Guilty sa illegal detention kay Vhong… CEDRIC, DENIECE ATBP., HABAMBUHAY KULONG!

ni Ador V. Saluta @Adore Me! | May 3, 2024

File photo: Denice Cornejo - Vhong Navarro - Cedric Lee / FB

Sa ulat ng ABS-CBN News nitong Huwebes, May 2, 2024, binasa sa korte ang hatol kina Cedric Lee at Deniece Cornejo, pati na rin sa mga kasamahan nilang sina Zimmer Raz at Ferdinand Guerrero et. al, na agad ipinaaaresto at ipinakukulong. 

“The Taguig Regional Trial Court convicts Cedric Lee and Deniece Cornejo and two other respondents in the serious illegal detention case filed by actor-host Vhong Navarro,” according to Atty. Alma Mallonga, Navarro's lawyer.                                                                 

Inakusahan ni Vhong si Lee of detaining him on the night of January 22, 2014 sa isang condominium unit sa Taguig City, kung saan kasama ni Lee ang iba pa niyang companions,  binugbog umano nila si Vhong at tinakot pang papatayin, ayon pa kay Atty. Mallonga.

Lee allegedly demanded up to P2 million for Vhong's release, subali't napagkasunduan na lamang nila sa halagang P1 million.

Kasama sa mga hinatulang “guilty beyond reasonable doubt” sa kasong serious illegal detention si Cedric Lee at modelong si Deniece, pero ayon sa dalaga'y nag-attempt si Vhong na gahasain siya nu’ng gabi ring ‘yun. 

Nakasaad pa sa salaysay na itong rape allegation ni Lee ang ginamit na justification para bugbugin ang It's Showtime host at sapilitang paaminin na ni-rape si Cornejo sa police station that same night.

Sa isang CCTV footage, nakita na si Cornejo ay pababa ng elevator mula sa kanyang condo unit halos isang minuto matapos lumabas ni Navarro sa elevator para pumunta sa unit ni Deniece. 

Iginiit ng kampo ni Vhong na it's physically impossible para gahasain niya si Cornejo in such a short time.

Ang iba pang kasamang akusado sa kaso ay ang kapatid ni Cedric na si Bernice Lee at sina Simon Diaz, Jr., Jose Paolo, Gregorio Calma, Jed Fernandez at Ferdinand Guerrero.

Kahit nasa GMA-7 na… VICE, 'DI PA RIN MAPATAWAD NI JESSICA

ni Ador V. Saluta @Adore Me! | April 25, 2024

FEELING ng comedian-host na si Ogie Diaz, hindi pa 100 percent happy si Vice Ganda sa pagtungtong sa GMA Network dahil kay Jessica Soho.

Sa isang video post na aming napanood, sinubukang tawagan mismo ng It's Showtime host ang GMA news anchor subali't nabigo itong mag-sorry sa huli. 

Ayon sa kuwento ni Vice, tinawagan niya si Jessica thru his phone at suwerteng sinagot siya nito. Kaya lang, sinabi nito na she cannot accommodate him at that time at susubukan na lang daw siyang tawagan in 30 minutes or anytime of the day. Kaso, dinedma na siya ni Jessica.

Kaya't sa Showbiz Update vlog ni Ogie Diaz ay natalakay nila ang tungkol sa ilang netizens na binalikan ang issue noon nina Vice at Jessica.

Nag-umpisa ang alitan ng dalawa noong ginawang joke ni Vice si Jessica sa kanyang concert noong 2013 kung saan sinabi niya na kung magiging bold star sa pelikula si Jessica ay kailangang sa eksenang “gang rape”.

Sabi ni Vice, “Ang hirap nga lang kung si Jessica Soho magbo-b**d. Kailangan gang r**e lagi. Sasabihin ng rapist, ‘Ipasa ang lechon.’ Sasabihin naman ni Jessica, ‘Eh, nasaan ‘yung apple?’”

Humihingi na si Vice ng sorry kay Jessica, ngunit hanggang ngayon ay hindi pa nagbigay ng pahayag ang Kapuso broadcaster kung napatawad na ba niya ang komedyante.

Kaya sa vlog ni Ogie, sabi niya, “Feeling ko, para maging buo, as in 100 percent ‘yung happiness ni Vice sa kanyang pagtungtong sa GMA, ‘yan na lang ang kulang, ‘yung kapatawaran ni Jessica Soho sa kanya at ‘yung pagsisimula ng kanilang friendship kung mabibigyan ng pagkakataon."

VICE, PROUD NA IDINISPLEY ANG BAGONG HITSURA

ni Ador V. Saluta @Adore Me! | April 25, 2024

Hindi ikinakaila ni Vice Ganda ang journey ng kanyang buhay mula sa pagtawag sa kanyang 'Totoy' nu'ng siya'y bata pa at pagiging pakalat-kalat sa mga kalye ng Kamaynilaan hanggang sa  nagsimulang hubugin ang kanyang buhay mula sa lansangan ng Blumentritt, Sta. Cruz sa Maynila. 

May kakambal na suwerte si Totoy dahil naramdaman at natuklasan niyang meron pala siyang talento sa pagpapatawa at pagkanta na inumpisahan niyang linangin sa mga comedy bars gaya ng PunchLine, Laffline at iba pang entertainment bars sa Kamaynilaan.

From being a comedy bar host, masasabi ngang itinadhana ang masuwerteng landas ni Vice nang magsimula siyang makilala as comedian-host ng It's Showtime 14 years ago. Hindi man siya kagandahan dati, tanggap ng madlang pipol ang kanyang kakaibang style ng comedy.

Sa mga nakasubaybay dati sa mga pinagdaanang buhay ni Vice, tila isang himala kung bakit malayung-malayo na ang hitsura nito noon sa ngayon. Para na siyang “prinsesa” sa ganda.

Kaya't looking back, proud na ibinida ng Unkabogable Star at It's Showtime host ang kanyang biggest transformation. 

Sa kanyang Instagram post, ibinahagi ni Vice ang dati niyang video nu'ng nagsisimula pa lamang siya sa industriya kumpara sa kanyang hitsura sa ngayon.

With background music na Magasin ng Eraserheads, kitang-kita ang mala-reynang ganda ng dating batang-lansangan noon. 

Hirit niya sa kanyang caption:“GANDANG 'di mo inakala! Ganunyon!” 

Well, sa dami na ng pera ni Vice ngayon, 'di pa ba siya magmumukhang-diyosa?