Mga sangkot sa ghost flood control projects… JESSICA SA MGA KORUP: KAYO NAMAN ANG LUMUSONG SA BAHA

ni Beth Gelena @Bulgary | August 30, 2025

Photo: Jessica Soho tungkol sa diumanong maanomalyang flood control projects - KMJS FB

Speaking of Anne Curtis, hindi napigilan ng actress-TV host na ilabas ang kanyang saloobin tungkol sa patuloy na isyu ng mga ‘ghost flood control projects’ sa bansa lalo na sa mga sinabi ni Jessica Soho tungkol dito.

Aniya, “When ma’am @KM_JessicaSoho said, ‘Hindi na pala baha ang magpapalubog sa ating bayan kundi kasakiman!’ Sakit!”

Bukod kay Anne, nagbahagi rin ng komento sina Nadine Lustre at Bianca Gonzales laban sa isyu ng korupsiyon.

Bukod sa masakit ay nakakagalit naman talaga ang mga sakim sa pulitika na ibinubulsa ang pera ng bayan. 

Well, hamon pa nga ni Jessica Soho, sila naman ang lumusong sa baha.

---

MAGBABALIK-TAMBALAN sina Anne Curtis at Jericho Rosales sa pelikula ni Irene Villamor under Viva Films, ang #TheLovedOne (TLO).

Unang nagsama ang dalawa noong 2008 sa pelikulang Baler at nasundan sa Philippine adaptation ng Korean drama na Green Rose (GR) noong 2011.

Marami namang netizens ang naghihintay na muling magkatrabaho ang dalawang A1 artist.

Komento nga nila…

“Swak, bagay… kape’t gatas… nagki-click talaga ang ganu’n like Rico-Claudine, kape’t gatas din, Nora & Tirso.”

“Abangan ko ‘yan, mga lodi ko na sina Jericho Rosales and Anne Curtis.”

“Pamagat pa lang, interesting na. Yes, yes, yes… Anne and Echo, swak talaga kayo para d’yan sa movie.”

“Sina Anne at Sam Milby sana. Miss ko na ‘yung linyahan nila sa Maging Sino Ka Man.”

May nagtanong naman, “Bakit hindi si Janine Gutierrez?”

Sa pagkakaalam namin ay may pelikula na silang ginagawa na hindi pa lang inire-reveal.

---

ISA nang ganap na Navy reservist ang aktres na si Kim Domingo na napapanood sa Batang Quiapo (BQ).

Kaya pala sanay sa action ang actress lalo na sa paghawak ng baril ay nag-training pala siya sa Philippine Navy. Opisyal na natapos ni Kim ang pagsasanay sa Philippine Navy, isang milestone sa labas ng kanyang showbiz career.

Natapos niya ang Basic Citizens Military Course (BCMC) Class 03-2025, isang programa na naghahanda sa mga indibidwal para sa serbisyo ng Navy Reserve Force. 

Nakakuha si Kim ng Certificate of Merit matapos pumangalawa sa kanyang klase, na nagpapakita ng kanyang disiplina at determinasyon.

Ibinahagi ni Kim ang kanyang pagmamalaki sa pagkumpleto ng kurso at nag-post ng mga larawan na naka-uniporme sa kanyang social media account, kasama rin ang ilang kuha ng kanilang pagsasanay.

Sey niya, “Bawat push-up, bawat milya, bawat sandali ay humantong sa ganito. Proud to wear the uniform. #BCMC #BCMCClass03-2025.”

Idinagdag pa ni Kim ang isa pa niyang karera, pagbabalanse sa showbiz at culinary arts kasabay ng kanyang dedikasyon sa serbisyo publiko.

Nagpunta lang ng abroad, inglesera na, diring-diri raw sa pagka-Pinoy… NETIZENS SA BINI: ANG AARTE, ‘DI NAMAN SIKAT AT MAGAGANDA, MAYAYABANG PA

ni Beth Gelena @Bulgary | August 29, 2025

Photo: BINI / YT

Prangka at malalim ang mga sagot ng isa sa members ng P-Pop girl group na BINI na si Jhoanna ukol sa ilang isyu na kinasangkutan nila. 

Nakausap siya ni Ogie Diaz sa Showbiz Update (SU) vlog sa YouTube hinggil sa controversial street food review.

Ani Ogie, “‘Yung iba kasi, naartehan sa inyo. Tapos, lahat kayo, parang inglesera na.”

May guesting kasi ang grupo sa People vs. Food (PVF). Tila hindi nagustuhan ng BINI ang ilang pagkain na kanilang natikman at nagkomento sila nang hindi maganda. 

Dahil dito ay maraming pamba-bash ang natanggap ng BINI.

Pinagtawanan lang ni Jhoanna ang mga komento ng ilang netizens na sumabay sa hate train kahit hindi naman napanood ang buong video. 

Ayon pa sa BINI leader, kahit genuine at authentic ang naging reactions nila, dapat daw pala ay mas naging maingat at controlled sila lalo na habang nasa abroad.

