Horoscope | Enero 17, 2026 (Sabado)

ni Maestro Honorio Ong @Horoscope | January 17, 2026

Sa may kaarawan ngayong Enero 17, 2026 (Sabado): Ibahagi mo ang iyong suwerte sa mga nangangailangan. Sapagkat, kakaiba ang kahulugan ng iyong kapanganakan, dahil kabila ka sa mga pinakamasuwerteng tao.   

ARIES (Mar. 21-Apr. 19) - Maaaring mabigat ang araw na ito para sa iyo, ngunit gagaan ito kapag kasama mo ang taong nagbibigay-inspirasyon sa iyo. Masuwerteng kulay-red. Tips sa lotto-3-6-11-25-38-44.

TAURUS (Apr. 20-May 20) – Ito ang araw na inilaan ng langit para sa iyo. Maaari kang humiling ng anumang nais mo, basta’t buo ang paniniwala at wala kang pag-aalinlangan, matutupad mo ito. Masuwerteng kulay-lavender. Tips sa lotto-2-18-20-26-36-41.

GEMINI (May 21-June 20) - Babagal ang kilos mo ngayon, dahil gusto ng langit pag-isipan mo munang mabuti ang iyong mga plano. Ang pagmamadali ay hindi makakabuti para sa iyo. Masuwerteng kulay-white. Tips sa lotto-5-13-28-31-34-40.

CANCER (June 21-July 22) - Gawin mo lang ang mga bagay na kaya mong gampanan. Sa maayos at magaan na paraan, tiyak na yayaman ka. Masuwerteng kulay-green. Tips sa lotto-1-15-29-32-35-42.

LEO (July 23-Aug. 22) - Iwasan mong magalit sa mga mahal mo sa buhay at sa mga taong nakapaligid sa iyo. Mas mainam na palawakin mo ang iyong pang-unawa at pag-iisip. Ito ang mensahe para sa iyo. Masuwerteng kulay-yellow. Tips sa lotto-4-19-26-32-38-43.

VIRGO (Aug. 23-Sept. 22) - Huwag ka nang makiepal sa alitan ng iba para ‘di ka na rin maapektuhan ng negatibong enerhiya. Masuwerteng kulay-purple. Tips sa lotto-3-12-20-25-39-45.

LIBRA (Sept. 23-Oct. 22) - Pahinga ang kailangan mo ngayon. Pahinga sa katawan, at lalo na sa isipan. Ang katahimikan ng isip ang higit na mahalaga para sa iyo. Masuwerteng kulay- pink. Tips sa lotto-6-17-23-28-38-44.

SCORPIO (Oct. 23-Nov. 21) - Piliin mong mamuhay ng masaya. Iwasan mo ang mga taong puno ng reklamo, lungkot, at negatibong pananaw, sapagkat nakakaapekto ito sa iyong enerhiya. Masuwerteng kulay-beige. Tips sa lotto-3-14-22-27-39-43.

SAGITTARIUS (Nov. 22-Dec. 21) - Mas mainam na gawin mong mag-isa ang iyong mga plano. Ang pagkakaroon ng kasama ay maaaring makapagpabagal o makapigil sa iyong mga gawain. Masuwerteng kulay-blue. Tips sa lotto-9-19-26-30-34-40.

CAPRICORN (Dec. 22-Jan. 19) - Iyo ang araw na ito. Ihayag mo ang iyong kahilingan sa langit at ikaw ay pakikinggan, sapagkat nasa iyo ang pabor ng kapalaran. Masuwerteng kulay-black. Tips sa lotto-2-16-23-31-35-41.

AQUARIUS (Jan. 20-Feb. 18) - Mataas ang iyong pangarap, at ito ang dahilan kung bakit may mga naiinggit sa iyo. Masuwerteng kulay-violet. Tips sa lotto-6-18-24-29-37-42.

PISCES (Feb. 19-Mar. 20) - Pahalagahan at panghawakan mo ang mga aral na natutunan mo sa nakaraan. Ito ang magiging susi mo sa magagandang kapalarang darating sa iyo. Masuwerteng kulay-peach. Tips sa lotto-4-11-15-20-32-45.

