Israel, inihirit ang patuloy na pag-atake sa Lebanon sa gitna ng tigil-putukan

ni Angela Fernando @World News | Nov. 14, 2024

Photo: Israel's war - Israeli army / Reuters

Iginigiit ng mga opisyal ng Israel na mapanatili ang patuloy nitong pag-atake sa Lebanon na bahagi ng mga kondisyon para sa isang tigil-putukan laban sa Iran-backed Hezbollah, ayon sa foreign minister ng France na si Jean-Noel Barrot.

Sa pahayag niya sa isang parliamentary hearing matapos ang kanyang pagbisita sa Jerusalem nu'ng nakaraang linggo, binanggit ni Barrot na ito ay isang kondisyon na mas madalas nang inihihirit ng mga opisyal ng Israel.

"Today we hear in Israel voices calling for it to keep a capacity to strike at any moment or even enter Lebanon, as is the case with its neighbour Syria," saad ni Barrot.

Samantala, binigyang-linaw naman ng mga diplomat na imposibleng makuha ang pagsang-ayon ng Hezbollah o Lebanon sa anumang panukala na may kasamang kundisyon na katulad sa inihihirit ng Israel.

Walang naging agarang komento mula sa Israel kaugnay ng mga pahayag na ito, ngunit nauna nang sinabi ng kanilang defense minister na si Israel Katz na, “We will not allow any arrangement that does not include the achievement of the war’s objectives - and above all Israel’s right to enforce and act on its own against any terrorist activity.”

Musk at Ramaswamy, itinalaga ni Trump na mamuno sa DGE

ni Angela Fernando @Overseas News | Nov. 13, 2024

Photo: Donald Trump, Vivek Ramaswamy at Elon Musk - FB / IG / Angela Weiss-AFP

Inanunsyo ni United States President-elect Donald Trump kamakailan ang pagtatalaga kay Elon Musk at dating Republican presidential candidate na si Vivek Ramaswamy bilang mga pinuno ng bagong likhang Department of Government Efficiency (DGE).

Ang hakbang na ito ay pagkilala sa dalawa na tanyag na tagasuporta ni Trump mula sa pribadong sektor.

“[Musk and Ramaswamy] will pave the way for my Administration to dismantle Government Bureaucracy, slash excess regulations, cut wasteful expenditures, and restructure Federal Agencies," pagbibigay-diin ni Trump.

Ang pagtatalaga sa dalawa ay inaasahang magdadala ng malaking pagbabago sa paraan ng pagpapatakbo ng pamahalaan sa ilalim ng administrasyong Trump.

Paglilinaw ni Trump, ang bagong departamento ay magbibigay ng payo at gabay mula sa labas ng gobyerno, na nagpapahiwatig na ito ay hindi limitado sa tradisyunal na saklaw lamang ng pamahalaan.

Iran foreign minister, itinangging may planong patayin si Trump

ni Angela Fernando @World News | Nov. 10, 2024

Photo: Iran Foreign Minister Abbas Araqchi at Pres. Donald Trump - AP E/ van Vucci-AP

Itinanggi ni Abbas Araqchi, Foreign Minister ng Iran, ang mga akusasyon mula sa United States (US) na may kinalaman ang Tehran sa isang sinasabing plano upang patayin si Donald Trump.

Sa isang pahayag sa kamakailan, nanawagan si Araqchi para sa pagpapalakas ng tiwala at mga hakbang na magpapabuti sa relasyon ng dalawang bansang magkaaway.

"Now ... a new scenario is fabricated ... as a killer does not exist in reality, scriptwriters are brought in to manufacture a third-rate comedy," saad ni Araqchi sa social media platform na X.

Tinutukoy niya ang sinasabing plano na ayon sa Washington ay iniutos ng elite Revolutionary Guards ng Iran upang patayin si Trump, na nanalo sa halalan nu'ng Martes at papasok sa kanyang posisyon sa Enero.

"The American people have made their decision. And Iran respects their right to elect the President of their choice. The path forward is also a choice. It begins with respect. [...] Iran is NOT after nuclear weapons, period. This is a policy based on Islamic teachings and our security calculations. Confidence-building is needed from both sides. It is not a one-way street," saad pa nito.

Magugunitang sinabi ng Iranian Foreign Ministry spokesperson na si Esmaeil Baghaei na ang mga paratang ay isang "repulsive" na plano ng Israel at ng oposisyon ng Iran sa labas ng bansa upang pag-isahin ang mga usapin sa pagitan ng Amerika at Iran.