Sa pinag-aagawang teritoryo… China, deadma sa reklamo ng Pilipinas

ni Jasmin Joy Evangelista | October 24, 2021

Muling inisnab ng China ang mga diplomatic protest ng Pilipinas laban sa kanila.

Iginiit ng Beijing na magpapatuloy pa rin ang "law enforcement activities" sa pinag-aagawang teritoryo sa South China Sea.

"China's position on the South China Sea issue is consistent and clear-cut. It is legitimate and reasonable for China's maritime law enforcement authorities to conduct law enforcement activities in waters under China's jurisdiction in accordance with domestic laws and international laws, including the United Nations Convention on the Law of the Sea," ayon kay Chinese Foreign Ministry spokesman Wang Wenbin sa press briefing sa Beijing nitong October 21.

Matatandaang inireklamo ng Pilipinas ang panggigipit ng Chinese vessels sa mga sasakyang pandagat ng Pilipinas na nagsasagawa ng maritime patrol sa karagatang sakop ng Pilipinas.

Ayon sa DFA, mahigit 200 diplomatic protests ang isinampa nito laban sa China dahil sa "unlawful radio challenges, sounding of sirens, and blowing of horns" sa mga nagpapatrolyang Philippine vessels sa bahagi ng West Philippine Sea.

July 12, ipinadedeklarang National West Philippine Sea Victory Day

ni Ronalyn Seminiano Reonico | July 1, 2021

Nagsumite ng resolution si Senator Risa Hontiveros upang ideklarang National West Philippine Sea Victory Day ang July 12 bilang paggunita sa arbitral win ng bansa laban sa China.

Saad ni Hontiveros, "That signal victory in the Hague, it signaled that the world, under the United Nations Convention on the Law of the Sea, recognizes and with the Philippines upholds our national sovereignty in the West Philippine Sea vis-a-vis the regional giant China.

Samantala, ayon kay Hontiveros, inihain niya ang Proposed Senate Resolution No. 762 para na rin magunita ng mga Pinoy na sa ilalim ng administrasyon ni dating Pangulong Benigno "Noynoy" Aquino III napanalunan ng Pilipinas ang arbitrary court.

Aniya, "(The next generation) will not lose memory in this wave of disinformation and misinformation about our victory... para rin magunita ng Pilipino it was the late President Noy who is the father of our victory at The Hague.”

WPS at COVID-19, 'di kayang tapusin ni P-Du-30

ni Mary Gutierrez Almirañez | May 26, 2021

Pinag-usapan ng mga kritiko ang nangyaring dayalogo sa pagitan nina Pangulong Rodrigo Duterte at dating Senate President Juan Ponce Enrile hinggil sa West Philippine Sea at ang impact nito sa 2022 national election, batay sa ginanap na Pandesal forum sa Kamuning Bakery kaninang umaga, May 26.

Matatandaang naging guest speaker ni Pangulong Duterte si Enrile sa kanyang Talk to the People address nu’ng ika-17 ng Mayo, kung saan sinabi ni Enrile sa Pangulo na,

"If I were in your place, I would've done the same thing. What else can a president of this country do under our present national circumstance? You can shout, you can beat your breast, you can raise your fist. Without any back-up, that is just noise."

Dagdag ni Enrile, "Hindi natin maaasahan ang America sa mga ganitong usapin.”

Sinunod lamang ng pangulo ang payo ni Enrile, sapagkat aniya, “He was there right at the beginning. So, sa kanya ako makinig kasi sa kanya ako bilib sa utak at pag-intindi nitong problema sa ating West Philippine Sea.”

Opinyon naman ni Executive Director Ramon Casiple ng Institute for Political and Electoral Reform (IPER) sa Pandesal forum kanina, “They need to negotiate diplomatically because we can’t afford war… Last year, Australia, US, Europe, now this India, Japan, other countries, has been side already in our position.”

Matatandaan ding sinabi ng Pangulo na huwag nang pag-usapan ang tungkol sa West Philippine Sea (WPS) at ‘wag gamitin ang COVID-19 sa pangangampanya sa 2022 national election.

Ikinabahala rin nina Research fellow of Asia Pacific Pathways Foundation Lucio Blanco III Pitlo at University of Asia & the Pacific Professor Dr. Robin Michael Garcia ang posibilidad na umabot pa hanggang sa susunod na administrasyon ang usapin sa WPS at ang lumalaganap na COVID-19.

Sa ngayon ay ipinapayo sa mga botante na maging mapanuri pagdating sa botohan. Kabilang naman sa mga umiingay na pangalan sa parating na eleksiyon ay sina Senator Bong Go, Senator Manny Pacquiao at Davao Mayor Sara Duterte na puro taga-Mindanao.

Tinalakay din ni Pitlo ang posibilidad ng pagtakbo bilang pangulo ng baguhang Manila mayor na si Isko Moreno, kung saan mga taga-Luzon lamang daw ang nakakakilala rito at posibleng bumoto sa kanya pagdating ng eleksiyon.

Samantala, nakatakda namang maglabas ng survey sa Hunyo sina Dr. Garcia tungkol sa possible national candidates sa pagka-presidente, bise-presidente at mga senador.