‘Di pa kasama si John Lloyd at guwapong direktor… BAGONG BF NI CRISTINE, PANG-10 NA!

ni Ambet Nabus @Let's See | July 15, 2025

Photo: Cristine Reyes - IG

Dahil sa socmed (social media), hayan at nalaman na nga ng lahat ng mahihilig sa showbiz na nagpunta pala ng Vietnam si Cristine Reyes at ang napapabalitang bago nitong BF na si Gio Tingson.

Whether soft o hard launch man na matatawag ang mga socmed posts nila bilang magkarelasyon as per the netizen’s term owadays, the fact remains, may ‘sila’ nga.

Ang ikinaloloka lang ng marami ay ang pag-enumerate ng ilang netizens sa mga nakarelasyon o na-involve na lalaki kay Cristine, posing her tuloy na madaling ma-in love at magsawa.

Ilan nga diumano sa kanila sina Willie Revillame, Joross Gamboa, Keempee de Leon, Mark Herras, Dennis Trillo, Rayver Cruz, Derek Ramsay, hanggang sa naging asawa nitong si Ali Khatibi to Marco Gumabao and now Gio.

Hindi pa raw kasama diyan ‘yung mga very short-lived na naka-date niya gaya ni John Lloyd Cruz at ‘yung gwapong direktor na nakalimutan namin ang name.

Well, ano pa nga ba ang maitatago natin sa mundo ng socmed?

---

DATI pa namang honor graduate (St. Louie U sa Baguio City) si Rustom Padilla na ngayon ay si BB Gandanghari na. 

Kamakailan nga ay nagtapos bilang Summa Cum Laude sa isang school sa California, USA si BB.

Naaalala pa namin in the late ‘90s noong sikat siya at nai-interview on education na lagi niyang ibinibigay na payo sa ilang mga young stars noon na magtapos ng pag-aaral.

At nearly 60 years old (turning 58 na siya), talagang sinikap ni BB na mag-aral uli despite her being a working student sa ibang bansa.

Nakaka-proud lang din. Pero dahil marami ang mga bashers na kahit ano’ng naabot mo ay may nasasabi pa rin, siyempre hindi nila pinalusot ang isyu ng pagiging matalino niya kumpara sa parang hindi naman “namana o nagkaroon man lang” diumano si Sen. Robin Padilla.

Hay… pero big congrats sa iyo, BB! 

---

TAWANG-TAWA kami sa bardagulan ng mga supporters at fans nina Heart Evangelista at Pia Wurtzbach.

Kapwa naging bonggang guests ang dalawa sa The Robert Wun Haute Couture Fall/Winter 2025/2026 Paris Fashion Week.

Rumampa sila at para sa mahihilig sa high fashion, kapwa hindi nagpatalbog ang dalawa sa mga kasama nilang mga international fashion icons. May mga pumuri kay Heart, meron din naman kay Pia.

Marami na rin ang natuwa nang makita silang halos magkatabi sa upuan during the event. May isang modelo lang na nakapagitna sa kanila, kaya sinasabi ng mga watchers/observers na mukhang okey na naman sila.

Pero ang nakakatawa nga ay kahit pati ‘yung napakalaking sumbrero na suot-suot ni Heart ay nilagyan ng meaning at malisya.

Paano kasi, para raw sinadya na ‘yung malaking bahagi ng sumbrero ni Heart ay ipinaling doon sa lugar na hindi man lang niya nakikita sa kanyang peripheral vision si Pia.

Hahahaha! Nakakaloka nang makita nga namin ang nasabing photo dahil habang buong-ningning na nakikita ni Pia si Heart Evangelista, ang huli naman ay tila may pandededmang sumbrero na natatakpan o ayaw makita si Pia Wurtzbach. Hahaha!

Pinakain ng balut atbp. street food… BINI, NANDIRI SA PAGKAING PINOY, NA-BASH SA KAARTEHAN

ni Ambet Nabus @Let's See | July 14, 2025

Photo: BINI - YT People vs Food

Grabe ang inabot na pamba-bash ng P-pop girl group na BINI mula sa mga netizens.

Sa isang guesting kasi ng naturang grupo sa isang kilalang foreign YouTube (YT) channel na may title na People vs. Food (PVF), ipinatikim sa kanila ang 11 street food nating mga Pinoy. 

Mula sa mixed nuts, kwek-kwek o kilala ring tokneneng, hopiang baboy, ChocNut, isaw, yema, balut, betamax (dugo), mamon, hanggang sa turon at taho, magkakaiba ang reaksiyon ng walong members ng grupo.

