Dahil sa fillers… LABI NI HEART, MAS MALAKI NA KESA KAY ANNE

ni Beth Gelena @Bulgary | August 25, 2025

Photo: Heart Evangelista at Anne Curtis-Smith - TikTok

Nagkasama sina Heart Evangelista at Anne Curtis sa Thailand para sa isang event. Hangang-hanga ang mga netizens sa magandang samahan ng dalawang aktres.

Ani Heart sa kanyang Instagram (IG) Stories, “Margaret and Stephanie Take Thailand.”

Post naman ni Anne sa Instagram (IG), “Aquarius szn (season) came early.”

Komento ng mga fans…

“40s pero ang gaganda at bata pa rin nila tingnan.”

“Super-ganda at charming ni Anne. Iba ‘yung appeal, grabe.”

“Masaya ang aming puso ni Margaret at Stephanie (ang karakter nila sa seryeng Hiram).”

“Ito ang mga legit fashionista and kikay since teens!”

“Heart x Anne para sa Tiffany & Co. Galing!”

“Dapat nilang muling likhain ang kanilang Hiram teleserye photos.”

“‘Yung mas malaki na lips ni Heart kesa kay Anne. Hahahaha! Fillers pa more.”

“Ang mga queen ng teleserye noon.”

Ganern? Mas malaki na raw ang lips ni Heart Evangelista kay Anne Curtis. Hahahaha!

---

Ibinida ni Herlene Budol ang kanyang bagong milestone sa isang glamorosong birthday shoot para sa kanyang ika-26 na kaarawan, kuha ng photographer na si Amanda Claire.

Blonde ang hair at chic na damit ang suot ng birthday girl at very confident na nag-pose habang ibinabalandra ang kanyang sexy body.

Caption ni Herlene, “20 something!! Happy birthday sa babaeng may something.” 

Pinaulanan tuloy siya ng birthday greetings ng kanyang mga tagahanga.

Si Herlene ay nakilala bilang “Hipon Girl”. Nadiskubre siya nang sumali bilang contestant sa Wowowin, ang programa ni Willie Revillame. Natuwa si Kuya Wil sa kanya, kaya kinuha niya itong guest lady co-host ng game show.

Dahil may pagka-komedyante, nagustuhan siya ng mga manonood at kinalaunan ay pinasok na rin ang pag-aartista. 

At dahil may kakaibang ganda, sumali siya sa beauty pageant at naging first runner-up sa 2022 Binibining Pilipinas kung saan humakot din siya ng special awards. Nakoronahan din siya bilang Miss Philippines Tourism 2023 sa Miss Grand Philippines.

Nang lumaon, nag-concentrate na siya sa pag-arte sa pangangalaga ng GMA-7. Ang dating ‘squammy girl’, tulad ng lagi niyang sinasabi noon sa programa ni Kuya Wil ay malayo na ang narating.

---

SI Nadine Lustre ang nanalong Best Supporting Actress sa nakaraang 73rd FAMAS 2025 na ginanap sa Manila Hotel. Ikatlong award na ito ng aktres sa nasabing

prestigious award-giving body.

Nanalo siya para sa pelikulang Uninvited, kung saan kasama niya sina Vilma Santos-Recto at Aga Muhlach. Tinalo niya ang iba pang aktres tulad nina Isabel Sophie Ng, Eugene Domingo, Alessandra de Rossi, Claudine Barretto at Mylene Dizon.

Sa kanyang career, nanalo na siya ng Best Actress awards mula sa Asian Academy Creative Awards 2019, sa FAMAS noong 2019 at 2023, Gawad Urian noong 2019, Metro Manila Film Festival (MMFF) 2019, at Star Awards for Movies 2024.

Sa kanyang acceptance speech, ipinahayag niya ang pasasalamat sa pagiging nominado kasama ng mga alamat ng industriya. Iniaalay niya ang kanyang award sa Mentorque (ang production company ng pelikulang Uninvited), sa kanyang pamilya, mga tagahanga, at sa Viva. 

Espesyal din niyang binanggit ang boyfriend na si Christophe Bariou.

Aniya, “Medyo matagal na rin po ako sa industriya pero marami po akong napagdaanang ups and downs. I spent a lot of time and years waiting for the right break.” 

Inamin niya na may mga pagkakataong gusto na niyang sumuko dahil parang imposibleng makamit ang kanyang mga pangarap.

“Gusto kong pasalamatan ‘yung sarili ko dahil medyo mahirap din naman po ‘yung pinagdaanan namin. Gusto kong pasalamatan na kahit anumang mangyari, ginawa ni Nadine lahat ng kaya niya, in all the ways that she can para maabot ‘yung dream na ‘yun,” dagdag pa niya.

