May ganern, Kuya? BRENT, KUMANTANG PINAG-AWAY-AWAY SILA SA LOOB NG PBB HOUSE PARA PAG-USAPAN

ni Beth Gelena @Bulgary | August 6, 2025

Photo: Brent Manalo sa PBB - IG

May pasabog ang Pinoy Big Brother (PBB) Celebrity Collab Edition Winner Duo na si Brent Manalo (with Mika Salamanca) tungkol sa mga naging issues nila sa loob ng Bahay ni Kuya.

Ani Brent nang makapanayam ng PEP,

“‘Di ko alam kung puwede ‘tong sabihin… sobrang magkakasundo talaga lahat to the point na ipinu-push na talaga kami na magkaroon ng away-away kasi wala silang makuha.”

Tuloy, may nagtanong kung ang issues na ginagawa ay sadyang scripted?

Komento nga ng mga netizens…

“Collab kasi, magkakasundo talaga ‘yan dahil papalit-palit sila ng partner. Bawal ka magkamali para ‘di ka iboto ng nakaraang partner mo. Kung solo-solo ‘yan, malamang nag-away-away na ‘yan kasi sarili lang nila ipaglalaban nila. ‘Di katulad ng collab, maging maingat ka kasi kailangan mo protektahan sarili mo at ka-collab mo.”

May nagtanggol naman sa Kapamilya actor.

“What he means is, ‘yung mga pakulo ni Kuya, ‘yung task lalo na mga secret tasks na need nilang may gawin to their other co-housemates para ma-trigger ‘yung emotions nila.”

“Yes, all tasks are directed towards a story. ‘Yan naman sinasabi always ni Bianca, eh. ‘Di s’ya scripted but it is planned/directed. Then, d’yan sila kukuha ng storylines nila for airing. Kuya gives tasks to trigger an emotion or action sa mga HM.”

“Not scripted. Hindi naman makokontrol ng management how would they react. Ang makokontrol nila, the specific task, puwedeng mapalabas tunay na ugali or if mas mautak ‘yung housemate like him, puwedeng dedmahin. Remember his iconic ‘that’s nice to hear, thanks but I don’t need that’ when BB was giving an advice to him kahit s’ya naman may pakana ng drama sa least desirable duo. They need drama and ‘yun ang waley sila makuha. The peak drama I think sa season nila is ‘yung kay Klang and Dustin, that’s it.”

“Gumagawa sina Kuya ng task, sinabi naman din yata ‘yun para mapalabas ‘yung emotion nila kasi masyado na silang mababait lahat sa loob. Kailangan lahat ng emotion nila lumabas talaga—ganu’n talaga—but doesn’t mean scripted s’ya. Kinukuha lahat ng emotions nila every task na ginagawa.”

May umapela naman sa rebelasyon ni Brent.

“Naku, Brent, hindi ka na lang manahimik... CharEs or RaWi na lang sana Big Winner. Nadala ka lang ni Mika. ‘Yung ginawa mo kay Kira at ‘yung sinabi mo kay AZ, du’n pa lang, hindi ka na tumahimik.”

“Mga fans talaga ni ano, masyadong pabida. Manahimik ka na lang din, Manang.”

“‘Pag in-interview ba sila, dapat ba sila sumagot ng ‘no comment’? Interview nga eh. Hahaha!”

“‘Yan din ‘yung sabi ni Slater sa batch nila, sobra silang magkakasundo na need nila ipasok ulit si Paco, just to create a commotion. Big Brother setup is all about triggering emotions. It’s a controlled environment.”

“Kaya nga, ‘di ba, binigyan ng task ni Kuya si Shuvee na galitin si River. Paano pa kaya kung wala si Esnyr, Shuvee and Klang sa bahay ni Kuya—super boring na.”

“NAKU MATAGAL NA, SCRIPTED LAHAT SA SIMULA PA. KAYA NGA MAY WRITER AT DIRECTOR ANG PBB.”

