Smuggling sa Aduana, hindi na tsismis kundi “given fact” na sa publiko

ni Ka Ambo @Bistado | April 13, 2026

Kakakmbal ng Republika ng Pilipinas ang graft and corruption.

Pinakasikat at talamak dito ang Bureau of Customs at hindi ‘yan kailanman naresolba.

----$$$--

Ngayon, hindi matapos-tapos ang ginagawang pagbibitiw ng mga matataas na opisyal ng Aduana sa ilalim ng pamumuno ni Commissioner Ariel Nepomuceno. Ano'ng meron?

Alam n'yo na dis!

----$$$--

Nagpahiwatig ang isang dating Customs executive na kabibitaw lamang, na hindi nila “masikmura” ang mga sitwasyon.

Sa taong ito, pangalawa siya sa nagkusang umalis sa puwesto pagkatapos ni dating Deputy Commissioner for Internal Administration Michael Cristobal Fermin. 

-----$$$--

NAGBITIW si Fermin for “personal and security reasons.”

Marami ang nagtatanong kung anong “lihim”  ang nagtulak sa bagong opisyal ng BOC para bumitiw siya sa puwesto? 

-----$$$--

USAP-USAPAN sa Aduana na ang seryeng resignation ay bunsod sa talamak na ilegal smuggling na ‘di umano'y kinasasangkutan ng mismong mga opisyal  sa loob ng ahensya. 

Balita pa ba ‘yan? May debate ba r’yan?

Wala. Kumbaga sa geometric formula, “given.”

----$$$--

TEKA, nagdududa ang ilang nagmamasid sa pinakahuling pahayag ni Ombudsman Boying Remulla.

Kasi tila may maniobra na iaabsuwelto si ex-Speaker Martin Romualdez.

Eh, bakit?

----$$$--

MAY ulat na hindi kasama si Escudero sa inirekomenda ng ICI at DPWH na kasuhan pero nakapagtatakang “iba” ang ihip ng hangin mula sa Ombudsman.

Nais kasing palabasin na may sabwatan ang dating speaker at dating senate president.

----$$$--

PAANO mangyayari ang sabwatan kung si Escudero ang unang nagturo kay Romualdez at nagpatutsadahan sila nang todo-todo.

Ayon sa ilang source, si Escudero ang personal na nag-expose kay PBBM na may anomaly sa budget process na inihanda ng Kamara ng mga Representante.

----$$$--

BATAY naman sa “timeline,” ang rurok sa budget anomaly ay naganap noon pang 2023 at 2024—pero hindi si Escudero ang Senate president ng mga panahong iyon.

May nagsasabi naman na ang modus sa budget ay nagsimula din sa panahon ni dating Speaker Lord Allan Velasco—pero wala ring “papel” doon si Chiz.

----$$$---

INIHAYAG agad ni Remulla na kakasuhan ng plunder kapwa sina Romualdez at ex-Senate President Chiz Escudero.

Sinasabing mahina ang ebidensiya laban kay Escudero kaya’t walang kauuwian kundi ang maabsuwelto.

Siyempre, dahil ikakambal ang dating speaker, maaabsuwelto na rin sa pagtatapos ng kaso.

----$$$--

NAIS ng taumbayan na maparusahan ang utak ng katiwalian, at kung nahahalata na hindi maayos ang imbestigasyon—nadadamay ang buong administrasyon.

Kumbaga, nasisira ang mismong reputasyon ni PBBM dahil sa pagdududa ng publiko.

-----$$$--

KAAWA-AWA naman ang “Ading” ni Manay Imee.

Napaparusahan at nasisisi sa sitwasyong wala naman siya kinalaman.

Tsk!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Remulla, inaabiso pa ang pagsasampa ng kaso sa halip na kasuhan agad!

ni Ka Ambo @Bistado | April 8, 2026

Buong mundo ay natutuliro kaugnay ng krisis sa ekonomiya.

Pero, ereng mga opisyal ng gobyerno, maruming pulitika pa rin ang pinagkakaabalahan.

He-he-he!

-----$$$--

Sa gitna ng sobra-sobrang taas-presyo ng petrolyo, umeeksena si Ombudsman Boying Remulla.

Isipin mong inihayag ni Remulla na inihahanda na nila umano ang kaso laban sa mga sangkot sa annual budget at flood control.

Huh? Inihahanda pa rin, pero inaabiso na kung kaillan magsasampa ng kaso?

Sintido-kumon lang, understood naman na magsasampa sila ng kaso, pero bakit ibinababala pa?

-----$$$--

BAKIT kinakailangan i-propaganda o ipanganlandakan ang pagsasampa ng kaso, gayun sa Mayo pa ito magaganap?

Eh, bakit?

-----$$$--

KUNG may matitibay na ebidensiya, bakit ipino-propaganda pa?

Hindi ba dapat ay kasuhan agad?

Napakatagal nang panay ang press release, pero walang aktuwal na kaso na isinasampa.

-----$$$--

MAY kuntsabahan daw sina dating ex-Senate President Chiz Escudero at ex-Speaker Martin Romualdez.

Bakit nagkaganun? Hindi ba’t lantarang binabatikos at ini-expose si Escudero ang mga diskarte ni Romualdez?

----$$$--

PAANO naging magkakuntsaba ang dalawang mambababatas kung sila mismo ang nagbabatikusan sa isa’t isa?

Nasaan ang sintido-kumon?

-----$$$--

Hindi ba’t si Chiz din ang nagsabi kay Pangulong Ferdinand “Bongbong” Marcos Jr. tungkol sa flood control insertions?

Kung babalikan natin ang records, si Chiz din ang paulit-ulit na kumukuwestiyon sa budget, lalo na kung bakit inuuna ang flood control kaysa agrikultura. 

