Babalik pa raw para naman sa leeg… SHARON, NAGPAOPERA NG SPINE SA PINAKAMAHAL NA OSPITAL SA BUONG ASYA

ni Julie Bonifacio @Winner | March 14, 2026

Photo: File / IG Sharon Cuneta

Nagpapagaling na sa Pilipinas si Megastar Sharon Cuneta pagkatapos sumailalim sa operasyon sa kanyang spine sa Singapore.

Nagdalawang-isip si Mega kung ipo-post niya o hindi ang nangyari sa kanya until she decided na i-announce ang pinagdaanang medical procedure sa social media.

Well, ipinost ni Sharon sa Instagram (IG) ang mga ‘little gifts’ na natanggap niya. At sa caption niya ay ini-reveal what she went through recently.

Kuwento ni Sharon, “Hi. I know it’s been a while. I was thinking if I should let you all know what I've been through. Well, I think yes.

“You might’ve heard that I was in Singapore. I wish I went there to vlog, but actually, it was for medical reasons. My spine.

“Remember how I’d been under pain management for about two years for my right hip and leg? Well, I wish I could’ve gone to see my doctor in Singapore sooner. I had a procedure. And I do feel better, but I am still recovering. I also need to go back there in a couple of months because all the tests revealed that I also have stuff in my neck I need fixed. C4 & 5, C5 & 6.”

Sinabihan ni Sharon ang kanyang mga followers na huwag ma-stress sa kanyang medical condition ngayon.

“Don’t stress about it. What’s important is that I am okay, the pain has been dealt with and we got to the root of the problems. Praise God,” paglalahad ni Sharon.

Humingi na rin si Sharon ng paumanhin sa kanyang IG post dahil hindi na siya makakaapir sa grand finals ng Your Face Sounds Familiar (YFSF).

“I am so sorry to my YFSF family and my Sharonians who went for not being able to make it to the Finals. I tried. I missed, miss, and will greatly miss all of you,” malungkot na pahayag ni Mega.

At sa huli ay pinasalamatan ni Sharon ang kanyang doktor at mga nurse sa ospital kung saan siya na-confine sa Singapore.

“Thank you to my great nurses in Singapore, especially my Filipino ones at Mount Elizabeth Medical Center. And thank you most of all to my doctor, Dr. Prem Pillay for his expertise and kindness. God bless us all. Love and miss all of you, my Sharonians. Hope you're all okay,” sabi pa ni Sharon.

Makikita naman sa comment section ang post ng eldest daughter ni Mega na si KC Concepcion. No words pero may limang pink hearts.

Ayon sa mga netizens, ang ospital na pinuntahan ni Sharon sa Singapore ang most expensive hospital in Asia. At ito rin daw ang ospital ng mga royalties sa buong Asya.

Ang taray, ‘di ba?

---

NAG-ANNOUNCE na ang ABS-CBN ng line-up ng mga shows para sa primetime na magsisimula sa Lunes, March 16.

Lubos ang pasasalamat ng ABS-CBN at ni Coco Martin sa milyun-milyong manonood na sumubaybay sa paglalakbay ni Tanggol sa FPJ’s Batang Quiapo (BQ) gabi-gabi na ginawa itong pinakapinapanood na primetime series sa bansa at nag-break ng viewing records mula noong 2023.

Sa pagtatapos ng BQ kagabi, March 13, magbubukas ang ABS-CBN primetime block nang 8 PM sa suspense drama na The Alibi (TA), na pinangungunahan nina Kim Chiu at Paulo Avelino.

Susundan ito ng mystery drama na What Lies Beneath (WLB) sa ganap na 8:45 PM, na patuloy na nagpapakilig sa mga manonood habang sinusubukan nilang hulaan kung sino ang tunay na pumatay. 

Susundan ito ng South Korean romance drama na Love Scout (LS) at 9:30 PM, na pinagbibidahan nina Lee Jun-hyuk at Han Ji-min.

Ipapalabas naman at 10:15 PM ang hit Chinese drama na Forbidden Flower (FF) na pinagbibidahan ni Jerry Yan.

Samantala, ang premiere ng paparating na seryeng Sigabo, na pinagbibidahan nina Coco Martin at Julia Montes, ay inilipat sa ibang araw habang ang mga paghahanda ay patuloy na ginagawa upang maging isang kapana-panabik na handog na magdadala ng bagong karanasan sa panonood.

Sa mga nagkakalat ng sex video ng mga artista… “KARMA IS REAL” — TONY

ni Julie Bonifacio @Winner | March 13, 2026

Photo: IG @tony.labrusca

Nagbigay ng reaksiyon si Tony Labrusca sa mga kumalat na sex video ng mga kapwa niya male stars na sina Arron Villaflor, Gil Cuerva, Nikko Natividad at Ron Angeles.

“I think it’s very disrespectful, distasteful,” dismayadong sabi ni Tony.