“The power of PBB editing talaga, pala-gawa ng issues para umingay ang reality show na ‘yan at tumaas ang engagements. Ba’t mo hinuli at binisto, Brent? LOL (laugh out loud).”

“Mag-away raw kayo para may ganap. Para may mai-content.”

Totoo ba? Ano’ng sey n’yo, mga Ka-BULGAR?

---

NANGHINAYANG ang head writer ng isang fantaserye na si Suzette Doctolero sa namamayagpag na career ngayon ng Kapuso young star na si Shuvee Etrata.

Wala sa kanyang hinagap na ang young star ay biglang sasambulat ang pangalan sa mundo ng showbiz nang pumasok ito sa PBB Celebrity Collab Edition.

Nagkasalubong ang head writer at si Shuvee sa Gala Night ng Kapuso na ginanap sa Marriott Hotel kamakailan.

Nang makita niya si Shuvee ay ubod-galang na binati siya ng young actress.

Nakapagbitaw tuloy si Doctolero ng mga salitang, “At dahil sa Gala encounter ko kay Shuvee kaya nanghihinayang ako, na tapos na ang taping ng Encantadia, a few days after noong pumasok siya sa PBB. Malay ba naming sisikat sila. Hahahaha! Sana pala, ginawa na agad naming isa sa bida. Hmp! Pero okey lang, happy pa rin na naging part siya ng Enca fam.”

Siguradong gagawan ng paraan ni Doctolero na magkaroon ng twist ang karakter ni Shuvee sa serye.

Aniya, “Aba, eh, mas pinag-uusapan pa nga si Shuvee ng mga netizens na nanonood ng fantaserye kaysa sa mga kilalang bida, eh.”

Siya nga pala, malapit na ring mapanood ang life story ni Shuvee Etrata sa Magpakailanman.

Muntik nang sumuko sa showbiz… BRENT, AMINADONG SUMIKAT LANG DAHIL SA PBB

ni Beth Gelena @Bulgary | August 5, 2025

Photo: Brent Manalo - IG

May agam-agam ang Pinoy Big Brother (PBB) Big Winner Duo na si Brent Manalo (with Mika Salamanca) nang pasukin niya ang showbiz.

Kung tutuusin, bale second chance ni Brent ang mapag-usapan sa showbiz.

Aniya sa isang panayam, “Ngayon, until now, hindi pa rin talaga masyado nagsi-sink in. Siguro, ‘yung pagkapanalo talaga namin, hindi s’ya expected para sa aming dalawa. Kaya ngayon, parang nananaginip pa rin. 

“‘Yun ‘yung pakiramdam. Sabi ko, if ito (sa PBB), hindi pa talaga nag-work, I’ll take it as a sign na maybe it’s not really for me. Na may mga ganu’n talagang bagay na kahit you want it so bad or kahit gaano mo ipilit, it doesn’t work out. ‘Yun, I’ll take it as a sign na hindi siya para sa akin.”

Nag-umpisa ang kanyang career nu’ng 2018 nang maimbitahan siyang sumali at mag-workshop sa Star Magic. Pero, hindi siya nag-grow.

“Kasi naka-ilang subok na rin talaga ako. Kasi, I’m doing well with, like, my content—‘yung other aspect ko sa career ko. Pero, when it comes to showbiz, I was really struggling, kasi I have faced so many rejections. And parang, tingin ko rin, hindi siya para sa akin kasi nga it doesn’t work out. Like, bigla, magkakaroon ng boost, tapos bigla, baba na naman. Ganu’n-ganu’n. Yes. So, it’s like a yoyo — parang kumbaga, hindi consistent ‘yung trajectory.

“So, sabi ko, siguro ‘tong PBB — usually kasi ‘yung mga lumalabas sa PBB talaga, most of the time, they really come out very successful. Ang dami ring nangyayari sa mga careers nila,” pag-amin niya.

Lalo na raw mas nahirapan siya nang magka-pandemic.