Interbyu sa mga Discaya, bayad daw ng P10M… KORINA, NAGBANTANG IDEDEMANDA SI MAYOR VICO

ni Beth Gelena @Bulgary | August 24, 2025

Photo: Mayor Vico Sotto at Korina Sanchez-Roxas - FB, IG

Sinagot na ng team ni Korina Sanchez si Pasig Mayor Vico Sotto kaugnay ng ipinost nito laban sa panayam ng broadcast journalist sa mag-asawang Sarah at Curlee Discaya.

Ang mag-asawang Discaya ay konektado sa malalaking kontrata sa flood control projects ng Department of Public Works and Highways (DPWH) sa pamamagitan ng kanilang mga kumpanya.

Ayon kay Mayor Sotto, nakapagtataka kung bakit handang gumastos ng P10 M ang mga contractors para lamang sa isang panayam. 

Kaagad namang umalma ang kampo ni Korina at tinawag na ‘malicious’ at ‘libelous’ ang naging pahayag ni Sotto. 

Iginiit nila na ang panayam ay isang ‘lifestyle feature’ at hindi investigative report, at walang basehan ang alegasyong may P10 milyong ibinayad kapalit ng interview.

Ayon kay Julius Babao, ang kanyang vlog ay ginawa upang magbigay-inspirasyon sa mga ‘rags-to-riches’ stories at walang kinalaman sa pulitika noong panahong iyon.

Tugon naman ng kampo ni Korina, “Mahal kong Mayor Sotto, ang mga platform na Korina Interviews at Rated Korina ay parehong ipinagmamalaki ang kanilang pamantayan sa pagkukuwento at produksyon. Ang aming host na si Ms. Korina Sanchez-Roxas ay iginagalang sa industriya para sa napakatibay na dahilan.

“Una, sa pagpili ng mga paksa para sa aming mga palabas, dapat mayroong interes ng publiko at may kuwento na sasabihin. Ikalawa, mahigpit na ipinagbabawal ang pamba-bash o paninirang-puri sa ibang personalidad o negosyo. Ikatlo, ang mga paksa ay nagsasabi lamang ng kanilang sariling kuwento ng buhay. Hindi ito investigative piece.

“In the case of Sara and Curlee Discaya, their rags-to-riches story is their story. Bagama’t hindi nilayon na maging investigative kundi simpleng feature ng tagumpay, kung may anumang bagay na hindi totoo pagkatapos maipalabas, bahala na ang nag-aakusa na patunayan.

“In fairness to Ms. Sanchez, she only found out she was interviewing a Pasig mayoralty candidate on the day of taping. The interview was conducted well before the campaign period, aired in November 2024 and January 2025. Yes, there are payments for certain businesses, products, personalities, companies, or politicians, much like payments for advertisements, and these go to the network with an official receipt issued to the client. There is no such thing as a 10-million peso placement for an interview.

“To insinuate that our show is irresponsible in only airing what is paid for is slanderous. Mr. Mayor, just because you won your seat of public trust does not give you license to cast doubt on the integrity of seasoned journalists simply because they interviewed your opponent.

“The Discayas are not allowed to use the interview video they are propagating, and legal action shall be taken on this matter. While we recognize free speech and the platforms with which we express opinions, there is also such a thing as thoughtful restraint that benefits truth and fairness. We all claim to be Christian, after all.”

Ano kaya ang mangyayari sa susunod na kabanata ng gulong ito? Makakasuhan kaya si Mayor Vico Sotto? 

Samantala, ang dami namang nakisawsaw agad sa isyu at nagpahayag ng kani-kanilang opinyon sa socmed.   

"Alam mo, Ms. Korina, ‘di po nakakatuwa na mag-interview ka ng ganyang mga tao na ipinagmamalaki ang pagyaman nila ay pagiging contractor ng govt. through DPWH project. At ipinakikita pa sa interview mo ang lavish lifestyle nila. Si Mayor Vico po ay may prinsipyo at ‘di corrupt. You listen and understand well ang punto ng post niya. Sobrang defensive n’yo po, eh."

"A staff member for Korina said in a response that Korina only found out who she was interviewing on the day of the interview. C'mon… Knowing Korina, and yet she didn't know who she was going to interview."

"Tagalog-English naman ang post ni Mayor Vico, bakit hindi naintindihan ng kampo ni Korina?

“Mayor Vico didn’t directly accuse Korina nor Julius of a specific crime. What Vico did was point out a "practice" that famous journalists sometimes interview politicians or contractors in exchange for large payments. Vico framed it as an "ethical issue", he even said "maybe they didn't do anything technically illegal pero shameful". He mentioned the Php 10 million and clarified in the footnote. You're overstretching by saying "there is no such thing as a Php 10 million placement" because Vico never claimed there was. He said figuratively that large sums are being spent, then clarified in the footnote. Vico didn’t invent anything neither. The interviews are public, and the issues of paid "lifestyle features" is already a known discussion in media ethics. Vico Sotto's post was about media ethics and systemic corruption, not a personal attack nor insult meant to destroy someone's character."

