Flotilla ng mga sibilyan, wagi sa WPS

ni Ka Ambo @Bistado | May 18, 2024

Nagtagumpay daw ang flotilla ng mga sibilyan tungo sa West Philippine Sea.

Klap, klap, klap!

-----$$$--

ANG soberanya ay hindi naipapakita sa prusisyon o parada.

Ang soberanya ay pinatitibay ng pagdidilig ng dugo ng mga martir.

-----$$$--

MAS aantayin natin na mag-flotilla sa WPS ang magagarang kumpit ng mga Muslim.

Tiyak na hindi sila aatras sa mga panakot na barko ng mga Tsino.

-----$$$--

MAKUKULAY ang kumpit ng mga Muslim, mas magandang i-vlog ito sa buong mundo.

Hindi puwedeng pigilin ng mga Tsino ang mga Muslim, tulad din namang hindi nasakop ng sinumang dayuhan ang Mindanao.

----$$$--

DAPAT nating maunawaan kung ano ang ordinaryong kahulugan ng “bully”. Ang bully ay angkop na kataga sa mga duwag.

Parehong duwag ang mga nambu-bully at nabu-bully.

-----$$$--

MALALAMAN lamang ang matapang kapag nagkasuntukan na.

Hindi pinag-uusapan dito kung malakas o mahina, o kung may bukol o wala matapos magsuntukan.

Ang pinag-uusapan dito ay pagpaparamdam na handang “magbuwis” ng buhay ang bawat panig.

-----$$$--

KAPAG hindi natakot na mapugutan o magbuwis ng buhay ang mga mananakop tulad ng sinapit ni Magellan, doon natin matutukoy na hindi sila “nambu-bully”.

Kapag hindi natakot na magbuwis ng buhay ang sinuman na kasama sa flotilla o backers nito, iyan ang tunay na pagtatanggol sa soberanya.

----$$$--

SA sinaunang panahon, ang sinumang sundalo na umuwi nang buhay matapos ang digmaan ay isang kahihiyan sa pamilya.

Ang bangkay ng mga sundalong nasawi sa digmaan ay isang karangalan sa pamilya at sa bansa, ipinagpipiyesta ito ng 40 araw.

-----$$$--

HINDI sa debate, hindi sa dakdak, hindi sa propaganda ipinadarama ang pagdedepensa sa soberanya.

Ang pagtatanggol sa soberanya ay maaari lamang magawa sa kahandaan na magbuwis ng buhay.

---$$$--

ANG pagbubuwis ng buhay para sa soberanya ay hindi malungkot na eksena ng buhay, hindi ito isang kabiguan.

Ang pagkakaroon ng martir sa West Philippine Sea ang magpapatibay ng ating pag-angkin sa naturang teritoryo.

-----$$$--

HINDI barko-de-giyera, hindi missile, hindi armas de giyera ang ginagamit na pagdedepensa sa soberanya, bagkus ay sariwang dugo ng mga martir.

Kapag walang martir, asahan ang normal na pagdating ng mga mambu-bully.

-----$$$--

ANG gamot at pangontra sa bully ay hindi ang paghanap ng kasangga sa mga dayuhang may mas malalakas na puwersa.

Ang pinakaepektibong pangontra sa bully ay ang wagas na pagbubuwis ng buhay ng katutubong lahing naninirahan sa naturang teritoryo.

----$$$--

Kailangan natin ang maraming “Lapulapu” sa West Philippine Sea.

Mahirap bang i-memorize ‘yan?

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Relasyon ng 2 silahis sa isang gov’t. agency, pinagpipiyestahan ng mga Marites at Marisol

ni Ka Ambo @Bistado | May 13, 2024

NAGMA-MARITES na rin pala ang China.

Meaning, may giyera ng propaganda sa West Philippine Sea.

Gusto ni Sec. Gibo na i-deport ang mga tsismoso’t tsimosa sa Chinese embassy. He-he-he!

----$$$--

SA ibang ahensya, pinagpipiyestahan ng mga marites at marisol sa isang departamento ng pamahalaan ang relasyon ng dalawang silahis o bakla.

Kasi naman ay high ranking ang isa at ang karelasyon ay rank and file. He-he-he!

----$$$--

KUMBAGA, parehong bading ang bida.

