Class suspension sa M. Mla., nakadepende sa mayor

ni Mervin Reyes @News | July 9, 2026

Photo: Mayor Fancis Zamors - FB

Nakasalalay sa mga alkalde ng Metro Manila ang desisyon sa posibleng suspensyon ng klase sa Biyernes, Hulyo 10, batay sa pinakahuling weather forecast.

Ayon kay Metro Manila Council President at San Juan City Mayor Francis Zamora, susuriin muna ng bawat lokal na pamahalaan ang lagay ng panahon sa kanilang nasasakupan bago magpasya upang matiyak ang kaligtasan ng mga estudyante, guro, at iba pang kawani ng paaralan.

Sinabi rin ni Zamora na kung kinakailangang magsuspinde ng klase, iaanunsyo ito ngayong Huwebes upang magkaroon ng sapat na oras ang publiko na makapaghanda.

#WalangPasok: Klase at gov’t offices, Setyembre 8

ni Lolet Abania | September 8, 2021

Suspendido ang klase sa ilang lugar sa bansa ngayong Miyerkules, Setyembre 8 dahil sa Severe Tropical Storm Jolina (Conson). Tinatayang nasa pitong beses nag-landfall si Jolina -- kung saan anim na beses bilang ganap na bagyo at isang severe tropical storm.

Narito ang ilan sa mga local government units (LGUs) na nagdeklarang walang pasok (online o face-to-face classes) sa kanilang lugar:

• San Juan City, Metro Manila – lahat ng levels (public at private)

• Batangas province – lahat ng levels (public at private)

• Cavite province – lahat ng levels (public at private)

• Laguna – lahat ng levels (public and private)

• Quezon province – lahat ng levels (public and private)

• Antipolo City, Rizal – lahat ng levels (public at private). Gayundin, ilang LGUs ang nag-anunsiyong suspendido ang kanilang government offices gaya ng Batangas, Laguna, Quezon Province.

Gayunman, ayon sa mga nabanggit na LGUs mananatiling operational ang kanilang health services, disaster response at iba pang kinakailangan serbisyo.

Samantala, nag-anunsiyo na rin ng kanselasyon ng kanilang klase sa Ateneo de Manila- pre-school, elementary, secondary levels at University of Santo Tomas - junior high school, Education high school, senior high school.

Patuloy naman na nagbibigay ng update ang iba pang LGUs hinggil sa suspensiyon ng klase at trabaho sa kanilang lugar dahil sa Severe Tropical Storm Jolina.

Klase sa Marikina, 1 month suspendido

ni Ronalyn Seminiano Reonico | November 16, 2020

Suspendido nang isang buwan ang klase sa lahat ng antas, pampubliko at pribadong eskuwelahan, sa Marikina City simula ngayong araw, November 16 dahil sa matinding epekto ng pananalasa ng Bagyong Ulysses.

Ayon kay Mayor Marcelino Teodoro, “unstable” ang internet sa lungsod at nasira rin ang ilang modules ng mga estudyante dahil sa pagbaha matapos umapaw ang Marikina River. Aniya, “One-month suspension [of classes] from this week, starting today (November 16) and for the next four weeks.

“Paano makakapagklase iyong mga bata maski may module at gadget siya kung nakalubog sa putik ang kanyang paa habang nag-aaral?”

Ayon kay Teodoro, prayoridad sa lungsod ang clearing and cleaning operations at kung matatagalan pa ito at lalagpas nang isang buwan, may posibilidad umanong i-extend ang suspension ng klase. Aniya,

“We need to establish a proper environment. ‘Yun ang tingin ko na kailangang-kailangan nating gawin sa ngayon.”