Aniya, “It was always during my breaking point. It always happens for me during that time na, ‘Okay na ‘to, wala na. Okay na ‘ko.’ Even with this one, sa showbiz, like, a few — I think, 2023, na parang I would always pray every night na, ‘Lord, please help me make a name for myself.’ Like parang, tulungan N’yo ako sa ginagawa ko ngayon. Pero, it never came — like always na naibibigay talaga sa ‘kin nu’ng pumasok ako, parang puro rejections.

“So, parang it came to a point na sobrang pagod na ako, ayoko na. Parang the first time ever after praying every single day na, ‘Lord, please help me with my career.’ ‘Yung day na ‘yun, I was crying the whole day. Sabi ko, ‘Lord, ‘wag na. ‘Wag na ‘yun. ‘Yung prayer ko na lang—bukas, sana paggising ko, hindi na ito ‘yung pangarap ko. Sana, ibahin n’yo na lang, na iba na ‘yung gustuhin kong marating sa buhay.’”

Patuloy niya, “Pero ito, ito tayo, ito ako ngayon na kausap n’yo, even sharing this testimony of mine na, as long as you don’t give up on your dreams, nothing’s impossible.”

True ‘yan!

---

Batang alaga ng aktor sa Ang Probinsyano… 

ONYOK, PANG-MATINEE IDOL, KAMUKHA NA NI COCO MARTIN

Naaalala pa ba ninyo ang batang si Onyok sa Ang Probinsyano (AP)?

Grabe, ang laki na niya ngayon at ganap nang binata.

Ang daming nagsasabing lumaki si Onyok na kamukha ni Coco Martin. 

“Yes, parang magkamukha sila ni Coco. Sana, magkita silang dalawa.”

“Hala, kamukha na s’ya ni Coco Martin. Ang pogi.”

“Sana, puwede s’ya pumasok sa PBB Collab S2.”

“Matinee idol si Onyok. Sana, mag-artista s’yang muli.”

“Hahaha! I remember Onyok. OMG! Ang pogi ni Onyok, s’ya na pala ‘yan.”

“Sana, mag-guest siya sa Batang Quiapo. Hindi lang si Onyok, pati ang mga batang nakasama niya kay Coco sa Ang Probinsyano. Maiba lang.”

“Look-alike Park Bo Gum.”

---

GUEST si Jessy Mendiola sa A.S.A.P. last Sunday kung saan nagsayaw siya sa kanyang production number.

Siyempre pa, nag-react si Luis Manzano sa mga kuha ng misis niya. Ang mga larawang ipinost ni Jessy sa kanyang Instagram (IG) page ay nagpapakitang ipinagmamalaki niya ang kanyang hitsura.

Sa comments section, isa si Luis sa mga nagpahayag ng paghanga sa kanyang napakagandang misis.

“It feels so good to be back,” ani Jessy na maganda ang pose sa suot niyang leopard-print suit.

“May sumayaw ngayon. Salamat @asapofficial,” wika pa niya.

Ang tanging reaksiyon ni Luis, “Uhm… Hi,” na nakatunaw ng mga puso online dahil sa kanyang suporta at pagmamahal sa misis.

Kahit flop naman daw ang mga projects… ASHDRES, PALIT SA JADINE

ni Beth Gelena @Bulgary | August 4, 2025

Photo: AshDres - Ashtine Olviga at Andres Muhlach - FB

Marami ang nagsasabing sina Andres Muhlach at Ashtine Olviga ang JaDine (James Reid-Nadine Lustre) Part 2.

Ang AshDres love team ngayon ang ginu-groom ng Viva Artists. Katunayan, nakagawa na rin sila ng proyekto na ikinakilig naman ng mga fans.

This time ay huhusgahan naman ang dalawang young stars sa isang film na Minamahal ni Jason Paul Laxamana.

Well, halos pareho ang tanong ng mga netizens sa dalawang young celebrities. 

“Baka may itinatagong dyowa rin itong si Andres, eh.”

“Si girl, may dyowa rin ba?”

“Curious din ako, meron ba?”

“I think, wala namang may paki sa girl, ‘di ko knows.”

