Mg lider-lideran ng mahihirap, plastik, humaharbat na rin ng ‘pork barrel’

ni Ka Ambo @Bistado | November 20, 2025

Pumasok na ang amihan.

Paalam Habagat.

-----$$$--

Tangay-tangay ng Amihan ang simoy ng tag-araw at Kapaskuhan.

Sa ngayon, magyeyelo sa dakong China at Russia kung saan ang lamig ay aabot sa klima ng Pilipinas.

-----$$$--

MABABAWASAN din ang patak ng ulan at bilang ng bagyo — pero sa dakong Mindanao — mananatili ang mga pulo-pulong pag-ulan.

Sa Luzon at Kabisayaan — makakaranas ng hindi ordinaryong tindi ng init.

-----$$$--

MARAMI ang nagtatanong: Ano ang mas gusto mong klima, tag-init o tag-ulan?

Sa tag-init, delikado ang kalusugan ng bata’t matanda lalo na ang mga nagdarahop na walang pambili ng air-conditioning unit.

----$$$--

SA tag-ulan, kaawa-awa rin ang mga nagdarahop dahil binabaklas ng bagyo ang kanilang mga bubong at dingding.

Pinakagrabe — karaniwang lumulubog ang lugar kung saan naroroon ang mga mahihirap bukod pa ang landslide.

-----$$$--

ANG mayaman at mahirap ay parehong apektado siyempre ng klima.

Sa personal nating tingin, higit na apektado ang mga nagdarahop tuwing tag-ulan — dahil sa baha, landslide.

----$$$--

KAHIT anong kalamidad, ligtas ang mga mayayaman sa pinakamayayamang pamilya.

Pero, sa panahon ng pandemic — o pamemeste ng COVID — mayaman at mahirap — ay nangamatay nang “walang gamot”.

----$$$--

KAHIT naman sa talamak na corruption — sa loob at labas ng gobyerno, ligtas din ang mayayaman.

Lalo pang yumayaman ang mayayaman at mas nagdarahop ang mga nasa laylayan.

-----$$$--

SAKALING magkaroon ng sorpresang pag-agaw ng poder sa gobyerno — at magkaroon ng kaguluhan, apektado rin ang mga naghihikahos.

Hindi naman totoo na natutulungan ang mga nagdarahop — sa alinmang rebelyon o rebolusyon.

----$$$--

KAPAG nagkakagulo o aktuwal na nagkapatayan sa pag-aagawan sa poder ng gobyerno — nakikinabang dito ang mga mayayaman na binabansagang “Ang Mga Oligarko”.

Ang oligarko — ay may kamandag dahil sa kanilang ka-bundok na salapi — at sa ayaw o sa gusto ng mga “AnakPawis” na nagbubuwis ng buhay — ang mga OLIGARKO pa rin ang kukumpas at kokontrol ng gobyerno.

----$$$--

Ang mga lider-lideran o mga umaaktong lider ng mga mahihirap ay mga mapagbalat-kayo at plastik — dahil kapag naupo sila sa gobyerno — gaya sa partylist system — humaharbat din sila ng “pork barrel”.

Suriin ninyo ang listahan sa “insertion scam” — ang mga partylist leader na naglilinis-linisan — ay sila-sila rin ang promotor ng garapalang corruption sa pamahalaan.

----$$$--

KAKAMBAL na ng Republika ng Pilipinas ang walang patumanggang pandarambong sa kaban ng bayan — maiupo man o hindi ang lider ng mga “nagdarahop”.

Sistema, iskema at modus operandi ang corruption — walang pagkakaiba ito sa “mafia at yakusa” — nagpapalit-palit lang ng personalidad na siyang aaktong “front” sa walang katapusang pagnanakaw.

Nananatiling kaawa-awa ang mga dati nang kaawa-awa sa pinakakaawa-awang antas ng lipunan.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Kapalaran at sitwasyon ng ‘Pinas, ‘di maiiwasang manghimasok ang mga dayuhan

ni Ka Ambo @Bistado | November 17, 2025

Kumanta na si ex-Rep. Zaldy Co.

Itinuro niya ang mga ranking officials ng Republika ng Pilipinas sa P100 bilyong insertion fund.

