Career move raw para may dating… JUAN KARLOS AT DARREN, TINANGGAL NA ANG APELYIDO

ni Ambet Nabus @Let's See | June 26, 2025

Photo: Darren at Juan Karlos - IG

Inuulan ng blessings ngayon si Juan Karlos.

Magsisimula pa nga lang halos ang Idol Kids Philippines, heto at kasama siya sa cast ng Meet, Greet and Bye movie project under Star Cinema with Direk Cathy Garcia-Sampana at the helm. 

Sina Maricel Soriano, Piolo Pascual, Joshua Garcia at Belle Mariano lang naman ang mga kasama ni Juan Karlos sa movie.

“Mabait na bata, mabuting apo, masipag at maayos katrabaho,” ang ilan sa mga komento kay Juan Karlos na dating JK Labajo ang screen name.

“Saka parang may suwerteng dala ‘yung Juan Karlos lang ang gamit. Mas may karakter,” saad naman ng iba.

Hindi nga talaga maiiwasan na lagi silang pagkumparahin ni Darren na gaya ni Juan Karlos ay inalis naman ang ‘Espanto’ surname bilang kanyang screen name. 

“Hindi kaya sila pareho ng handler o mga manager na parehong mag-isip?” ang pahabol pang tanong ng netizen.

“Naku, sila ang may pakana ng mga intriga, ‘noh? Okey naman sina Juan Karlos at Darren, pero sadyang mahilig sa intriga ‘yung ano (diumano’y may kinalaman sa karir ng mga binata),” dagdag pang komento ng nakasubaybay sa kanila.

In fact, noong nakaraang ASAP guesting nga raw ng Idol Kids Phils. (IKP) cast, may conscious effort nga na hindi pagsamahin sa iisang stage ang dating magkasama sa

The Voice Kids (TVK) bago pa man sila nagkaroon ng isyu.

After nga ng mga prod number nina Juan Karlos (sang with all girls choir), Jolina Magdangal (duet with Martin Nievera), Gary Valenciano, Angeline Quinto at Regine Velasquez (together in a song number), in-interview nina Edward Barber, Robi Domingo at Darren sina Gary pero no talk nga si Darren.

“Alam ninyo, kahit hindi man lagyan ng intriga, pero may mga galawan kasing alam mong iniiwasan o sadyang ‘wag nang banggitin pero obvious namang gustong mag-create ng isyu,” obserba pa ng netizen.

Aguy! Napabalitang okey na ang dalawa, pero mukhang ang hindi okey ay ‘yung mga nasa likod ng mga karir nila.

---

GF, kaya wala na raw show after BQ…

RICHARD, BINAKURAN NA SI BARBIE

Hmmm… lumabas din ang balitang tila seryoso raw ang namumuong friendship (read: papunta na sa relasyon?) between Sarah Lahbati at Tacloban City Councilor Ferdinand Martin Marty Romualdez (anak nina House Speaker Martin at Cong. Yedda Romualdez). May iba pa ngang nagsasabi na magkarelasyon na umano ang mga ito.

After nga ng action series kung saan natin napanood si Sarah with Kiko Estrada sa TV5, hindi na ito nasundan.

Wala rin tayong balita sa status ng marriage niya with Richard Gutierrez.

And yes, despite Richard’s activity sa malapit na ring mag-end na Incognito action series, wala rin tayong gaanong balita sa lagay naman nila ni Barbie Imperial.

Basta sa mga naglabasang tsika, very much together daw sila at para ngang binakuran na ni Richard si Barbie na ang huling TV project pa ay ang Batang Quiapo (BQ), kung saan matagal nang tsugi ang kanyang karakter.

At dahil bumulagang bigla ang balitang may magandang friendship daw itong sina Sarah at Marty, hindi kaya nangangahulugan itong everything is under the bridge na kina Richard at Sarah?

Baka naman daw may legal remedy nang hindi nalalaman ang madla?

---

May pa-lie detector test pa kuno… IVANA, NAG-READY DAW MUNA NG SCRIPT BAGO SINAGOT NA KABIT NI CONG. ALBEE

MEDYO nag-take time si Ivana Alawi bago nito parang sinagot indirectly ang iskandalo involving her kay Cong. Albee Benitez.

Sa viral video ngayon na pinag-uusapan, mismong kapatid ni Ivana ang nagpupukol ng mga tanong dito na may pa-lie detector test ang peg. Galing daw ang mga tanong sa mga followers ni Ivana na binabasa nga lang sa kanya ng kapatid na si Mona.

Isa nga rito ang tanong na, “Ikaw ba ay nanira ng pamilya?” 

Buong-giting at tapang itong sinagot ni Ivana na, “No.” 

Never daw niya itong gagawin o magagawa dahil alam daw niya ang pakiramdam ng isang broken family o broken home dahil sa mga usaping ‘kabit o nag-cheat’.

