Mga kaaway, ‘di puwedeng dumaan sa Strait of Hormuz — Iran

by BRT @World News | March 24, 2026

Photo: File / Al Jazeera

Nananatiling bukas ang Strait of Hormuz para sa mga barkong walang kaugnayan sa mga kaaway ng Iran, ayon sa ulat ng Iranian media nitong Linggo, batay sa pahayag ng kinatawan ng Iran sa UN maritime agency.

Dumating ito bago ang bantang binitiwan ni US President Donald Trump na targetin ang mga planta ng kuryente ng Iran kung hindi ganap na bubuksan ang naturang strait sa loob ng 48 oras.

Sa gitna ng umiinit na tensyon sa pagitan ng US, Israel, at Iran, nananatiling limitado ang pagdaan ng mga barko sa makitid na ruta na dinaraanan ng halos ikalimang bahagi ng suplay ng langis at liquefied natural gas sa buong mundo—isang sitwasyong nagbabadya ng pandaigdigang krisis sa enerhiya.

---

Langis, sumisirit... BUONG MUNDO, DELIKADO DAHIL SA TENSYON SA GITNANG SILANGAN

BABALA ang ibinigay ni Fatih Birol, pinuno ng International Energy Agency (IEA) na nahaharap ngayon ang pandaigdigang ekonomiya sa isang malaki at seryosong banta dulot ng lumalalang krisis sa enerhiya na kaugnay ng digmaan sa Gitnang Silangan.

Idinagdag pa niya na kung magpapatuloy ang ganitong sitwasyon, walang bansa ang makakaiwas sa epekto nito, kaya kinakailangan ang sama-samang aksyon ng buong mundo upang maagapan ang mas malalang pinsala.

Sa kabuuan, nananatiling kritikal ang sitwasyon, at patuloy ang panawagan para sa agarang resolusyon upang maiwasan ang mas malawakang krisis sa ekonomiya at enerhiya sa buong mundo.

Nakokonsensiya sa giyera sa Iran... Senior intelligence official ni Trump, nag-resign

ni Jenny Rose Albason @World News | March 19, 2026

File : AFP

Nagbitiw na sa kanyang puwesto si Joe Kent, isang senior US intelligence official na itinalaga ni US President Donald Trump.

Sa kanyang social media account, kinumpirma ni Kent ang pagbitiw bilang Director ng National Counterterrorism Center.

Ayon sa kanya, hindi na niya makayanan ng kanyang konsensya ang patuloy na mga giyera sa Iran. Giit niya na wala namang direktang banta sa US ang Iran, at isinagawa ang mga pag-atake dahil sa pressure mula sa Israel.

---

PINAKA-SENIOR OFFICIAL NG IRAN, TODAS SA ISRAEL

Israeli Air Force

IPINAGMAMALAKI ng Israel ang pagpatay sa isa sa mga mataas na lider ng Iran, si Ali Larijani.

Itinuturing si Larijani bilang pangunahing opisyal sa seguridad ng Iran at isa sa pinakamalakas na tagagawa ng desisyon sa bansa. Siya rin ang pinaka-senior na opisyal ng Iran na nasawi, kasunod ng pagkamatay ni Supreme Leader Ayatollah Khamenei.

Kasama rin sa mga napatay ng Israel si Gholamreza Soleimani, ang pinuno ng Basij, ang kilalang kinakatakutang paramilitary force ng Iran.

Ayon kay Israeli Prime Minister Benjamin Netanyahu, patuloy nilang pinapahina ang mga puwersa ng mga lider ng Iran. Dahil dito, inaasahan nilang magkakaroon ng pagkakataon ang mamamayan ng Iran na mag-alsa laban sa gobyerno.

---

EUROPE, OUT SA US-ISRAEL VS. IRAN

NANINDIGAN si US President Donald Trump na hindi na kailangan ng Estados Unidos ang tulong ng ilang bansa sa Europa upang talunin ang Iran.

Ito ay kasunod ng pagtanggi ng maraming lider ng Europa na makisawsaw sa giyera ng US at Israel laban sa Iran.

Giit ni Trump na ang desisyon ng ilang European leaders ay isang malaking katatawanan.

Ipinagmalaki rin ng US President ang naging tagumpay ng pag-atake ng US sa Iran, kung saan maraming military facilities ng bansa ang nasira.

Higit 80 Pinoy sa Dubai, gustong umuwi sa ‘Pinas — DMW

by Cristine Marish Rivera @News | March 2, 2026

Photo: Department of Migrant Workers

Tinatayang mahigit 80 Pinoy na ang humiling ng repatriation sa gitna ng lumalalang tensyon sa Middle East, ayon sa Department of Migrant Workers (DMW).

Samantala, sinabi naman ni Department of Migrant Workers (DMW) Secretary Hans Leo Cacdac na hindi pa posible sa ngayon ang pagsasagawa ng repatriation dahil sarado pa ang airspace sa Dubai kaya’t ililipat muna sa mas ligtas na lugar ang mga Pilipinong gustong umuwi.