2 tulak timbog sa buy-bust

BATANGAS—Dalawang drug pushers ang naaresto sa isinagawang buy-bust operation ng pulisya, kamakalawa sa Bgy. Balintawak, Lipa City sa lalawigang ito.

Kinilala ang mga suspek na sina Dennis Magsino at Sherwin Dimaculangan, kapwa nakatira sa nasabing lungsod.

Ayon sa ulat, isang sachet ng shabu at markadong pera ang nakumpiska ng pulisya sa pag-iingat ng mga suspek.

Nakapiit na sina Magsino at Dimaculangan na kapwa nahaharap ngayon sa kasong paglabag sa Dangerous Drugs Act of 2002.