Horoscope | Enero 16, 2026 (Biyernes)

ni Maestro Honorio Ong @Horoscope | January 16, 2026

Sa may kaarawan ngayong Enero 16, 2026 (Biyernes): Kakaiba ang kapalaran mo dahil magmumula sa malayong lugar ang mga suwerte mo. Ito ang sikreto ng masayang buhay mo.

ARIES (Mar. 21-Apr. 19) - Huwag mong sayangin ang araw na ito. Bagkus, pakinabangan mo ang mayamang imahinasyon mo. Ito ang mensahe ng iyong kapalaran. Masuwerteng kulay-peach. Tips sa lotto-3-18-24-27-34-45.

TAURUS (Apr. 20-May 20) - Magpapakita na ng lakas ang mga suwerte mong natutulog. Kaya huwag kang mabibigla kapag dumating na ang magagandang kapalaran. Masuwerteng kulay-red Tips sa lotto-2-16-28-32-35-40.

GEMINI (May 21-June 20) - Magkakambal ang mga buwenas mo ngayon, mula sa malalapit at malalayo. Kaya naman, tiyak na susuwertehin ka talaga! Masuwerteng kulay-silver. Tips sa lotto-6-19-25-36-38-41.

CANCER (June 21-July 22) - Mahina ang iyong damdamin pero magkukunwari ka pa ring malakas, na para bang hindi ka natitinag. Ito ang katotohanang maaari mong hindi aminin. Masuwerteng kulay-white. Tips sa lotto-7-11-20-23-37-42.

LEO (July 23-Aug. 22) - Ngayon ang araw para suriin ang mga pangyayari at para makabuo ng bagong pormula. Masuwerteng kulay-green. Tips sa lotto-1-14-26-34-39-44.

VIRGO (Aug. 23-Sept. 22) - Binibigyan ka ng Dakilang Manlilikha ng kakayahan sa pagtutuos. Puwede mo itong pakinabangan sa larangan ng pagkita ng pera. Masuwerteng kulay-yellow. Tips sa lotto-5-13-27-31-38-40.

LIBRA (Sept. 23-Oct. 22) - Anuman sandali ay puwede ka nang magsimula ng bagong kabanata sa pakikipagrelasyon. Ang bagong relasyong darating ay higit na mas magiging maligaya kesa sa mga nagdaang pakikipagrelasyon. Masuwerteng kulay-purple. Tips sa lotto-8-15-26-30-36-41.

SCORPIO (Oct. 23-Nov. 21) - Taas-baba ang mga alon sa dagat, ito ang tunay na dahilan kung bakit mayaman ang karagatan. Taas-baba rin ang galaw ng iyong buhay na nagsasabing ikaw rin ay yayaman. Masuwerteng kulay-pink. Tips sa lotto-7-12-29-33-37-43.

SAGITTARIUS (Nov. 22-Dec. 21) - Nabuo ang dakilang piramide sa Ehipto, mula sa paisa-isang piraso ng mga bato. Ang magandang kinabukasan mo ay mabubuo rin sa pinagsama-samang pagsisikap mo. Masuwerteng kulay-beige. Tips sa lotto-4-16-21-25-39-45.

CAPRICORN (Dec. 22-Jan. 19) - Muling magbabalik ang kakaibang bisa ng pagiging mahiyain mo. Maiintriga sa iyo ang ilan at ang sinumang sumubok na alamin ang iyong personalidad ay iyong mabibihag. Masuwerteng kulay-black. Tips sa lotto-2-17-27-31-38-40.

AQUARIUS (Jan. 20-Feb. 18) - Kasing-bilis at kasing-lakas ng bugso ng hangin ang pagbagsak ng mga kaaway mo. Masuwerteng kulay-violet. Tips sa lotto-5-14-20-23-34-44.

PISCES (Feb. 19-Mar. 20) - Iyung-iyo ang araw na ito. Ang pintuan ng grasya ng mapagpalang langit ay sa iyo nakatapat. Kaya humiling ka na para pagbigyan ka na rin niya! Masuwerteng kulay-peach. Tips sa lotto-1-18-26-30-33-42.

Horoscope | Enero 15, 2026 (Huwebes)

ni Maestro Honorio Ong @Horoscope | January 15, 2026

Sa may kaarawan ngayong Enero 15, 2026 (Huwebes): Hindi ka pababayaan ng iyong kapalaran. Kikilos at kikilos ito upang mapaganda ang iyong buhay, kahit pa magkamali ka ng paulit-ulit.

