Brownlee at Thompson tinuhog ang Game 5, 3-2 na

ni Anthony E. Servinio @Sports | Mar. 23, 2025

Photo: Justin Brownlee at Scottie Thompson sa Game 5 ng Ginebra at TNT / PBA.PH

Laro ngayong Miyerkules – Araneta

7:30 PM Ginebra vs. TNT

Lumikha ng isa pang inspirado at milagrong laro sina Justin Brownlee at Scottie Thompson at binigo ng Barangay Ginebra ang TNT Tropang Giga, 73-66, sa Game Five ng 2024-25 PBA Commissioner’s Cup Finals sa Araneta Coliseum kahapon.

Isang panalo na lang ang kailangan ng Gin Kings para makandado at lamang na sa seryeng best-of-seven, 3-2. Ibinalik ni Thompson ang bentahe sa Gin Kings, 67-66, at sinundan ng malupit na depensa para matawagan ng shot clock violation ang TNT.

Kinuha nina Thompson at Brownlee ang pagkakataon para maka-shoot muli at lumayo, 71-66, at tuloy-tuloy na ang kanilang arangkada sa huling dalawang minuto. Tinodo ni Brownlee ang opensa sa pangatlo at pang-apat na quarter para sa 18 puntos at 13 rebound.

Double-double din si Thompson na 16 at 10 rebound habang tig-11 sina Japeth Aguilar at Marverick Ahanmisi. Nanguna sa Tropang Giga sina Best Import Rondae Hollis-Jefferson at Rey Nambatac na parehong may 19.

Harapang bumanat ng pagbasket si Justin Brownlee ng Ginebra Kings kontra sa depensa ni Rondae Hollis Jefferson sa Game 5 ng PBA Finals ng 49th Commissioner's Cup sa Big Dome Linggo ng gabi. (Reymundo Nillama)

Malaking bagay ang biglang-lamig nila sa huling apat na minuto at napako sa 66 puntos Mabagal ang simula ng Ginebra at hinintay ang huling 51 segundo ng pangalawang quarter bago nakapuntos si Brownlee, 35-41.

Sinundan ito ng mga buslo nina Calvin Oftana at Kim Aurin at nagbanta ang TNT na gawing tambakan ang laro papasok sa pangalawang quarter, 45-35. Kabaligtaran ang nangyari at pumalag ang Gin Kings para maging dikdikan ang laro.

Tinuldukan ni Brownlee ang pangatlong quarter at inunahan niya ang busina para maagaw muli ang bentahe, 57-56, at positibong enerhiya para sa huling buhos.

Matatandaan na binura ni Brownlee ang mga haka-haka sa kanyang paglaro sa Game Four na balot na balot ang pilay na hinlalaki.

Napili siyang Best Player na may 23 at 12 rebound at kumbinsidong nagtagumpay ang Ginebra, 95-78. Ang Game Six ay gaganapin ngayong Miyerkules sa parehong palaruan. Kung kailangan, ang winner-take-all Game Seven ay sa Biyernes sa Araneta pa rin.

Butler at Hield matatag, Bronny James, naka-17 pts.

ni Anthony E. Servinio @Sports | Mar. 22, 2025

Photo: Buddy Hield at Jimmy Butler III / IG Golden State Warriors / NBA

Nagtala ng triple-double si Jimmy Butler III at wagi ang Golden State Warriors sa Toronto Raptors, 117-114, sa NBA kahapon sa Chase Center. Binahiran ng Chicago Bulls ang gabi ng dati nilang manlalaro DeMar DeRozan at nanalo sa Sacramento Kings, 128-116. 

Lumabas at hindi na bumalik si Stephen Curry dahil nagkaroon ng pasa sa kanyang balakang at 3:24 sa pangatlong quarter. Lamang ang Raptors, 88-83, pero humabol ang GSW at naging matatag sina Butler at Buddy Hield sa mga free throw sa huling 16 segundo para mapigil ang mga banta ng Toronto.

Nagsumite si Butler ng 16 puntos, 11 rebound at 12 assist at tagumpay ang GSW ng siyam sa huling 10 laro. Nanguna si Draymond Green na may 21 habang 17 si Curry kahit maagang umupo. Nagtala ng 19 si DeRozan para maging ika-27 manlalaro na may 25,000 puntos at ginawa niya ito laban sa kanyang koponan mula 2021 hanggang 2024 kung saan ginawa niya ang 5,831 nito. Hawak ng Kings ang bentahe, 103-102, at humataw palayo ang Bulls sa huling walong minuto. 

Bumuhos ng 16 ng kanyang 35 sa huling quarter si Coby White. Tumulong sina Kevin Huerter na may 25 buhat sa limang three-points at Nikola Vucevic na may 24 at 14 rebound. 

Samantala, gumawa ng bagong personal na marka na 17 puntos si Bronny James pero hindi ito sapat at nanaig ang Milwaukee Bucks sa kanyang Los Angeles Lakers, 118-89.  Naglaro ang Lakers na wala ang  ama na si LeBron James, Rui Hachimura, Austin Reaves at Luka Doncic. 

 Bumanat ng 28 si Giannis Antetokounmpo habang 23 si Gary Trent Jr. at 20 kay dating Lakers Kyle Kuzma. Bunga ng talo ng Lakers, bumaba sila sa 43-26 at nakakasiguro na ang nagpapahingang Oklahoma City Thunder (57-12) na magtatapos na numero uno sa Western Conference. 

Gin Kings, tinambakan ang TNT sa Game 4

ni Jenny Albason @Sports | Mar. 22, 2025

Photo: Justin Brownlee sa laban ng Gin Kings at Tropang Giga / PBA PH

Hindi masukat ang dalang inspirasyon ni Justin Brownlee at tinulak niya ang Barangay Ginebra sa 95-78 panalo sa TNT kahapon sa Game Four ng 2024-25 PBA Commissioner's Cup Finals.

Sinagot ni Brownlee ang mga tanong at haka-haka at naglaro na parang hindi balot na balot ang hinlalaki matapos mapilay ito sa Game Three noong Miyerkules.

Ibang klaseng hiyaw ang narinig habang pinapakilala ang mga koponan at magtrabaho agad si Brownlee para makuha ang unang quarter, 31-21. Nag-iwan ang Gin Kings ng lakas para sa huling sipa at biglang iniwan ang TNT sa huling quarter.

Tabla na ang serye sa 2-2. Ang Game Five ay ngayong Linggo sa Araneta Coliseum.