Inamin kay Luis… JOHN, AYAW KA-LOVE TEAM SI HEART DAHIL MAARTE

ni Beth Gelena @Bulgary | July 7, 2025

Photo: John Pratts at Heart - IG

Binalikan ni John Prats ang love team nila ni Heart Evangelista noon.

Ayon sa aktor/direktor, hindi niya agad nagustuhan si Heart dahil sa pagiging maarte nito. Pero naging matagumpay pa rin ang kanilang love team dahil sa maraming fans nila na nakasuporta sa kanila.

Nagbalik-tanaw ang aktor sa kanyang showbiz journey at muling ibinahagi ang ilang hindi malilimutang karanasan—kasama na rito ang pagiging bahagi ng sikat na love team nila noon ni Heart.

Sa panayam sa YouTube (YT) vlog ni Luis Manzano, ikinuwento ng aktor at direktor ang mga nangyari sa likod ng tambalan nila ni Heart, na umusbong sa youth-oriented show na G-mik.

Ayon kay John, hindi siya agad pabor na mapasama sa isang love team noong una dahil gusto niyang mag-enjoy lang sa pag-arte.

Sa G-mik, wala pa siyang ka-love team at hindi niya ito pinoproblema. Ngunit kalaunan ay sinabi raw sa kanya ng pamunuan na kailangan niyang magkaroon ng ka-partner sa screen.

Ilang aktres muna ang ipinareha sa kanya bago nahanap ang ‘perfect match’ at ‘yun nga si Heart Evangelista.

Inamin ni John na nagulat siya nang si Heart ang italaga sa kanya, lalo na’t dati raw ay naiirita siya rito dahil sa pagiging sobrang maarte pagdating sa makeup at gamit.

Magkaibang-magkaiba raw ang kanilang personalidad, kaya hindi niya agad ito nagustuhan.

Sa kabila ng kawalan ng atraksiyon sa umpisa, naging matagumpay pa rin ang kanilang tambalan dahil sa init ng pagtanggap ng mga manonood.

Dahil dito, lumalim ang kanilang tambalan at nauwi pa sa isang tunay na relasyon na tumagal ng halos dalawang taon.

Nang maghiwalay sila bilang on-screen at real-life couple, inamin ni John na dumaan siya sa ilang hamon sa kanyang karera.

Ngunit hindi nagbago ang kanilang pagkakaibigan, at nanatili pa rin ang respeto nila sa isa’t isa. 

Ibinahagi rin ni John ang nakakatuwang pagkakataon na nagtagpo silang muli ni Heart habang nililigawan niya na ang kanyang misis na ngayon na si Isabel Oli.

Hindi raw niya inaasahan na co-star pala ni Isabel si Heart sa proyektong iyon. Laking-gulat niya nang makita si Heart sa set, ngunit sa halip na ilag o awkward na sitwasyon, sinuportahan pa siya ng dating nobya sa panliligaw kay Isabel.

And the rest is history na.

---

ANG daming negative reaction sa ‘holding hands’ nina Bea Alonzo at Vincent Co ng Puregold.

Sa comment section ng Reddit, may mga akusasyon pa sila sa businessman sa hindi raw magandang trato nito sa kanyang mga empleyado.

Nagbabala pa ang ilang netizens sa aktres na ‘stay away from Vincent’ because they believe that the businessman is a “red flag.”

Narito ang ilang bad comments hinggil sa CEO ng Puregold via Reddit:

"Sana last na, deserve naman na siguro ni Bea mapakasalan."

"I think may nag-spill na masama ugali niyan lalo na sa empleyado. Meron ata na pinapag-boxing n’ya mga employee."

"Hayz, kung totoo man ito, sana nagtino na. Maba-bash na naman si Bea kung hiniwalayan niya kasi paiba-iba raw ng jowa. Mapapahamak naman siya kung gusto pa rin ang utak at hindi niya hiniwalayan. Hope talaga na hindi ito mala-YB o VC."

Sana naman, hindi totoo ang mga ibinibintang ng mga netizens kay Vincent.

Magkagayunman, some netizens hope that Bea had finally found her happiness in a relationship.