Sey niya, “‘Yung maarte po, totoo naman po, maarte naman po kami. S’yempre, nag-i-English po kami kasi nasa ibang bansa po kami. Para sign of respect din po ru’n kasi nag-guest po kami. Kahit paano naman po, nakakapagsalita naman po kami ng English kahit kaunti lang ‘yung baon namin…

“Parang natatawa lang din ako sa mga comments ng iba na nakisakay sa hate train, na feeling ko, hindi naman pinanood ‘yung buong video.”

Patuloy pa niya, “Saka iba po ‘yung pag-prep sa food. Kumbaga, iba talaga ‘yung ditong gawang ‘Pinas. Siguro, hindi lang kami naging careful kung paano kami nag-react since nasa ibang lugar kami… Gets ko ‘yung pagiging authentic namin pero nga dahil nasa ibang lugar po kami, sana, kinontrol namin kahit na konti. ‘Yun naman po ‘yung learning namin doon.”

Komento ng mga netizens…

“Nagtataka pa sila na na-bash sila, sila rin ang may gawa. Sila mismo sumira sa image nila. Hindi sila hinihila pababa, nagsasabi lang nang totoo (ang) mga tao. Ang aarte, ‘di naman magaganda. Ang mga Pinoy, ‘pag simple at walang arte, mas hinahangaan.”

“Parang ikinakahiya kasi nila pagka-Pinoy or ‘yung related sa Pinoy, like reacting nang nandidiri. It’s like pangmamaliit sa Pinoy kaya maraming nainis sa kanila. Parang sa live Snow White lang, na sinabihang weird ‘yung original Snow White story, inaasar tuloy, bashing na ‘di kagandahan and ‘di naging mataas ang rating. Ganu’n kasi, nagmukha kang mayabang, lait or belittling others just because sikat ka…”

“‘Di naman sila sikat, nagsikat-sikatan lang…”

“Totoo naman talaga, maarte ang BINI, akala naman nila, magaganda at sikat, galing naman sa wala. Isang beses sumikat, grabe na ang arte.”

“Nag-uumpisa pa lang sa mundo ng showbiz, feelingera na, retokada naman. Tama ‘yung sinabi ni Ms. D, pare-pareho ang pagmumukha nila, iisa lang, nagparetoke. Akala mo kung saang mayamang angkan nanggaling. Reality, mga batikan nga, still humble sila.”

“Kapapangit naman nila, eh. Mali naman mag-English.”

“Mga feeling sikat na sikat, ang taas ng tingin sa mga sarili nila. Hahahaha!”

“Be humble, ‘wag hambog.”

“Gayahin n’yo si Sarah Geronimo, walang yabang at arte. Siya ang tunay na sikat.”

“You must know how to take creative criticism and change for the better. Hindi kasi maganda ‘yung nag-iinarte nang wala sa lugar. Be yourself and stay your feet on the ground. Then focus on doing your craft much better. Then maybe, mas malayo pa ang mararating n’yo.”

“BINI, mula sa salitang binibini, Pilipinong-Pilipino ang dating pero hindi nila nasuportahan ang mga native foods.”

“‘Yung mga foreigner, sarap na sarap sa mga pagkaing street foods ng Pilipino. Sila naman, pinandidirihan.

“Buti pa ‘yung SB19, ‘di mayayabang, mga lalaki pa ‘yun, ah. Pero sila, mga kababaeng tao, matataas na ang tingin sa sarili.”

‘Yun na!

---

Gusto raw ikutin ang mundo kasama ang BF… 

SUE, UMAMING PARANG NASA HONEYMOON STAGE NA SILA NI DOMINIC

INILARAWAN ni Sue Ramirez ang relasyon nila ni Dominic Roque na para sa kanya ay parang nasa honeymoon stage na.

Aniya, minahal niya ang actor dahil sa kabutihan nito sa kani-kanilang pamilya at for giving her the courage to turn her back on something that didn’t serve her anymore.

Pagkaklaro ng aktres, ang breakup nila ng ex na si Javi Benitez ay maayos at binigyang-diin niya na bawat relasyon ay magkakaiba.

Nang makapanayam siya sa show ni Melai Cantiveros, ang online Visayan talk show na Kuan On One (KOO) na mapapanood sa YouTube (YT), ani Sue ay very blooming ang love life niya, adding that her heart is ‘super happy’ and constantly ‘fluttering in love’, especially since their relationship is still in its early months. 

Priority nilang i-enjoy ang isa’t isa at i-cherish ang mga moments na magkasama

sila.

Nang tanungin siya about her bucket list, aniya, ang mag-travel and see the world na kasama si Dominic Roque.

May LQ daw… KIM AT PAULO, ‘DI SABAY LUMIPAD PA-LONDON

ni Beth Gelena @Bulgary | August 28, 2025

Photo: Kim Chiu at Paulo Avelino - IG

Bumiyahe na patungong England si Kim Chiu, pero hindi sila magkasabay ni Paulo Avelino.