Paliwanag niya, “And I’m just so happy that the culture in the Philippines right now just realized it. I think a lot of people realized that it is wrong too, you know.”

Nakausap namin si Tony sa mediacon ng 8th Sinag Maynila Independent Film Festival (SMIFF). Isa sa mga official entries sa Sinag Maynila 2026 ang pelikula ni Tony na All About Her (AAH) directed by Joel Lamangan.

“Actually, I feel bad for them. I think it’s an invasion of privacy, you know. So what you will do behind closed doors I think should remain private. And second, I don’t think people should scandalize it, honestly,” pahayag ni Tony.

Hindi raw dapat kabahan at magpaliwanag ang mga nasa sex video.

“I think sila (nagkakalat) ang dapat kabahan because you know, karma is real. So, good luck na lang po sa kanila,” diin ni Tony.

Dugtong pa niya, “But for those guys, ano lang, we’re in the industry now that’s a lot more flexible when it comes to that.”

Last year, may movie rin si Tony na kasali sa Sinag Maynila. This time, eto namang AAH ay isang psychological thriller-horror film.

Suki na pala siya sa Sinag Maynila, sabi namin kay Tony.

“Ganu’n na nga,” ngiti ni Tony. 

Aniya, “I’m just happy working with some familiar faces and uhm, ‘yun. I hope you guys will like our film. The highlight is going to be our two female leads. I’m just happy to support them. I play William dela Cruz, isa po akong pulis.”

Last time, muntik nang manalo si Tony bilang Best Actor sa Sinag Maynila.

“Yeah,” sabay hinga niya nang malalim.

This time kaya?

“Oh, no. I really love my role here. I don’t think I’m in the running for anything. My character is just to support our two lead stars,” sagot ni Tony.

Ang iba pang entries sa Sinag Maynila 2026 ay ang Ang Bangkay (AB) ni Direk Vince Tañada, Lanaya directed by Clyde Capistrano, Pinikas ni Cris Fuego, Sweet Escape (SE) directed by Rommel C. Ricafort at ang Desperada ni Direk Louie Ignacio.

Ang Cannes Best Director na si Brillante Mendoza ang festival director ng Sinag Maynila at ang producer ng Solar Films na si Wilson Tieng ang founder.

Magsisimulang mapanood ang six official entries sa Sinag Maynila mula March 23 hanggang 29 sa Gateway Cineplex, Eastwood Cinemas, Uptown Cinema Venice Complex at Lucky Chinatown Cinemas.

---

Wig, idinidikit sa anit, super-init daw… 

HILDA, DUSA ANG INABOT SA PAGGAWA NG SISA

NAKABALIK na si Hilda Koronel sa Amerika. Umalis siya ng Pilipinas last Tuesday, March 10. Super-hectic ang schedule ng beteranang aktres after she arrived here noong February. Sunud-sunod kasi ang mga ganap para sa promo ng Sisa.

Sulit na sulit dahil sa malaking success ng pelikula sa box office at sa mga review na natanggap nila from the audience.

Pero ang nakakaloka, pati wig na ginamit ni Hilda sa Sisa ay napagdiskitahan.

Winelcome naman ni Hilda ang mga ganitong comments.

In-explain ng aktres sa kanyang Instagram (IG) kung bakit ganoon ang wig niya sa movie.

Paliwanag ni Hilda, “Gusgusin, brown makeup from top to bottom. Pati talampakan ko, brown. Plus, ‘yang wig ko, naka-glue ‘yan sa anit ko araw-araw at sobrang init, puro pawis my head hanggang paa. ‘Wag n’yo na pag-initan ang wig namin, Hahaha! Hinihimatay na kami sa init. Costume pa….”

Last three days bago bumalik sa US si Hilda ay hindi na siya tumanggap ng anumang commitment.

Time na raw iyon for her children at kanyang mga apo, at may time para makapag-empake ng kanyang gamit.

Kalurks, hindi raw nagkasya sa maleta niya ang mga gamit niya, kaya ang dami-dami pa niyang gamit na naiwan sa Pilipinas.

Hopefully, makabalik ulit ng Pilipinas si Hilda Koronel and do more projects here.

Sa hirap ng mga ginawa nila ni Zanjoe… ANGELICA, UMAMING ‘DI KINAYA NG DEODORANT ANG PAWIS NIYA

ni Julie Bonifacio @Winner | March 12, 2026

Photo: IG @Angelica

Sumuko ang gamit ni Angelica Panganiban na deodorant sa mga eksenang ginawa niya sa bago niyang serye na The Silent Noise (TSN). ‘Yan ang ibinulgar ng aktres sa mediacon at exclusive screening noong Martes.

“Ah, totoo naman. ‘Yung deodorant ko, ‘di nag-work dito sa series na ‘to,” sabay tawa ni Angelica.