At huwag agad na husgahan ang pagkatao ng rumored boyfriend ni Bea dahil siya lang naman ang nakakaalam kung sino nga ba ang isang Vincent Co, aside sa pagiging CEO ng Puregold—the biggest grocery supermarket sa bansa.

Julie Anne, no match daw sa Popstar… SIGAW NG FANS: WALANG PAPALIT KAY SARAH!

ni Beth Gelena @Bulgary | July 6, 2025

Photo: Sarah G - IG

Pumalag ang Popster fans ni Sarah Geronimo sa lumabas na tsikang ikinukumpara ang Popstar Royalty sa Kapuso singer na si Julie Anne San Jose.

May lumabas kasing si Julie Anne na raw ang bagong Pop Royalty at hindi na si Sarah G.

Kaya sabi ng mga fans, “Kahit sino na lang ikinukumpara kay Sarah Geronimo. Pero tandaan, Sarah G. is Sarah G. Wala nang kapantay, wala nang kapalit. Isa lang ang Popstar Royalty!”

“Sa mga accomplishments ni Sarah, wala pa si San Jose, napakalayo.”

“No, walang papalit sa kanya. Nag-iisa ang Sarah G. bilang performer. Sinasabi ng marami, wala pa’t ‘di pa ipinapanganak ang pumalit sa kanya bilang Popstar.”

“Wala pa s’ya sa kalingkingan ni Sarah... walang papalit sa kanya bilang Popstar Royalty.”

“Total package si Sarah G. Top sa quality of voice, top sa dance performance, top sa hosting, at patok sa takilya ang mga movies at teleserye queen. Napakayaman pa at mapagmahal na anak at asawa! Champion pa sa competition at napakaraming awards pa, ang layo niya kay Julie.”

“Sarah Geronimo had proven herself internationally. You cannot compare her to any singers in the Philippines. Sad to say, but it’s true.”

“No point of comparison. Sarah has already carved her own niche in the music/film industry. Compare Julie with her own contemporaries.”

Very well said! But wait... where is Sarah Geronimo now? Mukhang nananahimik ang mundo ngayon ng Popstar Royalty.

---

VIRAL si Anne Curtis dahil sa kanyang post nang lumipad siya patungong France kasama ang asawang si Erwan Heussaff at ang kanilang anak. 

Sa nasabing vacay, pumunta sila sa sikat na Puy du Fou, isang theme park doon.

Marami ang pumuri sa OOTD (outfit of the day) ni Anne, pati na rin ang kanyang biyenan.

Ang caption ni Anne, “A step back into medieval times. Was pretty amazed by the effort and talent put into it. Such a great way to learn about the ways of the past.”

Sa mga litratong ibinahagi, makikitang napakaganda ni Anne sa suot na all-black ensemble na may floral accents — isang dreamy at eleganteng outfit na agad namang napansin ng kanyang mga fans na todo-puri sa aktres at sa kanyang fashion taste na noon pa ay nagba-viral na talaga.

Maraming netizens ang napa-comment, nagtatanong kung saan galing ang kanyang suot, habang ang iba naman ay hindi napigilang purihin ang kanyang timeless beauty at elegance na kanyang taglay.

Bukod sa mga komento ng mga fans, kapansin-pansin din ang naging komento ng ina ni Erwan na si Cynthia Heussaff, na nagsabing, “Love your outfit!”

Marami ang sumang-ayon sa papuri ng biyenan ng aktres, at lalo pang pinuri si Anne bilang isang huwarang fashion icon sa showbiz.

Sa kabila ng simpleng family trip, muling pinatunayan ni Anne ang natural niyang ganda at kakayahang humakot ng atensiyon saanman siya magpunta, local man o international.

---

Nauntog na ‘di pa ready… ANJO, NATAKOT BUGBUGIN NI FPJ, UMATRAS SA KASAL KAY SHERYL

LATELY ay ibinulgar ni Anjo Yllana ang mga nali-link sa kanyang female celebrities.

Una ay ang Queen of All Media na si Kris Aquino. Ngayon naman ay tungkol sa kanila ni Sheryl Cruz.

Guest ang comedian-actor sa programang Fast Talk with Boy Abunda (FTWBA) last Friday.

