ni Ambet Nabus @Let's See | May 27, 2025
Photo: Julia Barretto - IG
"Sila pa rin. May kani-kanya lang na pinagkakaabalahan," sey ng napagtanungan naming common friend nina Gerald Anderson at Julia Barretto hinggil sa napabalitang naghiwalay na ang dalawa.
Kumalat kasi ang tsismis last weekend na nag-break na diumano ang dalawa. Mabilis na nag-speculate ang mga netizens lalo't napanood sa Eat… Bulaga! si Julia as guest co-host na para raw matamlay.
May nagsasabi pang may ilang photos silang dalawa ni Gerald na dinelete ni Julia sa Instagram account niya at wala nga itong latest post na magkasama sila.
On the other hand, matagal na rin daw na walang post si Gerald na magkasama sila ni Julia at puro tungkol sa motoring activity niya ang nasa socmed account nito.
Kahit daw nu’ng nag-birthday si Marjorie Barretto (mother ni Julia) ay no show si Gerald na in the past naman ay lagi-laging kasama sa mga family-related bonding time ng mga Barretto. Pero binati naman nito si Marjorie at sumagot din ang huli.
"Wala, sila pa rin. Walang isyu. Baka lang talaga sobra silang busy. Basta ang alam namin, maayos pa rin sila as partners," sagot ng aming kausap.
Esplika naman ng ilang uzi at mga sawsawera, "Naku, baka umabot na sa stage na nagsasawa na si guy. Kung pagbabasehan natin ang mga previous romances niya, lagi siyang may ganyang phase until umabot na sa hiwalayan. Sana nga hindi naman, huwag naman dahil sayang."
PINAG-UUSAPAN din sa socmed ang magkaibigang Vice Ganda at MC Muah.
Pumutok din kasi ang tsikang sobra naman daw yata ang ginawang pamamahiya ni Vice sa kaibigan at co-host sa It's Showtime.
Nangyari nga raw ‘yun nang magkaroon sila ng rebonding time sa Palawan kung saan magkakasama nga silang magkakaibigan na matagal nang hindi nagkakaroon ng time as friends.
Kabilang diyan ang mga tropa nilang sina Lassy, Chad Kinis, Tonton at iba pa na pawang mga performers din sa comedy club ni Vice.
"Sobra naman ‘yung ginawa ni Meme Vice. Nai-content pa niya talaga at nagmukha tuloy na nagamit ‘yung isyu niya kay MC," saad ng netizen.
Simpleng kaso ng disgusto sa ugali ng isang kaibigan na normal naman talagang meron lagi sa grupo. ‘Yung nale-late, ‘yung tipong matagal lumabas, ‘yung hindi agad nakakasunod sa pinag-usapang oras o gawain, etc. In simple term, "hindi marunong o maayos makisama."
Pero dahil si Vice nga ang nagsisilbing pinakasikat, pinaka-boss at powerful, siyempre, siya itong may hawak ng timon at kung gusto nitong okrayin ka o i-humiliate in public, gagawin niya.
Although nagkaayos na sila at nagkabati at nagkapatawaran, sinasabing "pinagbigyan" na lang ni MC ang kaibigan to end the rift.
Marami pa rin ang naniniwala base sa nakikita nila kay Vice na nag-play demigod umano ito at ipinakita sa tropa niyang "untouchable" siya at siya lang ang may "K' manita o mang-okray anytime, anywhere to anybody at his convenience.
Awww!!!
GRABE rin ang reaksiyon ng mga netizens sa kasong kinasangkutan ng anak at pamangkin ni Sen. Jinggoy Estrada sa Boracay kamakailan.
Nagkaroon na naman tuloy ng oportunidad ang mga bashers ng senador nang lumabas nga sa mga balita ang ora-orada nitong pagpunta sa Boracay Island nu’ng magkaroon ng insidente ng pambubugbog sa anak at pamangkin.
Although nasampahan na ng kaso ang mga gumawa nito, hindi nakaligtas sa mga mapanuring bashers ang diumano'y "powers at influence" na posibleng ipinaramdam ng senador sa mga otoridad ng lugar at sa mga nambugbog sa anak at pamangkin.
Naglabas na rin ng pahayag ang nabugbog na anak ni Sen. Jinggoy na si Julian kaya't nanawagan din ang mga netizens na maglabas na rin ng kanilang side ang mga kinasuhang nambugbog dito para naman daw mabalanse ang kuwento ng bawat panig.
Well, bilang magulang ay hindi natin maiaalis kay Sen. Jinggoy ang naturang gawain. Eh, ano naman kung ora-orada ay nakalipad agad siya from Manila to Boracay to attend to his son's need? Nagkataon lang na isa siyang may mataas na posisyon sa bansa kaya't expected na ang mga ganu’ng reaksiyon mula sa mga kalaban o hindi siya gusto.
But then again, may naisampa nang kaso kaya't hayaan nating gumulong ang tamang proseso.