May mga agad na nagkagusto, may pasimpleng gusto, may maarteng hindi gusto at umaarteng first time na nakatikim o never pang nakatikim at all.

Kaya ang ending, nilait-lait at pinutakti ng bashing ang 8 members na sina  Aiah, Colet, Maloi, Gwen, Stacey, Mikha, Jhoanna, at Sheena.

Dahil nalilito na rin kami kung sino nga sa kanila ang sino, and since iisang grupo lang din naman sila, mukha ngang big negative vibe sa BINI ang pangyayari.

We have watched the video at halata talagang ‘yung mga umaarte (lalo na ‘yung naka-sumbrero) ay hindi nakakatulong sa pag-promote ng street food ng bansa. 

Daig pa sila nu’ng girl (may Pinoy blood din daw) na taga-abot ng food dahil kahit hindi siya sa Pilipinas nakatira ay ina-admire niya at kinakain talaga niya nang walang ‘poker face o plastic facial reaction’ ang mga street food lalo na ‘yung balut, kwek-kwek at hopia.

Given nga na hindi nila naranasan ang kumain ng naturang mga street food, or at all ay hindi nila bet ang lasa or what, the least those who displayed quite a face while eating or worse, giving some unsavory remarks and very low scores to those food ay maging civil man lang. 

Iba kasi ‘yung nagpapakatotoo sa nagiging bastos o disrespectful sa nakagawian nating mga Pinoy. Parang may narinig pa yata kaming nagsabi ng “nakakadiri, yucks, OMG!, awws, etc.” na associated nga sa negative reaction.

At dapat silang paalalahanan na nasa isang show sila na food and people ang format, kung saan ipino-promote ang pagkain ng isang bansa sa ibang lahi.

Marami tuloy ang nagtatanong kung naituro ba sa BINI ang aspetong ito, lalo’t nakikilala na rin sila outside the Philippines?

Sa aspetong pag-promote kasi ng turismo at kultura natin sa food ay tila sumablay nga ang BINI na ewan din kung saan pinulot ang mga accent o twang sa pag-i-English gayung ‘yung female host (Korean o Chinese ba?) ay napakadali at masarap pakinggan sa simpleng English speaking nito.

---

MEANWHILE, sandali rin naming nakasama sina Ma’am Charo Santos at Papa Dingdong Dantes sa mWell event sa the Podium kamakailan.

As we all know, bongga ang kampanya ng mWell sa pag-engganyo sa karamihan na i-empower ang mga sarili para sa mabuting kalusugan.

Ang mga kaugnay na produkto gaya ng mWell watch at ring na lagi rin naming suot-suot ay malaking bagay sa pagmo-monitor ng ating mga blood pressure, cholesterol, atbp. at ang pagkakaroon ng sound and quality sleep.

Sa naturang event ay inilunsad din ang official wellness anthem na I Am Well in collaboration with Asia’s Songbird Regine Velasquez-Alcasid and award-winning composer Jonathan Manalo.

At dahil nandu’n nga sina Ma’am Charo at Papa Dong na nagsuot din ng mga singsing at relo at naging mukha ng adbokasiya ng mWell, ipinapanood na rin sa amin ang pinagsamahan nilang movie na Only We Know (OWK).

That was our second and a half-time na mapanood ang movie (una ay halos kalahati lang dahil nasabay sa isang event, next ay sa isang sinehan na nag-iiyakan ang mga kasabay and third na nga itong sa mWell event). 

I’m telling you, nandu’n pa rin ‘yung feeling ng lungkot, saya at kilig sa tandem ng dalawa, pero may naiba na sa amin. Hahahaha! 

---

HINDI namin masisisi si Giselle Sanchez kung ngayon lang niya na-realize na may dapat siyang pagsisihan o i-regret sa ginawa niyang movie with Darryl Yap or mas appropriate

sabihin na ginampanan niya ang isang iconic role sa isang movie na tila hindi siya proud.

As an artist, alam dapat ni Giselle ang boundaries niya. As a mother na mayroong anak na umano’y naba-bash nang dahil sa naging appearance niya sa movie, dapat din ay may ready siyang sagot.

Sa panig naman ni Darryl na patolero rin talaga sa bawat isyu, natural lang na ipagtanggol niya ang kanyang obra at para sagutin na nag-regret din sila sa pag-cast kay Giselle is also understandable.