Nagkaroon pala ng relasyon sina Anjo at Sheryl kung saan muntik na silang magpakasal.

Kuwento niya, nag-backout siyang pakasalan ang aktres dahil natakot siya sa uncle ng aktres na si Fernando Poe, Jr. (RIP).

Aniya, “Natakot ako doon sa tito niya, si FPJ… Sabi ko, ‘Baka bugbugin ako,’” pangungumpisal ni Anjo sa FTWBA.

Talaga raw nag-disappearing act siya pagkatapos niyang mag-propose kay Sheryl, saying he wasn’t emotionally ready at the time.

Dagdag pa niya, 10 years later daw ay nagkaroon sila ng reunion project.

Pagbabahagi ni Anjo, may eksena silang sasampalin siya ni Sheryl.

Sey niya, “Inilabas n’ya ‘yung galit niya ng sampung taon.”

Napanood daw niya nang mag-guest ang aktres sa programa kung saan ibinahagi rin ng aktres ang kanilang called-off wedding.

“Kaya nga noong nag-guest s’ya rito, nahulog ako sa upuan ko kasi sinabi n’ya ‘yung totoo, ‘yung kasal na hindi natuloy,” natatawang sabi ni Anjo.

Kuwento pa niya, “Niyaya ko na s’yang magpakasal noon. Then I broke up because natakot ako doon sa tito niya, si FPJ. I had to talk to him daw, bago kami magkatuluyan.

“So, nagkaroon ako ng cold feet. Sabi ko, ‘Baka bugbugin ako.’ Ganu’n ‘yung isip ko noon kasi bata pa ako, eh, first time ko magpapakasal. Sabi ko, ‘Takot ako,’” pag-amin ni Anjo.

Pahabol niya, “‘Yun nga ‘yung sinabi n’ya noong inihulog n’ya ‘yung bomba ng interview. Totoo ‘yun, na bigla na lang ako nawala kasi ‘yun ang rason.”

‘Kaloka! Hahaha!

TV host, talong senador, balik-TV… SIGAW NG MADLANG PIPOL: SANA BAGONG WILLIE NA ANG MAPANOOD NAMIN

ni Beth Gelena @Bulgary | July 5, 2025

Photo: Willie Revillame - Will to Win

Magbabalik na si Willie Revillame sa kanyang game show na Wil To Win (WTW).

Pansamantalang iniwan ni Kuya Wil ang kanyang programa nang pumalaot siya sa election 2025. Tumakbo siya bilang senador, pero hindi pinalad na manalo.

Kamakailan ay sinilip niya ang soon-to-rise na studio sa loob ng TV5 Media Center sa Mandaluyong.

Isa ang TV host sa mga nagpatayo ng naturang studio, na magiging bagong tahanan ng kanyang comeback show.

Wala pa namang ibang detalye kung kailan magbabalik ang bagong programa ni Kuya Wil.

Pinayuhan naman ng mga netizens ang mahusay na TV host, “Kung sakali, Kuya Wil, focus ka na lang sa show mo, dami mong natutulungan d’yan. God bless po…”

“Control your temper po!”

Pakiusap pa ng mga netizens, sana raw ay habaan ni Kuya Wil ang kanyang patience kapag nagho-host.

Wika pa nila, “Sana, bagong Willie Revillame na ang mapapanood sa kanyang pagbabalik.”

---

Gerald, knows mo ‘to? ENRIQUE AT JULIA, SPOTTED NA MAGKASAMA SA RESTO

VIRAL ang kuhang larawan nina Enrique Gil at Julia Barretto sa social media platforms kung saan nasa isang restaurant sila.

Ang may kuha ng snapshot ay si Ranvel Rufino na kasama rin nila sa frame at ibinahagi ito sa online.

Na-excite ang mga fans ng actor nang makita nilang muli si Enrique na ilang buwan ding nanahimik sa showbiz.

Ang caption ni Ranvel sa larawan nilang tatlo, “Merienda with Jules!”

Ang tanong ng mga netizens, may project daw bang gagawin ang dalawang celebrities?

Adding to the buzz, @theslingshotstudios uploaded a series of Instagram Stories featuring Enrique and Julia posing beside each other. Ang caption ay: “Q x J?”, a cryptic teaser na posibleng reunion project nila.