-----$$$---

INIULAT na tanging si Romualdez lang ang inirekomenda ng ICI at ni DPWH Secretary Vince Dizon na kasuhan ng plunder. 

Sa katunayan, si Escudero pa nga ang isa sa mga unang nagpangalan sa dating Speaker bilang utak sa likod ng flood control anomaly. 

-----$$$--

KUNG susuriin ang padron ng diskarte, ang mga tunay na nakinabang ay ang mga kongresista na malapit sa House leadership ni Romualdez. 

Doon nagmula ang insertions. Doon umikot ang pondo. Hindi sa Senado. 

----$$$--

KUNG tutuusin, walang malinaw at specific na alegasyon na personal na nakinabang si Escudero. 

Ika nga, walang paper trail. 

-----$$$--

WALANG ulat na biglang yaman si Escudero.

Sa kabilang banda, kitang-kita ang lawak ng ari-arian ni Romualdez. 

-----$$$--

SINASABI ring may problema na ang budget simula pa noong panahon ni dating Pangulong Rodrigo Duterte.

Pero, sino ang lider ng Senado nang mga panahon iyon?

Bakit hindi kasama sa imbestigasyon si Senator Juan Miguel Zubiri? 

-----$$$--

SA ilang ulat, ang ghost flood control insertions ay tumindi noong 2023 at 2024, panahon kung kailan si Zubiri ang Senate President. 

Bakit kaya si Chiz ang ikinakalantari ng Ombudsman sa mga kasong ito?

-----$$$--

NOONG lang December 2025 ay mismong si DILG Secretary Jonvic Remulla mismo ang nagbanggit ng pangalan ni Escudero sa posibilidad na “one-on-one” sa pagka-Presidente sa 2028. 

May kinalaman ba ang lahat ng ito sa lihim na maniobra sa 2028?

Jusmiyo! Lugmok sa krisis ang bansa, pulitika pa rin ang nasa utak ng mga Kolokoy.

Tsk!!!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Krisis sa ekonomiya, 'di tulad sa Covid na vaccine lang ang sagot

ni Ka Ambo @Bistado | April 7, 2026

Tipong panic ang mga nasa pamahalaan.

Imbes na direktang harapin ang problema, “nganga” ang ginagawa.

Tuliro.

----$$$--

Itinatatwa kasi ang nakaambang krisis.

Kapag hindi tinatanggap na may nakaambang krisis, paano ito masosolusyunan?

----$$$--

Taliwas sa COVID-19 na simpleng vaccine ang solusyon, iba ang krisis sa ekonomiya.

Dapat nating maunawaan na  “winasak” ang mga imprastraktura na pang-enerhiya o suplay ng petrolyo sa Middle East.

Kailangan ang 5-10 taon bago ito maibalik sa dating porma.

-----$$$---

HINDI na magbabalik ang dating normal—dahil wasak na at winasak pa ang pinagmumulan ng petrolyo sa ibang bansa.

Ang matinding epekto ng krisis sa petrolyo ay krisis mismo sa ekonomiya.

-----$$$--

SA ngayon ay may suplay pa dahil inimbak ‘yan ng mga “oil corporation,” hindi ng gobyerno.

Sa ilalim ng oil deregulation law, ang korporasyon ng petrolyo o pribadong sector ang may pananagutan sa panahon ng “krisis.”

Dapat ay ang mga pribadong korporasyon ng langis ang gagawa ng paraan upang magkasuplay.

----$$$--

SA ilalim ng dating Oil Price Stabilization Fund, ang gobyerno ang may pananagutan kapag may problema sa suplay.

Sa panahon ng krisis, ginagamit ang naturang pondo, at ito ay diskarte na ginawa ni dating Pangulong Ferdinand Edralin Marcos Sr..

-----$$$--NGAYON ibinasura ang OPSF, kapalit ng oil deregulation law—ang nagpapasan dapat ng “mataas na presyo” ang mga oil corporation—gaya ng Shell ,Caltex at iba pa na pag-aari ng mga dayuhan.

Ang mga mambabatas na Pinoy ang katuwang ng mga oil corporation kung bakit ibinasura ang OPSF—at pinalaya ang mga oil distributor na magpatong ng presyo—kahit kasing-taas ng langit.

----$$$--

MATAGAL nang korup ang mga mambabatas na nadidiktahan ng mga dayuhan.

Iyan ay naganap nang mapatalsik si Marcos Sr.

Iyan din ang dahilan kung bakit nawala sa Malacañang ang matandang Marcos—dahil kontra siya sa interest ng mga dayuhan at pabor sa mga katutubong Pinoy.

----$$$--

HINDI nauunawaan ng Malacañang kung ano ang tunay na sitwasyon kaya’t hindi tatalab ang anumang desisyon at aksyon ng mga ito.

Dapat ay saklolohan ng pribadong sektor at ordinaryong mamamayan ang gobyerno—dahil hindi nila “alam ang kanilang ginagawa.”

----$$$--

ANG mga tao ay dapat magkusang magtipid, magsinop at magpakatalino, upang makaligtas sa isang krisis na kitang-kita na ng ating mga “mata” na paparating–at hindi maiiwasan!

Wala nang ibang paraan upang malampasan natin ang krisis—kundi ang magdasal!

-----$$$--

MAGDASAL upang makalmante ang ating puso, isip at kaluluwa.

Mula sa payapang kamalayan, sisibol ang mga tumpak na desisyon—na siyang reresolba sa mga problemang personal at panglipunan.

-----$$$--

HANGGANG ngayon, maruming partisan politics ang inaatupag ng mga kolokoy.

Kaawa-awa ang ordinaryong Pinoy.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.