ISABELA — Isang plantasyon ng marijuana ang sinalakay ng pulisya kamakalawa sa bayan ng Quezon.
Ang sinalakay ay ang plantasyon ng marijuana sa Sitio Dat-Ayan, Bgy. Minagbag sa naturang bayan.
Ayon sa ulat, may natanggap na impormasyon ang pulisya na may mga nakatanim na marijuana sa nasabing lugar kaya agad itong sinalakay ng mga awtoridad.
Kaagad sinira at sinunog ng mga awtoridad ang mga tanim na marijuana na hindi pa batid ang halaga.
Pinaghahanap na ngayon ng mga awtoridad ang nagmamay-ari ng nasabing plantasyon ng marijuana.