Sinang-ayunan ito ng lie detector machine na nagsasabing ‘totoo’ ang sagot ni Ivana.

At dahil nitong Lunes (June 23) nga lang ito lumabas, ipinapalagay nga ng marami na napaghandaan na ni Ivana ang script o hakbang kung paanong sasagutin ang intriga at iskandalo kahit ‘indirectly’ man ‘yan.

Intriga nga ng mga hindi nakumbinse, “Hello, last May pa pumutok ang iskandalo, ‘noh!”

Aguy! Walang malugaran sa mundo talaga ang mga may kagayang isyu. Hahaha!

Paborito ng crowd, may P2 M na… CARDONG TRUMPO, PGT GRAND WINNER

ni Ambet Nabus @Let's See | June 25, 2025

Photo: Cardong Trumpo - PGT

Although hindi naging perfect ang grand finals performance ni Cardong Trumpo sa Pilipinas Got Talent (PGT) Season 7, walang dudang siya ang most loved ng audience.

Sa almost perfect votes na nakuha nito para tanghalin bilang biggest winner at manalo ng P2 million, pinaboran nga ultimo ng mga judges ang ‘kakaiba at mapusong performance’ ni Cardong Trumpo o Ricardo Cadavero sa totoong buhay at isang construction worker.

Tila naibalik nga ng ABS-CBN ang dating ningning at tikas ng PGT.

Mas kapansin-pansin ding mas naging relatable si Freddie Garcia a.k.a. FMG sa mga tao at tila mas komportable itong nakikipag-eklayan o baklaan kasama nina Kathryn Bernardo, Donny Pangilinan at Eugene Domingo.

Second placer ang grupong Femme MNL, isang dance group na puro LGBTQIA+ ang members.

At ang personal favorite naming si Carl Quion, na isang magician at nagawang bigyan ng pambihirang tribute ang Comedy King na si Tito Dolphy, ang 3rd placer.

Congrats po at mabuhay!

---

AT dahil nalalapit na rin ang pagtatapos ng Pinoy Big Brother (PBB) Celebrity Collab Edition, kapansin-pansin din ang laging pag-trending ng mga nalalabing housemates dito.

Talagang puksaan ng mga komento ang mga supporters nila if only to prove na bumalik din ang lakas ng awareness at patronage ng mga tao.

In fact, sey nga ng karamihan, totoong naging celebrities o naging legit ang celebrity status ng mga housemates.

Kumpara raw kasi sa mga nagdaang edition, parang ngayon lang uli napag-usapan at mas naging invested ang mga parehong supporters at mga bashers ng show.

Pasok na sa Big 4 ang tandem ng CharEs o nina Charlie at Esnyr. Ang naturang tandem ang sinasabing dumedepende sa support ng mga tao dahil unlike the more controversial DusBi (Dustin at Bianca) at AzVer (AZ at River) na sinasabing mayayaman at bumibili ng votes, hindi raw sila mayaman to buy votes.

Samantala, lalaban at lumalaban pa rin ang mga housemates na sina Ralph at Will (RaWi), at Brent at Mika (BreKa), na bigla ring lumakas sa mga tao.

“Kitang-kita si Kuya sa show. Sa dami ng mga sponsors ng show, lakas sa text votes at solid advertisers nila, hindi matatawag na flop at walang income ang show,” puna ng netizen.

True…

---

KAMI man ang lumagay sa sitwasyon ni Dennis Trillo, baka mas matindi pa ang sagot namin sa mga nagkomento sa anak nila ni Jennylyn Mercado. 

Hindi lang ang pagiging autistic ng anak ang sinopla ni Dennis sa isang nagkomento sa video nila, na kunwari’y naka-observe ng kalagayan ng anak na sinasabi.

“May problema po ba kayo sa autism?” ang sagot nga ng magaling na aktor sa tila nagmamaang- maangan na netizen.

“Wow, hiyang-hiya naman ako sa pagmumukha mo,” ganting sagot uli nito sa isa pang post na nagsabing ‘malamya’ ang isa pa nilang anak na lalaki.

Well, nasa Italy ngayon ang mag-asawa kaugnay ng isang event doon at para na rin sa promotion ng new show nilang Sanggang Dikit FR (SDFR) na umeere na sa GMA-7.

Bihira nating marinig o makitang lumalaban sa online bullying o harsh comments si Dennis pero kapag tungkol na sa mga anak o pamilya ang usapan, parang walang ‘green bones’ na lalabas sa katawan nito. Hahaha!

Uy, number 1 ngayon sa Netflix ang award winning movie na Green Bones (GB) ni Dennis, ha? 

Bongga rin ang mga reviews nito sa online at nasabing platform, unlike ru’n sa isang Metro Manila Film Festival (MMFF) entry na kesyo may mga international honors kuning-kuning, pero… ewan! 

Hahaha!