-----$$$--

BAGAMAN pinagdududahang isang “AI” generated content ang expose, pero ito ay nai-post sa sarili niyang “verified account” sa Facebook page.

Itinuro niya mismo sina PBBM, ex-Speaker Martin Romualdez at ex-Senate President Chiz Escudero — na direktang may kinalaman sa kontrobersiyal na “insertion”.

-----$$$--

NAGKUMAHOG sa pagdedepensa sina Senate President Tito Sotto at Sen. Ping Lacson na isang aktuwal na paghuhubad ng mascara — dahil mas dapat ay “naging neutral” upang mabusisi si Co nang lantaran sa Senate hearing.

Nagkakasya ngayon si Co sa social media — na hindi mapipigil nang sinuman.

-----$$$--

NAKATAKDA ang serye ng street protest at inaasahang higit na matindi ito kaysa sa naunang protesta kung saan, isang establisimyento ang ni-ransack.

Walang duda, gagamitin ang “pag-amin” ni Co bilang “slogan at battle cry” sa protesta.

-----$$$--

AKTUWAL na nagkaroon ng kakampi sina Rep. Kiko Barzaga, Gov. Chavit at mga DDS.

Hindi sila nabawasan, bagkus ay nadagdagan pa tulad ng INC at mismo ni Co.

-----$$$--

Sa totoo lang, may mga tsismis na bumaliktad na rin si US President Donald Trump.

Iyan ang nakakatakot, at nakakanerbiyos — panghihimasok ng US.

-----$$$--

Bago isinagawa ang naunang street protest, binalasa ng US Embassy ang mga diplomat kung saan pinalitan ang mismong ambassador.

Makaraan ito, dumalaw ang mga US diplomat mismo sa ICI at pinagdududahan ang tunay na motibo.

-----$$$--

SA pinakahuling ulat, dumating sa Basa Air Base ang isang unit ng military drones ng US na sinasabing magpapraktis lamang.

Sa panahon ni dating Pangulong Marcos Sr. kapag dumadaong ang US warship sa Subic Bay ay maraming espekulasyon ang lumilitaw.

-----$$$--

SA ngayon, walang dapat ipangamba ang lahat dahil paulit-ulit na sinasabi ng AFP na walang kudeta na magaganap.

Pero, nakapagtatakang hindi naglalabas ng anumang opisyal na pahayag ang US Embassy at White House kaugnay ng mga nagaganap sa Pilipinas.

----$$$--

HINDI ordinaryong kongresista si Co dahil aminado na ang lahat — maka-Marcos o maka-Duterte man, nakontrol ng naturang partylist representative ang maniobra sa annual budget.

Eh, sino pa ang inaantay na “magsalita” kaugnay ng flood control scam — hindi ba’t perpekto ang personalidad ni Co hinggil dito — siya mismo ang “main character” sa isyu — at ngayon ay nagbigay na ng pahayag.

-----$$$---

MASELAN ang sitwasyon, dahil agad bumagsak ang kalakalan sa stock exchange, bumagsak ang halaga ng piso at umatras ang volume ng foreign direct investment.

Hindi tinatablan ang Malacanang, pero malinaw na apektado ang ekonomiya — kabilang ng mga “foreign investors”.

----$$$--

ANG kapalaran at sitwasyon ng Pilipinas — ay hindi lamang para sa mga Pilipino, bagkus hindi maiiwasan na manghimasok ang mga dayuhan.

Bakit?

Mababangkarote rin kasi ang kanilang negosyo at mapupurnada ang kanilang “vested interest”.

-----$$$--

HINDI lang ang US ang posibleng manghimasok, maging ang China rin.

Hindi kaya mag-SPRINT sila sa pakikialam — sa lalong madaling panahon?

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Nakatakda ang malawakang kilos-protesta, pero AFP tapat pa rin daw sa Konstitusyon

ni Ka Ambo @Bistado | November 16, 2025

Aktuwal nang ‘naghahalo ang balat sa tinalupan’.

Sa English, ‘yan mismo ang blood bath.

-----$$$--

HANGO ang talinghagang ito sa royal rumble ng mga talisain sa isang kulungan — nagsasabong-sabong ang mga manok — hanggang sa isa lang ang matira.

Sa isang kuwento sa Brgy. Longos sa Bigaa, Bulacan, sinasabing nagising isang gabi si Tata Ige dahil sa hindi magkamayaw na putak at sabong ng mga manok sa likuran ng kanyang bahay-kubo.

