Pusher na bebot timbog

LAGUNA—Isang babaeng drug pusher ang nadakip sa isinagawang buy-bust operation ng pulisya, kamakalawa sa Southville 5-A, Biñan City sa lalawigang ito.

Kinilala ang suspek na si Catherine Samson, residente ng nasabing lungsod.

Nabatid na nakakumpiska ang mga awtoridad ng 10 sachets ng shabu sa pag-iingat ng suspek.

Sa ngayon ay pinaghahahap pa ng pulisya ang live-in partner ni Samson na si Vemor Padida na sangkot din sa pagbebenta ng shabu sa naturang lungsod.