May nagkomento pang, “Nag-date raw sila ni Kyline Alcantara pero basted in the end because Kyline picked Kobe over him. Andres could do better anyway.”

Nag-react naman ang isang fan, “Naniniwala ka naman. Gawa-gawa ng mga fans ni Kyline ‘yun para ipamukha kay Mavy. Hahaha! Si Atasha na mismo nag-debunk ng issue.

Malamang kung magka-GF ‘yan na private, alta rin just like Atasha.”

May nagtatanong naman kung magki-click ba ang AshDres? Ang lakas daw kasing sugalan ng Viva gayung flop naman daw ang mga projects ng anak ni Aga Muhlach.

“I wonder kung sa ABS-CBN s’ya... Hmmmm… they could do better I think?”

“He’s not a good actor. Sana, pinag-theater na lang muna s’ya para mahasa ‘yung skill. ‘Di pa naman kasi pang-leading man si Sir.”

“Hindi nagmana kay Aga sa galing umarte.”

“Baguhan pa lang naman kasi. Dumaan din sa ganyan ang tatay n’yan. Pero ‘di ‘to sisikat na katulad ng tatay n’ya.”

May mga bumilib naman kay Ashtine sa kanyang acting ability.

“In fairness d’yan kay Ashtine, para sa baguhan, magaling s’ya. Tulad ni Nadine na mas nakitaan ng husay sa pag-arte kesa sa ka-love team n’yang si James.”

“Hindi s’ya baguhan. 10 years na s’ya sa showbiz.”

“Tagal na sa showbiz, ngayon lang sumikat nu’ng nadikit ang pangalan kay Andres.”

“Hilaw sa acting ang dalawang ‘to. Naka-jackpot lang ang Viva sa JaDine dati pero I don’t think magiging gaya nila ang mga bagets na ‘to.”

“Kasi early on pa lang sa career nila as love team, eh, may mga issues na. DDS pa ‘yung Ashtine na mabilis lang nag-damage control pero marami nang umayaw.”

“He’s also like Donny in the sense na same conyo, same showbiz family, classy, educated, rich. Pero si Donny, nagawan ng paraan ng ABS-CBN, parang kay Andres, ‘di kaya ng Viva.

Pang-ilang projects na ito pero walang ingay.”

“Hindi sila magaling umarte. Parang high school play lang.”

“Huwag na lang silang ihambing sa JaDine love team dahil ang layo. Iba ang karisma nina Nadine at James sa kanilang fans.”

May nagsasabi pang kaya lang daw napag-uusapan si Andres dahil sikat ang kanyang mga magulang na sina Aga at Charlene Gonzalez.

‘Yun na!

---

Walang katapusang holding hands kapag magkasama sina Barbie Forteza at Jameson Blake.

Nu’ng una ay nakitang magka-holding hands ang dalawa sa fun run. Then the following isyu sa kanila ay holding hands with matching yakapan pa sa parking lot.

And this time sa GMA GALA 2025 ay nakitang magka-holding hands na naman sila habang paalis ng event.

Napansin ng mga naroroon ang matamis na kilos ng dalawang celebrities nang umalis sa venue. 

Nauna nang sinabi ni Barbie sa isang panayam ng GMA Integrated News na simpleng magkaibigan lang sila ni Jameson.

Pero, muling naging sentro ng usapan sina Barbie at Jameson sa GMA GALA 2025. Ang star-studded event ay ginanap sa Grand Ballroom ng Manila Marriott Hotel.

Nag-post ang GMA News ng mga video sa social media ng mga interaksiyon ng mga celebrities na nasa event.

Hindi pa naglalabas ng bagong pahayag sina Barbie at Jameson tungkol sa kanilang ‘ganap’ kamakailan, ngunit patuloy na nagbabahagi ng mga teorya at reaksiyon ang mga tagahanga online. Ayaw kasing maputol ang usapin hinggil sa Kapuso actress at Kapamilya actor.

Hindi naman kasi masisisi ang mga netizens kasi everytime na nakikita ang dalawang celebrities ay mga kilos ng may relasyon ang nakikita sa kanila.