Nagkasama sina Enrique at Julia sa Mirabella back in 2014, ang unang lead role ng aktres.

Well, wala pa namang kumpirmasyon kung may collaboration project nga ba silang gagawin.

---

MISMONG si Department of Justice (DOJ) Secretary Boying Remulla ang nagsabing kinokonsidera nila sina Atong Ang at Gretchen Barretto na ‘suspects’ sa missing sabungeros.

Gayunman, maraming netizens ang hindi naniniwalang magagawa ni Gretchen ang ganoong bagay.

Sey nila, “Hindi naman siguro ganu’n kasama si G (Gretchen). Maldita s’ya pero ‘di naman gagawa ng karumal-dumal ‘yun. ‘Wag naman mag-judge agad.”

Tila may galit naman ang isang commenter sa dating aktres, “Naku, naku! ‘Wag ganu’n ang mentality, girl. Lalo ‘di mo kakilala mga idolo mo… ganyan din mga may sobrang faith sa mga idol politicians nila, kahit blatant lie, naniniwala pa rin.”

Pagtatanggol ng ilan, “Ang sa past words n’ya dati, s’ya pa nga ang nag-open ng issue na nasaan ang mga nawawalang sabungero, so if guilty s’ya, ‘di n’ya ‘yan sasabihin. I don’t think she’s capable and she has something to do with it too.”

“Oo nga, remember? Matulungin s’ya sa pamilya before at nagbibigay pa ‘yan ng mga ayuda saka bigas na tinawag na “love box” sa mga kapwa tao n’ya.”

“Remember, kinuha ni AA si GB na business partner para ma-promote ‘yung online sabong dahil kaka-pandemic lang noon, bawal ‘yung siksikan ng mga tao. Kaya tingin ko, walang kinalaman si GB sa nangyari sa mga sabungero dahil baguhan lang s’ya sa negosyong ito.”

“It takes more than a confession from a supposed witness… A case will be filed at doon mapapatunayan if may SOLID PROOF/EVIDENCE na DIRECTLY involved si G. As in, did she give orders? Sabi ng witness, sigurado s’ya may alam dahil palaging magkasama… That is just a presumption…”

“Exactly! Tsismis lang lalabas ‘yan dahil wala namang evidence. Plus, ano naman ang mapapala ni Gretchen at Atong kung may nandadayang sabungero, eh, kanila ang sabungan?”

“Hearsay lang. Patunayan sa korte ang mga akusasyon.”

“Tahimik si Greta, baka may pasabog din. Sino kaya lawyer na kinuha n’ya?”

“Matagal na s’yang tahimik. Kaya nga nag-lie low na siya sa socmed (social media) at media TV.”

“Bakit tumanda na ulit hitsura ni Greta sa sobrang stress?”

“Nakaka-wonder lang na si Totoy kumandidato pa at nang matalo, ito ‘yung next step n’ya? Dapat 3 years ago ka pa nagsalita? Sino ba hinihintay mo? ‘Di raw sila nababayaran. Pero 15 years ka kasabwat sa ibang gawain. Kuwestiyonable rin ‘tong si Totoy.”

Tanong ng mga netizens sa whistleblower:

“Bakit pinaabot pa ng 15 years? Tapos, kasama raw niya palagi si Gretchen…

Hindi siya nagsumbong dahil? Nakikinabang din s’ya… Ngayon na walang bigay sina Atong at Gretchen, may pa-kumpisal kuno! EVIL VS. EVIL.”

“I think hindi hahayaan ni G na masira ang reputasyon n’ya para sa ganyang gawain, hindi dahil para sa sarili or kay Tony kundi para sa anak niya. Ganoon n’ya kamahal si

A para mag-behave. Puwedeng kasosyo s’ya pero wala s’yang idea sa case. May ganoon naman, ‘di ba? Kasosyo ka, pero puwedeng wala kang say sa operation kasi ang toka sa ‘yo, sa marketing.”

“Kung kailan silent at private ang life ni Gretchen, saka nagka-issue nang malala. OMG, she’s enjoying her life as a lola for sure, ‘di s’ya papayag na masira ang name n’ya kung kailan tahimik na s’ya.”