Cyber libel complaint vs. news site, inihain ng kampo ni Robredo

ni Lolet Abania | May 6, 2022

Naghain na si Atty. Barry Gutierrez, tagapagsalita ni Vice President Leni Robredo, ng cyber libel complaint laban sa top executives at editors ng online news site hinggil sa artikulo na naglalaman ng mga false information patungkol sa kanya at sa bise presidente.

Si Gutierrez ay nag-file ng cyber libel complaint sa Quezon City Prosecutor’s Office ngayong Biyernes laban sa writer, editors, owners, at publisher ng Journal News Online, People’s Journal, at People’s Journal Tonight, kung saan na-published noong Abril at nakasaad sa artikulo, “Communist Party of the Philippines Joma Sison claimed that he was acting as adviser to the presidential candidate and her spokesperson.”

Parehong itinanggi ng kampo nina Robredo at Sison ang naturang alegasyon.

Sa isang 18-page complaint affidavit, ang artikulo ayon kay Gutierrez ay “is without due regard for truth, propriety, and fairness.”

“The foregoing are acts that I categorically and strongly deny for these are brazen falsehoods and are nothing but outright lies and malicious prevarications,” diin ni Gutierrez.

Ayon kay Gutierrez, ang news site ay hindi nagbigay ng oras at sinikap na beripikahin ang naturang claims.

“The fact that the respondents proceeded to publish the news article and used the headline ‘Joma admits advising Leni’ even after learning that the CPP and Sison denied publishing any news item in Ang Bayan, which was allegedly the basis of the news article, is already concrete proof of the bad faith and malicious intent on the part of the respondents,” giit ni Gutierrez.

Gayundin, ang alegasyon ay layon ani Gutierrez, “denigrate Robredo’s effective election campaign.”

Sa ngayon, ang artikulo ay nakakuha ng mahigit sa 44,000 views at 100 shares.

Kabilang sa mga respondents ay sina article writer Lee Ann Ducusin, editor in chief Augusto Villanueva, associate editor Dennis Fetalino, managing editors Manuel Ces at Teresa Lardizabal, editorial consultant Reginald Velasco, news site owner PJI Web News Publishing, at publishing corporation Philippine Journalists, Inc.

Habang isinusulat ito, wala pang ibinigay na pahayag ang naturang news site.

Grupong sumusuporta kay Isko, lumipat kay Robredo

ni Jasmin Joy Evangelista | April 6, 2022

Inanunsiyo ng grupong nag-endorso sa presidential bid ni Manila Mayor Francisco “Isko Moreno” Domagoso na si Vice President Leni Robredo na ang kanilang susuportahan.

Sa isang press conference, sinabi ni Ikaw Muna (IM) Pilipinas Visayas lead convenor Nick Malazarte na si Robredo lamang ang may tsansang pigilan ang pagbalik ng mga Marcos sa kapangyarihan.

Ayon pa kay Malazarte, lumipat kay Robredo ang national leadership ng IM Pilipinas dahil hindi maganda ang resulta ng mga survey kay Moreno.

“There is a danger of the Marcoses getting back to power, that is why if we believe Yorme (Moreno) is the best, we have somebody better (Robredo) because the alternative is the worst, who is BBM (Ferdinand Marcos Jr.),” aniya.

Nakipag-ugnayan na sa kampo ni Robredo ang grupo upang ipaalam ang kanilang pagsuporta sa kampanya ng bise presidente. Nagpadala na rin sila ng sulat sa campaign manager ni Moreno hinggil sa kanilang desisyon.

Ang IM Pilipinas ay isa sa mga unang grupo na hinikayat si Moreno na tumakbo sa pagkapangulo.

Ayon pa kay Mazarte, ang naturang announcement ay napagkasunduan ng mga leader nito sa mga pagpupulong na kanilang isinagawa mula noong nakaraang linggo hanggang noong Linggo ng gabi.

Nanawagan din si Malazarte sa mga parallel organizations na sumusuporta sa ibang kandidato na mag-shift na ng suporta kay Robredo at pigilan ang pagbabalik ng Marcos sa pagiging pangulo.

Nakatakdang magsagawa ang grupo ng house-to-house campaign para kay Robredo.

Mayroong mahigit 2,000 miyembro ang IM Pilipinas sa Visayas pa lamang.

VP Leni kumpiyansang makukuha ang Cavite sa kabila ng pag-endorso ni Gov. Remulla sa Uniteam

ni Jasmin Joy Evangelista | March 5, 2022

Malaki ang kumpiyansa ni vice president at presidential bet Leni Robredo na makukuha niya ang Cavite ngayong May 2022 elections.

Ito ay sa kabila ng pag-endorso ni Cavite Governor Jonvic Remulla sa pambato ng Uniteam na sina former senator Bongbong Marcos at Davao City Mayor Sara Duterte-Carpio. Kasabay nito ay hiniling ni Remulla sa kanyang nasasakupan na ibigay ang 800,000 boto sa Marcos-Duterte tandem.

Sigaw naman ng supporters ni VP Leni, “800K minus one” — bawat isa sa kanila ay babawas sa hangad na boto para sa Uniteam, na siyang ikalawang most-vote rich province sa bansa.

Sa isang panayam, inihayag ni Robredo na siya ay confident na makukuha ang boto ng Cavite sa kabila ng pag-endorso ni Remulla sa Uniteam.

“The numbers are understandable,” ani Robredo. “Our opponent prepared hard for this while I have decided very late.”

“[Back then], I had a lot of things in 2016 that I do not have now, like endorsements of local government officials. But I have much now that I did not have back then, and that is my volunteers,” paliwanag niya sa mga reporters.