Nakilala sa online dating site | COED, NI-RAPE NG CHATMATE

KALABOSO ang isang Indian national matapos umanong halayin ang 20-anyos na college student ha­bang ikinulong naman nito sa banyo ang kaibigan ng biktima sa Valenzuela City.

Kinilala ang suspek na si Praveenkuamar Karuna­neeth, 24, 2nd year medical student sa Our Lady of Fa­tima University at residente ng Bgy. Marulas, na na­aresto ng Barangay Marulas Anti-Criminality Tasked Forced Officer (ACTO).

Batay sa imbestigasyon, matapos magkakilala ang suspek at ang biktimang iti­nago sa pangalang ‘Merly’ sa online dating site noong May 31, inimbita ng lalaki ang ba­bae sa kanyang bahay na pu­mayag naman sa kon­disyong kasama ang kanyang kaibi­gan na si alyas Mari, 28.

Alas-12:00 ng hatinggabi nang dumating ang mga ka­ibigan sa bahay ng suspek at makalipas ang maikling pag-uusap, inalok umano ng lalaki ang dalawa na uminom ng alak.

Matapos makaubos ng isang baso ng beer, nahilo ang biktima kaya pinatulog ito ng suspek sa kanyang ku­warto habang si ‘Mari’ ay pu­masok sa banyo upang umihi subalit, ikinandado umano siya ng lalaki sa loob.

Nang magawang maka­labas ni ‘Mari’, umakyat ito sa ikalawang palapag ng bahay para hanapin ang ka­ibigan at nagulat siya nang ma­kitang ginagahasa na ito ng suspek habang walang malay.

Nang komprontahin ni ‘Mari’ ang suspek, pinagban­taan umano siyang papata­yin kung tatangkain nitong lumabas ng bahay.

Gayunman, nagawang makatawag sa cellphone ni ‘Mari’ at nakahingi ng tu­long sa kanyang ate na nag­resulta sa pagkaaresto sa suspek na nahaharap sa ka­ukulang mga kaso.