Bulgarific
Hello, Bulgarians! Inaprubahang muli kamakailan ng Department of Health (DOH) Metro Manila Center for Health Development ang ‘accreditation’ ng Manila Water Laboratory Services hanggang 2022.
Sa pamamagitan ng naturang accreditation, inaasahan ng DOH na mapanatili ang kalidad ng maiinom na tubig na angkop sa pagkonsumo ng publiko na naaayon sa pamantayan ng Philippine National Standards for Drinking Water (PNSDW). Sa akreditasyon ding ito, maaaring magsagawa ang MWLS ng pagsusuring kemikal, pisikal at microbiological kahit sa mga sample na galing sa labas ng east zone at ang resulta ay kikilalanin at tatanggapin ng DOH.
Gayundin, nakapagtala ang MWLS ng ‘zero non-conformity’ sa katatapos lang na assessment na isinagawa ng Department of Environment and Natural Resources (DENR) bilang bahagi ng pagkilala nito sa MWLS bilang ‘environmental laboratory’.
Ang pagkilalang ito, na may bisa hanggang 2021 ay resulta ng inspeksiyon at assessment na isinagawa ng grupo na kinabibilangan ng Board of Chemistry, akademya at ilang dalubhasa ng industriyang kinumisyon ng DENR - Environmental Management Bureau (EMB).
Natupad ng MWLS ang mga kinakailangang kasulatan, analytical performance at iba pang pangangailangan kasama na ang zero non-conformity na may dalawa lamang panukala para sa higit na kahusayan. Pinuri rin ng mga nag-inspeksiyon ang MWLS bilang ‘model laboratory’ sa patuloy ng mahusay na kasanayan sa pagsusuri habang pinananatili ang ‘world-class’ na pasilidad.
Ayon sa kahulugang ibinigay ng DENR, ang ‘environmental laboratory’ ay awtorisadong magbigay ng datos kaugnay sa ‘environmental impact assessment’, ‘environmental monitoring’ at iba pang pagsasaliksik para suportahan ang pagsasagawa at pagpapatupad ng mga patakaran, pamantayan, panuntunan at regulasyon tungkol sa proteksiyon ng kapaligiran.
♥♥♥
For event invitations, please, email bulgarific@ gmail.com or PM us on our Facebook page.
Got to go! It’s so Bulgarific!
xoxo