Ang ‘wento, nagkakilala ang dalawang bida sa isang dating app at sa mga unang swipe pa lang ay nag-match na agad sila.

Alam daw ng naturang bossing ang eksena pero hindi batid ng opisyal na nagtatrabaho din doon ang kawani.

----$$$--

NAG-“GO” ang mga loko sa face-to-face date na humantong kuno sa isang hotel.

Ang tsismis, si bossing sa ibabaw at si kawani sa ilalim.

Ha-ha-ha!

----$$$--

PUTOK-NA-PUTOK sa buong kagawaran ang sex escapades ng dalawang hitad.

Clue?

Ang bossing ay mahilig mamigay ng GC.

-----$$$--

HINDI natin alam kung paano nakalabas ang wento-wento.

Posibleng may naiinggit o maaaring may nakadiskubre lang.

Kung imbento o totoo ito, bahala na ang mga tunay na nakakakilala sa kanilang dalawa.

----$$$--

PAANO kaya makakapagtrabaho nang maayos si bossing at si kawani gayung alam na nila na bistado na ang kanilang “buhay-buhay”.

Sa bagay, hindi isolated ang naturang isyu.

----$$$--

PINASOK na ng Israel ang Rafah sa Gaza Strip.

Hindi ito suportado ng U.S., kuno.

Inilalarawan ito ng isang “genocide”.

----$$$--

TORETE si U.S. President Joe Biden.

Wala siyang magiging tamang desisyon.

Kumbaga, sala-sa-lamig, sala-sa-init.

----$$$--

BUWENAS si ex-President Donald Trump.

Hindi sinasadya, matutulungan siya ng “giyera sa paligid”.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Tindi ng init, walang nagka-cloud seeding, bakit kaya?

ni Ka Ambo @Bistado | April 30, 2024

Sobra ang tindi ng init.

Nasaan ang preparasyon laban sa El Niño?

Waley.

----$$$--

HINDI ba kayo nagtataka, bakit walang pagtatangka na mag-cloud seeding?Hindi nagbibigay ng paliwanag ang mga eksperto kung possible ba ang artificial rain?

Hindi ba’t iyan ay isang teknikal na solusyon?

-----$$$--

NASAAN ang inobasyon laban sa El Niño?Teka, naghahanda na ba ang Pilipinas sa epekto ng kasunod na La Niña?

Mayroon na bang mga bagong rescue chopper na puwedeng gamitin?

----$$$--

SAKALING may sumabog na dam sa panahon ng La Niña at malakas na lindol — ano ang contingency measures?

Posibleng matapos ang El Niño at magkakambal na maranasan ang La Niña at The Big One na matagal nang ibinabala.

----$$$--

PANAY babala, pero puro propaganda lang at dakdak ang inilalabas sa media.

Puwede ba ‘yun? 

----$$$--

NALILIBANG ang mga tao sa isyu ng giyera.

Panay ang pundar ng gamit panggiyera, pero gamit sa kalamidad at gutom, mayroon ba?

----$$$--

BAKIT walang nagsusulong na lagyan ng wind, solar at tidal wave energy production ang lahat ng coastal area sa Pilipinas.

Imbes na armas sa giyera, hindi ba puwedeng makipag-partner ang Pilipinas sa massive wind mills installation sa lahat ng coastal area?

----$$$--

KAKAMBALAN ang wind mills ng panibagong turbine na ang enerhiya ay mula sa malalakas na alon ng karagatan sa archipelago ng Pilipinas.

Kasabay niyan, maglagay din ng solar panel sa lahat ng dalampasigan.

------$$$--

ISA pang nagkapagtataka, bakit hindi binabanggit ang “drone machine” sa mga armas-panggiyera na inaangkat sa ibang bansa.

Hindi ba puwedeng umembento ang mga Pinoy na “robotkite” na maaaring magkarga ng pulbura na isasaboy sa mga barko ng dayuhang pumapasok sa exclusive economic zone ng Pilipinas?

-----$$$--

Simpleng magpapaulan lang ng pulbura ang mga robotic kites sa mga barko ng kalaban — at hindi na kailangan ang fuse o detonator.

Kapag nagpaputok ang mga nasa barko, tiyak na sila mismo ay sasabog!

Ha! Ha! Ha!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.