ARIES (Mar. 21-Apr. 19) - Mahina ka ngayon sa tukso. Mas makabubuti kung pagtutuunan mo ng pansin ang iyong negosyo at trabaho. Ito ang mensahe ng kapalaran mo. Masuwerteng kulay-beige. Tips sa lotto-5-6-18-20-26-41.

TAURUS (Apr. 20-May 20) - Iyo ang araw na ito. Hilingin muna sa langit kung ano ang gusto mo. Makakaasa ka na kahit ito’y tila imposible at mahirap na mangyari ito ay ibibigay sa iyo. Masuwerteng kulay-blue. Tips sa lotto-9-10-24-28-35-43.

GEMINI (May 21-June 20) - Tagapagpasaya ang papel mo sa mundo. Sa pagtupad mo sa misyong ito, iwasan mong maakit ang taong pinapasaya mo. Ito ang paalala sa iyo ng iyong kapalaran ngayon. Masuwerteng kulay-black. Tips sa lotto-6-11-19-21-23-39.

CANCER (June 21-July 22) - Huwag kang mag-alinlangan, kung ano ang unang plano mo, iyon mismo ang gawin mo. Kapag may naisip kang bago kahit pa maganda, huwag mo munang baguhin ang una mong napagdesisyunan. Masuwerteng kulay-violet. Tips sa lotto-2-12-17-25-34-45.

LEO (July 23-Aug. 22) - Ito ang araw na magsisimulang umayos ang iyong kapalaran. Ang mga hindi maganda pangyayaring nagpapahirap sa iyo ay unti-unti nang mawawala at muli nang papabor sa iyo ang tadhana. Masuwerteng kulay-peach. Tips sa lotto-8-16-29-31-37-40.

VIRGO (Aug. 23-Sept. 22) - Bawasan mo ang mahaba at matagal na pag-aanalisa sa mga bagay-bagay. Kapag hindi ka agad kumilos, maaaring makalagpas sa iyo ang mga magagandang oportunidad. Masuwerteng kulay-red. Tips sa lotto-5-18-22-30-38-44.

LIBRA (Sept. 23-Oct. 22) - Kung ano ang gusto mo, iyon ang mangyayari. Espesyal ang araw na ito para sa iyo, kaya bibigyan ka ng kapalaran ng karapatan gawin anumang gusto mo. Masuwerteng kulay-burgundy. Tips sa lotto-1-17-20-27-32-41.

SCORPIO (Oct. 23-Nov. 21) - Huwag kang mapili. Kung ano ang nasa harapan mo, iyon mismo ang kaloob ng langit. Tandaan mo, ang taong mapili, ang napipili ay bungi. Masuwerteng kulay-white. Tips sa lotto-7-19-24-31-35-42.

SAGITTARIUS (Nov. 22-Dec. 21) - Huwag mong ipahalata na mas angat ka o mas mataas ka kesa sa iba. Kapag kumilos at nagsalita ka tulad nila, maiiwanan mo sila ng milya-milya. Masuwerteng kulay-green. Tips sa lotto-3-11-16-25-34-43.

CAPRICORN (Dec. 22-Jan. 19) - Nakatutuwa ang kapalaran mo ngayon. Ikaw ang pipiliin ng taong may dalang suwerte, habang aayawan naman niya ang taong maporma at tila mapagmalaki. Kaya ikaw ang tunay na mapipili. Masuwerteng kulay-yellow. Tips sa lotto-4-19-22-27-30-44.

AQUARIUS (Jan. 20-Feb. 18) - Kumilos ka nang kumilos, kahit pa sabihin ng iba na tila hindi ka mapakali. Sa bandang huli, magugulat ka at pati sila, dahil sa iyo dadapo ang malaking suwerte. Masuwerteng kulay-purple. Tips sa lotto- 9-12-23-32-39-41.

PISCES (Feb. 19-Mar. 20) - Iwasan mong makasakit ng damdamin ng iyong kapwa. Mas mainam na huwag ka na lamang kumontra. Masuwerteng kulay-pink. Tips sa lotto-7-15-21-27-36-42.