"Sabi ng kampo ni Korina, simpleng kuwento lang daw ‘yun at walang ₱10M bayad. Pero ang mas malaking issue dito ay tiwala ng tao sa media... Kahit pa storytelling lang, kung nakakapagpabango ito sa mga may kaso ng corruption, nababawasan ang kredibilidad ng pamamahayag…”

“Dapat ang journalism ay para sa tao, hindi para sa makapangyarihan."

"Mayor Vico is regarded as one of the most trustworthy government officials, a leader whose integrity and genuine dedication to public service makes him truly dependable kaya kung anuman ang sabihin niya, lahat may basehan at katotohanan at naniniwala kami sa kanya, ‘di man kami taga-Pasig."

Nagbiro pa ang commenter, "Focus na lang kasi sa pagbibigay ng tsinelas. Para hindi nabubuking, PS, pahingi nga kami ng tsinelas."

Sey mo, Bea? SUE AT DOMINIC, IPINAGSIGAWANG SUWERTE SA ISA'T ISA

ni Beth Gelena @Bulgary | August 23, 2025

Photo: IG @sueannadoddles

Hindi maitago nina Sue Ramirez at Dominic Roque ang kanilang kilig sa social media matapos magpalitan ng sweet messages sa Instagram (IG) na agad namang umani ng samu’t saring reaksiyon mula sa mga fans at netizens.

Ani Sue sa kanyang BF na si Dom, “Hayyy, ang suwerte ko. Hehehe!”

“Suwerte ko rin naman,” reply ni Dom sa comment section.

Ipinagdasal ng kanilang fan, “Lord paki-ingatan po ang dalawang ito, please.”

Sey pa ng ibang netizens:

“Para lang siguro sa movie ‘to @senyoraofficial.”

Ang vlogger na si Senyora na alam ng mga fans na crush ang aktor ay nagsabing, “Mukha naman. Malapit na siguro showing.”

Sagot ng isang netizen, “Naaawa na talaga kami sa ‘yo, @senyora.”

Sabi naman ng isa pa, “Iiwanan na lang din ‘yan tulad ng ginawa n’ya kay Bea. Good luck, Sue.”

“Suwerte raw sila, eh, mas suwerte si Bea, billionaire ang jowabels.”

“Pogi naman ng boyfriend mo, Sue.”

Sagot ng aktres, “Sobra po.”

---

HINDI na mapipigilan ang kasikatan ni Shuvee Etrata. Sa lahat ng kasamahan niyang lumabas sa Pinoy Big Brother (PBB) Celebrity Collab Edition, siya ang laging nagkakaroon ng write-up at laman ng social media platforms.

Very busy ang young actress dahil kaliwa’t kanan ang paggawa niya ng commercials. May bago na naman siyang ine-endorse ngayon para sa isang sanitary care product. Ang cute ng video habang ipinakikilala siya ng management.

Ani ng mga fans ni Shuvee:

“Yay! A wild Ariyah spotted. It was lovely meeting you, Shuvee.”

“Well deserved.”

“Love your eloquence, your deep and brilliant answers and your fierce spirit. You truly are a beauty queen, Shuvee, and will always cheer for you.”

“Nakaka-proud naman ang babaeng ito.”

“Her being well-spoken is really amazing.”

“Let’s engage Shuvee’s IG account and all of her endorsements! Padayon Queen.” 

Padayon means keep going or move forward.

---

IBINULGAR na ni Denise Laurel ang kasalukuyang relasyon niya sa biological father ng kanyang anak.

Guest ang aktres sa YouTube (YT) channel ni Karen Davila kung saan ang topic nila ay

tungkol sa set-up nila ng ama ni Davian Alejandro o mas kilala sa tawag na “Bulkie”.

To recall, nabuntis si Denise at nagdesisyong maging single mom sa edad na 23. Nasa peak siya ng career noon. Inamin niyang hindi pa siya handa, pero ginusto pa rin niyang maging isang ina.

Tinanong siya ni Karen Davila kung ang kanyang 14-year-old na anak ay nagtatanong tungkol sa kanyang biological na ama. Dito ibinahagi ng aktres kung ano’ng uri ng relasyon ang mayroon sila ng ama ng anak.

Naalala niya na nagsimulang magtanong si Bulkie tungkol sa kanyang ama noong panahon ng pandemya. Tinanong daw siya ng anak kung ano’ng uri ng tao ang kanyang ama, kung isa raw itong mabuting tao, bukod sa iba pang bagay.

Bilang ina, hindi sumagi sa isip ni Denise na ilihim kay Bulkie ang tungkol sa ama nito.

Sagot niya kay Karen, “No, they’re not in touch, but I did tell him na ‘pag ready na s’ya maging tatay at maging present, then he can fully come into the picture. But if he’s gonna be wishy-washy (not sure), ‘wag muna.”

Well, sino nga kaya ang ama ng anak ni Denise Laurel? Nakakaintriga naman!