Kaya war na sila ni Maine… MILES, MAY BANAT DAW SA POLITICAL CAREER NI ARJO

ni Ambet Nabus @Let's See | June 21, 2025

Photo: Maine, Arjo at Miles Ocampo - IG

Napansin na nga ng mga Dabarkads ng Eat…Bulaga! (EB!) ang biglaang paglagay kay Miles Ocampo sa Juan For All segment.

Meaning, inilagay muna si Miles sa naturang segment dahil nga sa lumalakas na tsismis na may silent ‘rift’ sila ni Maine Mendoza since manggaling sila sa Thailand.

As per our sources, walang balak na makialam ang production ng EB! sa usaping nabanggit, lalo’t magkasama naman sa iisang stable o management sina Maine at Miles.

May mga tsismis namang nagsasabi na may iniluluto lang umanong project para sa dalawa ang kanilang mother studio kaya’t need daw ang mga ganitong intriga o kontrobersiya.

May iba namang nagpapalagay na marahil daw ay nag-react lang si Maine sa nakarating sa kanyang tsika na diumano ay may hindi kagandahang nasabi si Miles tungkol sa mga gawaing pulitikal ng asawa nitong si Arjo Atayde? 

May iba namang isinasali pa ang name ni Maja Salvador sa diumano’y isyu ngayon ng dalawa.

Nakakaloka dahil nagsanga-sanga na nga ang usapin. Ano na ba ang totoo at alin na ba ang fake sa mga ito?

Basta ang alam ng marami, kapansin-pansin ngang tila may concerted effort na hindi sila pagsamahin sa main studio ng EB! at kung parte man daw ito ng isang gimik or what, then it is taking an effect.

---

GRABE talaga ang mga netizens kung kalkalan at kalkalan din lang ng mga lumang socmed (social media) posts ang pag-uusapan.

Dahil nga sa biglang pagiging instant hit ni Klarisse de Guzman sa socmed after nitong maging housemate ni Kuya sa Pinoy Big Brother (PBB), aba’y biruin ninyong kahit ang mga lumang posts nito dated Nov. 27, 2011 ay nakalkal pa ng netizens?

Ang naturang post nga ay simpleng nagsabing ‘Piolo Bading’. Siyempre, ang mga netizens ay agad-agad na nag-conclude na ang Pambansang Papa na si Piolo Pascual ang tinutukoy noon.

Pero may mga nagtatanggol namang baka kaklase sa La Salle o kaibigan ni Klarisse ang sinasabing tao since 2013 naman nagsimulang mag-showbiz si Klarisse via The Voice (TV). And yes, noong 2018 naman naging kontrobersiyal ang revelation ni Mark Bautista thru his ‘book’ na nagka-something sila ni Papa P.

“It can be anybody. Bakit naman si Papa Piolo agad ang iniisip ng lahat?” pagtatanggol pa ng marami.

“Ohhh, it turned out, bading din pala si Klarisse and it takes a PBB stint in 2025 para i-reveal niya ito sa buong madla,” komento pa sa naturang thread.

Nakakaloka talaga ang digital world, kung kakayanin lang sigurong halukayin pa kahit ang past ni Dr. Jose Rizal ay magagawa nila para lang may pag-usapan.

The irony of life indeed…

---

NANG maging guests ni Kuya Boy Abunda ang main cast ng Mga Batang Riles (MBR) sa programang Fast Talk with Boy Abunda (FTWBA), natuon ang programa sa tila pagbibigay-pansin sa pagiging leading man ni Miguel Tanfelix.

Kasama ang mga co-stars niyang sina Kokoy de Santos, Raheel Bhyria at Bruce Roeland, lahat ay nagbigay-papuri kay Miguel bilang isang magaling na co-worker. 

May dare pa si Kuya Boy na ilaglag ang sa tingin nila ay nararapat na ilaglag, pero wala sa mga ito ang nag-dare dahil on or off work, talaga raw maganda ang bonding nila.

Kaya naman hindi nakapagtataka na umaabot ng 1 billion strong ang online views ng series.

At sa nalalapit na pagtatapos nito ay tuluy-tuloy ang pagtaas ng ratings dahil sa mga kaabang-abang na pasabog nito. 

Sey ng ilang mga netizens, “Isa ito sa pinakamagandang masterpiece ng GMA.” 

Dagdag pa ng isang netizen, “Nagsimula nang maganda ang kuwento at magtatapos na maganda pa rin.”

Sa huling dalawang araw, tuluyan na nga bang madadaig ni Matos (Bruce Roeland) si Kidlat (Miguel Tanfelix)? Siya na nga kaya ang magbabayad sa lahat ng mga kasalanang ginawa ng amang si Rendon (Jay Manalo)? 

Tutukan ang nalalapit na pagtatapos ng MBR, kasama rin sina Kokoy De Santos, Raheel Bhyria, at Anton Vinzon, gabi-gabi sa GMA Prime!