Bagyong Jolina, Kiko at Lani, papasok sa 'Pinas ngayong Setyembre

ni Jasmin Joy Evangelista | August 31, 2021

Tatlong bagyo ang inaasahang papasok sa bansa ngayong Setyembre.

Ayon kay PAGASA weather forecaster Ariel Roxas, papangalanan ang mga ito na Jolina, Kiko at Lani.

"Wala tayong inaasahang masamang panahon na mabubuo in the next 2-3 days," dagdag niya.

Ngayong Martes ay maaari umanong magdulot ng pag-ulan ang intertropical convergence zone (ITCZ) sa Cagayan Valley, Bicol Region, Apayao, Kalinga, Aurora at Quezon.

Samantala, ang Metro Manila at iba pang lugar sa bansa ay maaaring makaranas ng pag-ulan, pagkulog at pagkidlat dahil sa ITCZ.

Palawan, babayuhin ng malakas na pag-ulan – PAGASA

ni Lolet Abania | January 3, 2021

Itinaas na sa orange rainfall warning ang buong katimugang bahagi ng Palawan kabilang ang Kalayaan Group of Islands ngayong Linggo, ayon sa PAGASA.

Sa heavy rainfall advisory ng PAGASA, ngayong alas-2:00 ng hapon, nagbabala ang ahensiya ng posibleng mga pagbaha sa mga mabababang lugar, gayundin ang maaaring landslides.

Pinapayuhan ng PAGASA ang publiko, maging ang Disaster Risk Reduction and Management Council, na patuloy na mag-ingat at mag-monitor ng kasalukuyang lagay ng panahon.

Ang inilabas na warning ay base sa kasalukuyang radar trends at meteorological data ng PAGASA.

Una nang naglabas ng advisory ang PAGASA ngayong alas-onse ng umaga ng Linggo, na ang tail-end ng isang frontal system ang nakakaapekto sa buong Southern Luzon, kung saan magdudulot ng malakas na pagbuhos ng ulan sa tinatayang 10 lugar sa bansa, kabilang ang Bicol Region, Quezon at Polillo Islands.

Makararanas din ng kalat-kalat na mahina hanggang sa katamtamang pagbuhos ng ulan sa buong Metro Manila, MIMAROPA, Visayas, Mindanao, Aurora, Nueva Ecija, Bulacan at ilang bahagi ng CALABARZON.

Todong lamig, mararanasan sa Disyembre hanggang Pebrero

ni Thea Janica Teh | November 28, 2020

Naabot ng munisipalidad ng La Trinidad, Benguet ang pinakamababang temperatura sa 9.9 degrees Celsius dahil sa hanging amihan nitong Huwebes nang umaga.

Ayon sa PAGASA weather forecaster na si Ariel Rojas, lalo pa itong bababa sa second half ng December at mas lalamig pa pagtungtong ng Enero at Pebrero na peak month ng amihan sa Pilipinas.

Samantala, sinabi ni Health Secretary Francisco Duque III na ang malamig na panahon ay hindi magkakaroon ng malaking epekto sa pagkalat ng COVID-19. Ngunit, pinaalalahanan nito ang lahat na panatilihin pa rin ang pagsunod sa minimum health standards upang maiwasan ang pagkalat ng virus.