Sey nga ng kanilang mga followers…

“Bakit ‘di pa kayo nagsabay? Emeee! Paulo Avelino papunta na rin sa UK for A.S.A.P. in England!”

“Oo nga, bakit nga ba ‘di nagsabay? Darla Sauler at si Darren Espanto pa ang katabi at kasama. Mas gusto ni Kim kasabay ang bestie (Darren) kaysa sa babe niya. Kaka-disappoint lang kasi power tandem sina KimPau. Mas happy si Kim kay Darren, 2-timer Kim between Paulo Avelino and Darren Espanto. Nakakainis lang!”

“Rules po ng management kaya ‘di sila sabay, kasi may rehearsal yata sina Kim. Saka, wala namang problema kung ‘di sila sabay kasi magkasama naman po sila doon. Lawakan naman po sana natin minsan ang pag-iisip natin,” pagtatanggol ng isa.

“‘Wag kayo mag-alala, mga bashers ng KimPau. Pagdating sa London, magkasama na KimPau hanggang sa pag-uwi,” dagdag ng isa pa.

Sey naman ng isang commenter, “I’m sure may problema ang mga ‘yan. ‘Wag na kasi makialam ang KimPau, hindi sa lahat ng oras, alam n’yo ang update sa kanila. 

“Eh, ‘di ba, si Kim namomroblema sa sis n’ya? S’yempre, damay-damay na ‘yan…”

Hmmm… Totoo nga kayang may tampuhan ngayon ang KimPau kaya ‘di sila nagsabay pa-London? 

---

Ka-tie si Vice… ARJO, INISNAB NG MMFF, NAG-BEST ACTOR SA FAMAS

HINDI talaga matatawaran ang husay ng isang Arjo Atayde. Siya ang pinarangalan bilang 73rd FAMAS Best Actor kamakailan na ginanap sa Manila Hotel.

Kinilala ang husay ng actor-public servant dahil sa kanyang pagganap sa pelikulang Topakk ng Nathan Studios.

Naka-tie ng pulitikong aktor sa nasabing kategorya ang Phenomenal Box-Office Star na si Vice Ganda para naman sa pelikulang And The Breadwinner Is… (ATBWI). Ang dalawang nabanggit na pelikula ay parehong naging kalahok sa Metro Manila Film Festival (MMFF) last year.

Ang role ni Cong. Arjo ay ex-military officer na naging security guard na nagkaroon ng post-traumatic stress disorder (PTSD) matapos mapaslang ang kaibigang sundalo.

Bukod sa Best Actor award, nakuha rin ng Topakk ang FAMAS 2025 Best Sound award na mula sa direksiyon ni Richard Somes.

Sa acceptance speech ng award-winning actor, inialay niya ang lahat ng parangal na nakuha nila sa lahat ng sundalong Pinoy.

Aniya, “Sa lahat ng ating mga sundalo na nagbigay sa amin ng inspirasyon upang lumikha ng kuwento, hindi lahat ng may topak, may topak naman. Lahat kami ay nangunguna sa aming sariling mga paraan, kadalasan ito ay hindi naiintindihan.”

Dugtong pa ni Arjo, “Sa sinuman at sa lahat na nakakaranas ng mga isyu sa kalusugan ng isip, alamin na mahal ka at hindi ka nag-iisa. Hindi namin ginagawa ito, ngunit nagtatrabaho kami upang magkuwento ng magandang kuwento, at ito ang nangyari.”

Pinasalamatan din ni Arjo ang kanyang mga magulang na sina Sylvia Sanchez at Papa Art Atayde, at siyempre, ang pinakamamahal niyang misis na si Maine Mendoza.

Sabi nga ng isang commenter, “Sa MMFF in-snob nila ang Topakk, dito sa FAMAS ay kinilala nila ang husay ni Arjo. Eh, ‘di ba prestihiyosong award ito?”

Uhmmm… ‘Yun lang!

---

“MAGANDANG umaga! Simulan natin ang araw nang may ngiti!” ‘yan ang latest post ni Angel Locsin sa kanyang Facebook (FB) account.

Halos lahat ng komento ay “Good morning” na pagbati sa aktres.

Komento naman ng ibang netizens:

“That’s right. It is always a good virtue. Smile and greet people every time and everywhere. Love it!”

“Absolutely stunning.”

Tanong ng isang commenter, “Kailan ka kaya lalabas ulit sa TV o kaya sa big screen? Huling panood ko sa iyo ‘yung The General’s Daughter pa. Gabi-gabi ko ‘yun pinanood hanggang sa matapos.”

“Pumayat ka na ulit.”

“Have a blessed morning, my idol Darna. Nakakaganda ka ng umaga. ‘Yung masilayan ka lang, my Angel Locsin.”

“Super-ganda ni Ma’am Angel Locsin. Sana, bumalik na s’ya sa showbiz.”

Kailan kaya ‘yan? Tanging ang aktres lang ang makakasagot..