Pagpapatuloy niya, “‘Yung kili-kili ko, talagang laging basang-basa ng pawis sa hirap ng mga eksena, sa mga sign language na kailangan naming i-memorize.”

Kaya babala ni Angelica sa mga nasa mediacon na maging careful on what they wish for.

“Kaya nu’ng ipinresent sa akin, eto na. Ito na ‘yung hinihintay ko. Ito na ‘yung iwini-wish ko at ipinagpe-pray ko na ibigay sa akin, so ‘di ko ‘to tatanggihan,” excited na tsika ni Angelica.

Kasama ulit ni Angelica sa bagong proyektong TSN si Zanjoe Marudo, produced by ABS-CBN Studios and soon streaming on Prime Video.

Gandang-ganda raw agad si Angelica nang i-present sa kanya ang story.

Kuwento niya, “May mga nag-present na sa akin noon na parang ‘di na nila hinintay ‘yung yes or no. ‘Di na lang ako sumagot, parang naintindihan na nina Tita Cory (Vidanes) na ‘Ayaw n’ya kapag hindi siya sumagot.’

“But with this, ang hiningi ko lang is timeline. Parang ‘yun lang ‘yung sa akin. And then, parang kilalang-kilala nila ako na gusto talaga ni Angge na natsa-challenge s’ya.”

Ang iba pang cast members ng The Silent Noise ay sina Mylene Dizon, Zaijian Jaranilla, Mutya Orquia, KD Omalin, Joem Bascon, Karina Bautista, Tommy Alejandrino, Ramon Christopher Gutierrez, Joel Saracho, Junjun Quintana, Kakki Teodoro at Ralph Malibunas.

Si Onat Diaz naman ang direktor.

---

OVERWHELMED si Robb Guinto sa mga sinabing papuri ni Direk Louie Ignacio sa kanya during the intimate mediacon ng 8th Sinag Maynila Independent Film Festival (SMIFF) last Tuesday.

Pinuri ni Direk Louie si Robb dahil sa husay na ipinakita niya sa pelikula nilang Desperada, produced by LDG Productions ng talent manager na si Lito de Guzman.

Nakita raw kasi ni Direk Louie ang potensiyal na puwede siyang ihanay sa level nina Lorna Tolentino at Jaclyn Jose sa mga susunod na panahon.

Tulad daw kasi ni Robb sina Lorna at Jackie na nagsimula sa sexy roles sa pelikula, but later on ay naging mahusay na mga aktres.

Posible raw na ganyan din ang kahihinatnan ng career ni Rob dahil sa husay niya sa pag-arte.

“‘Di ko po in-expect na ganu’n ang pagkakasabi. Kasi ano naman po, on my part, ibinigay ko ang best effort ko,” pahayag ni Robb.

Pagdating daw sa mahihirap na mga eksena ay laging nariyan si Direk Louie para i-guide siya.

Ngayon pa lang ay marami na ang nagsasabing malaki ang chance ni Robb na manalong Best Actress sa 8th SMIFF this March.

“Naku, para sa akin po, bonus na lang ‘yun. Basta ang akin po, ang importante, nakapasok kami sa Sinag Maynila,” diin ni Robb.

Sobrang memorable raw para sa kanya ang Desperada. Ang dami raw nangyari sa personal at career niya nang gawin niya ang pelikula.

Una, nakapasok ang movie niya sa 8th SMIFF. Pangalawa, nakatrabaho niya si Direk Louie at ipinagkatiwala sa kanya ang napaka-challenging na role.

At pangatlo, sa Desperada sila nagkakilala at naging magkarelasyon ng leading man niya na si Yasser Marta.

Aminado naman si Direk Louie na siya ang dahilan kaya na-develop sina Rob at Yasser sa isa’t isa.

“Yes,” diretsong pag-amin ni Direk Louie. 

Aniya, “Parang ganu’n nga. Hahaha! Kasi bukod sa piniga ko sila sa pag-arte, ang mga intimate scenes na ginawa nila sa movie ang nagpatibok sa kanilang mga puso.”

Ang Desperada ay isa sa anim na official entries sa Sinag Maynila 2026 na pinamamahalaan ng founder nito at producer ng Solar Pictures na si Wilson Tieng, habang ang Sinag Maynila executive director ay ang Cannes Best Director na si Brillante Mendoza.

Ang iba pang entries ay ang All About Her (AAH) directed by Joel Lamangan, Lanaya directed by Clyde Capistrano, Pinikas ni Cris Fuego, Sweet Escape (SE) directed by Rommel C. Ricafort, at Ang Bangkay (AB) ni Direk Vince Tañada.

Magsisimulang mapanood ang anim na official entries sa Sinag Maynila mula March 23 hanggang 29 sa Gateway Cineplex, Eastwood Cinemas, Uptown Cinema Venice Grand Canal at Lucky Chinatown Cinemas.

So, there.