress. Naging beauty queen din siya bago nag-artista. Rich ang kanyang mga nakarelasyong businessmen, pulitiko at military man.

Marami siyang nagawang pelikula noong kanyang kasikatan at jetsetter din siya at panay ang shopping abroad. Na-enjoy niya nang husto ang buhay-showbiz.

Pero, dumating ang era ng mga bagong artista. Nagsulputan ang mga mas bata at mas magagandang artista. Bihira na siyang kunin sa mga serye at pelikula kaya medyo na-insecure ang may-edad nang sexy actress kapag wala siyang TV show at hindi na napapanood ng kanyang mga amiga at mga fans.

Dahil dito, gumawa ng paraan ang sexy actress para muli siyang mapansin ng mga televiewers.

Kinaibigan niya ang mga production staff ng serye lalo na ang in-charge sa casting ng show. Kung anu-anong regalo ang ibinibigay ng sexy actress sa staff ng show maisama lang siya sa serye. Hindi problema sa kanya ang talent fee dahil rich naman siya.

Ganunpaman, hindi umubra ang style at diskarte ng dating sexy actress. Inaayawan din siyang isama sa cast dahil may attitude raw ito. Maraming artista ang ayaw siyang makatrabaho.

Kung tutuusin, marunong namang umarte ang dating sexy actress. Okey sa kanya kahit na kontrabida ang ibigay sa kanya. Maganda pa rin siya at may korte pa ang katawan.

Ang kakaibang ugali at attitude lang niya ang dahilan kaya wala siyang projects ngayon.

Galawang da girl ba ang ganyan? SOSYAL AT BYUTING AKTRES, BURARA, MALETA PARANG HINALUKAY NG MANOK

ni Erlinda Rapadas - @Teka Nga! | May 27, 2023

Blind item:

Maganda at sosyal ang isang not-so-young actress. Maraming aktor ang nanligaw at nabaliw sa kanyang kagandahan.

May class ito kung pumorma. Kaya naman pala siya ang palaging kinukuhang cover girl noon sa mga magazines.

Pero, tinamaan siya sa isang guwapo at simpatikong aktor. Nauwi nga sa kasalan ang kanilang relasyon. Mas pinili siya ng aktor at iniwan pa nga nito ang dating nobya na isa ring aktres.

Well, may sikretong natuklasan ang mga taong malapit sa magandang aktres. Na-shocked ang mga ito nang malaman na burara pala siya sa kanyang mga personal na gamit.

Kung gaano kasinop at ka-organized sa mga gamit ang kanyang mister na aktor, kabaligtaran naman ito ng sosyal na aktres.

Kapag nagbibiyahe abroad, naloloka ang mga kasama niya sa tuwing nakikita ang kanyang mga bitbit na maleta dahil mistulang hinalukay ng manok at dinaanan ng bagyo ang mga gamit ng aktres.

Kaya naman, marami ang nagulat at nadismaya nang malaman ang itinatagong sikreto ng sosyal at magandang aktres.

O, s'ya, friends na araw at gabi... SIKAT NA AKTRES, SINIRAAN NG BIYENAN, IPINAGKALAT NA LESBIAN,

'DI MAN LANG IPINAGTANGGOL NG MISTER, NAPUNO, NAKIPAGHIWALAY

ni Erlinda Rapadas - @Teka Nga! | May 26, 2023

Blind item:

Marami ang labis na nanghinayang nang maghiwalay ang isang "power couple" sa showbiz nang dahil lang sa sulsol at paninira ng in-laws ng babae.

Sikat na sikat ang aktres na ito na nanggaling pa sa mayamang pamilya, habang guwapo at sikat din ang aktor na napangasawa niya.

Enggrande ang kanilang kasal na ginastusan ng super rich na pamilya ng sikat na aktres at kalaunan nga ay nabiyayaan sila ng isang anak na babae.

Pero, halos dalawang taon pa lang silang kasal ay nauwi rin ang pagsasama nila sa hiwalayan.

Hindi na kasi kinayang magtiis ng sikat na aktres sa mga ginagawang paninira sa kanya ng mga in-laws niya. Ang matindi pa ay ipinagkalat pa raw ng mga ito na isa siyang lesbian na pinakasalan ang kanilang guwapong anak na aktor.

Ito ang naging rason upang tuluyan nang kumalas ang sikat na aktres dahil hindi man lang siya ipinaglaban at ipinagtanggol ng mister niya sa kanyang mga in-laws.

Ngayon nga ay mahigit dalawang dekada nang hiwalay ang tinaguriang "power couple" noon at may kani-kanya na rin silang pamilya.

Pero, pareho pa ring aktibo ang kani-kanilang career kaya patuloy pa rin silang nagkikita sa mga showbiz events.

Ganunpaman, walang galit, bitterness at sumbatan ang dalawa sa isa't isa kahit na ganoon ang kinahinatnan ng kanilang pagsasama.

Nagdesisyon na lang ang dating "power couple" na maging magkaibigan at payag na rin sila na magsama sa isang pelikula kung meron mang offer sa kanila.