Sa showbiz nga lang kung saan pareho silang belong at active, parang mas masakit mabasa o marinig na nag-aaway ang matatalinong umano’y mga ‘has been o mga second at third rate actor at director’.

Aguy naman!!!

Unang labas pa lang sa serye… FANS KAY BIANCA: ANG ANGAS MO!

ni Ambet Nabus @Let's See | July 11, 2025

Photo: PBB Collab Big Winner - BreKa

Grabe talaga ang iskedyul ng mahal naming si dearest idol-friend Gov. Vilma Santos-Recto.

Sa pormal niyang paglagda ng apat na pangunahing Executive Order kaugnay ng mga programa niya sa HEARTS last Monday, July 7, sunod-sunod ang ginawa niyang pakikipagpulong sa mga lokal na lider ng Batangas Province.

Siyempre, may kani-kanyang prioridad at programa ang bawat locality, kaya naman sentralisado ang ‘goal achieving’ plan nila.

At dito nga rin niya kinakailangan ang energy at youth ni Luis Manzano, lalo’t nais ngang tuparin ni Luis ang naging laman ng kanyang kampanya sa Batangas lalo na ang mga usaping ‘youth, health, scholarships, technology training, at iba pa’.

Sa latest chika namin with Gov. Vi, may mga bago silang proyekto na hospitals (community) at mga industry-related jobs, kaya’t panay-panay rin ang pakikipag-meeting niya sa mga tamang agencies, kasama na ang ilang multi-sectoral projects sa ilalim ng ahensya ng mismong Pangulong Bongbong Marcos.

“Nakukumpleto mo pa ang tulog mo, Ate Vi?” tanong namin sa kanya.

“To be honest, hindi. But I try to get some power napping ‘pag may chance. Ganito naman talaga lagi sa umpisa, ‘yung pag-establish at pag-re-establish ng mga plano ang mahirap, ang madugo.. pero ‘pag naging cooperative at united ang lahat, gagaan na rin,” sagot nito.

“So ‘yung pinag-uusapan nating one movie project mo in three years ay?” pabitin namin susog.

“Alam mo ‘yan. Mangyayari ‘yan at the right time. Basta our lips are sealed muna,” sey nito.

O hayan ha! mga Vilmates, wait lang po muna tayo. Basta ipag-pray natin siya lagi dahil gabundok na responsibilidad ang nakaatang sa kanya sa lalawigan ng Batangas.

Buti na lang talaga, lagi rin siyang napapasaya ni Peanut, ang napaka-bibo at umaarteng anak nina Luis Manzano at Jessy Mendiola, Hahaha!

---

MATAPOS niyang lumabas mula sa Bahay ni Kuya,  balik-acting na si Sparkle artist Will Ashley para sa pelikulang Bar Boys 2 (BB2).

Sa kanyang Instagram (IG) post ay ibinahagi ng aktor ang kanyang excitement dito, “So happy to be back on set!” 

Naikuwento rin ni Will sa sumabak siyang muli sa isang workshop kasama ang direktor na si Kip Oebanda.

Well, kaabang-abang talaga ang projects na nakapila para sa Nation’s Favorite Son!

Meanwhile, excited din ang ilang naging supporter niya dahil mukhang may blessing na raw ang pagkakaroon niya ng ka-love team o ka-triangle sa tandem nina Bianca de Vera at Dustin Yu.

Hmmm...

---

NAGING emosyonal naman ang ilang mga contract stars, executives at mga empleyado ng ABS-CBN sa ginawa nilang seremonya last July 9.

Ito nga ‘yung pormal na pamamaalam dahil aalisin o gigibain na ang ABS-CBN compound kung saan nakatayo ang tinatawag na Iconic Millennium Tower o ang ABS-CBN Tower.

Simula nga ng makabalik ang network in 1986 after itong ma-establish as ABS-CBN broadcast network in the 60's (nagsimula ang company in 1946), ngayong 2025 na nga ito mamaalam.

Although alam naman nating lahat na masaya na ang kumpanya sa pagiging content provider ng programs at pakikipag-collab sa broadcast industry, may bahid pa rin siyempre ng lungkot sa mga taong nagsilbi at naging bahagi ng network,

Personally, sobra din kaming nalungkot dahil halos naging bahagi rin kami ng ABS-CBN for 20 years (officially) at kung isasama ng mga years na nag-OJT kami from 1986 to 1989, may plus 3 pa, Hahaha!

But we all have to move forward and be the useful individuals we need to be.