-----$$$---

Nagsabong-sabong pala ang lahat ng kanyang alagang talisain — at kinabukasan nang magliwanag -- iisa ang natirang buhay pero marami ring sugat.

Ang kulungan na ginawang gradas ay napuno ng mga nagkalat na balahibong manok na humalo-halo sa mga tigpas na balat o skin ng kanyang mga patay nang talisain na naliligo nang dugo.

Bulong niya habang naglilinis ng kulungan: “Naghalo ang balat sa tinalupan”.

----$$$--

MATATANDAANG ibinabala ni VP Sara ang blood bath nang magkahiwalay sila ng landas ni PBBM.

Kasunod nito, inimbestigahan ng Kongreso ang kanyang confidential fund at isinampa ang impeachment case.

-----$$$--

Mistulang “madugo” ang mga kasunod na pangyayari dahil inaresto ang kanyang ama at iniregalo sa ICC sa The Hague.

Sopresang sinibak naman si dating Senate President Chiz Escudero na inakusahang tumanggap ng campaign fund sa isang kaibigang kontraktor.

----$$$--

HABANG umaandar ang mga araw, inakusahan na ng pandarambong ang ilang senador, kongresista at mga dating pulitiko kasama ang mga DPWH officials, COA at maging ang executive secretary kaugnay ng multi-bilyong pisong flood control projects.

Napuwersang magbitiw si Rep. Martin Romualdez bilang Speaker at Zaldy Co na congressman, bago binuo ang ICI sa isang executive order ni PBBM.

----$$$-

PERO ngayon, biglang idinawit na mismo ni Co si PBBM, na agad itong idinepensa umano ni Senate Blue Ribbon Committee chairman Sen. Panfilo Lacson imbes na magpahayag ng ‘neutral’.

Kaliwa’t kanan na ang palitan ng akusasyon ng magkabilang-panig.

----$$$--

Nakatakda ang malawakang kilos-protesta sa susunod na mga araw.

Pero, agad nang naglabas ng opisyal na pahayag ang AFP na mananatili silang tapat sa Konstitusyon.

-----$$$--

SA totoo lang, maging sina ex-AFP Fidel Ramos, ex-DND Secretary Juan Ponce Enrile ay naunang nagpahayag ng pagiging tapat kay dating Pangulong Ferdinand Marcos Sr. pero binali rin nila ang pahayag.

Iyan din ang matatag na pahayag ni ex-AFP Chief Angelo Reyes pero ‘trinaydor’ din niya ang kanyang Commander-in-Chief na si Pareng Erap Estrada.

Nang lumaon, nag-suicide at nagbaril sa sarili -- si Reyes!

Aktuwal na madugo.

---$$$--

SA aktuwal, matagal na ang talamak na corruption across all department sa gobyerno kahit wala pa si PBBM.

Ang nararanasan naman ngayon ni PBBM ay normal na nararanasan ng isang “lider o pangulo” na malapit nang matapos ang termino.

Unti-unti nang lalayo ang mga hunyango para kumapit at lumipat naman sa naaamoy nilang susunod na uupo sa Malacanang.

Walang personal d’yan, teknikal na pagtaya ‘yan.

----$$$--

DAPAT kaawaan si PBBM, dahil masasaksihan natin kung paano siya iiwanan ng kanyang mga “tinulungan” — dahil pahina nang pahina ang kanyang poder — habang lumalapit ang 2028.

Maikukumpirma natin ngayon kung isang mahinang lider ba o strong si PBBM.

----$$$--

TOTOO bang weak lider si PBBM? Ere ang panukat o barometro.

Una, mapapatunayang mali si Digong sa pagsasabing “weak leader” si PBBM — bagkus ay malinaw na strong leader siya -- kapag nairaos ng mister ni First Lady Liza Araneta Marcos ang termino hanggang 2028.

Ikalawa, maikukumpirma na “weak leader” si PBBM kapag hindi natapos ang kanyang termino — magbitiw, magkudeta o biglang magkasakit at mawala sa Malacanang bago mag-2028.

Sa ngayon, wala pang makakapagsabi kung isang weak o strong leader ang anak ni FEM, Sr.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.