Tiamzon pinalakas ang Angels, binawian ang Galeries sa 3 sets

ni Gerard Arce @Sports News | June 30, 2025

Photo: Nagwagi ang Petro Gazz Angels sa pagwalis sa lahat ng sets laban sa Galeries Tower Highrisers sa Pool A action ng 2025 PVL on Tour. CIrculated / Premier Volleyball League (PVL)

Mga laro sa Martes

(FilOil EcoOil Centre)

4:00 pm – PLDT vs Farm Fresh 

6:30 pm – Cignal vs Creamline 

Bawing-bawi sa pagkadismayang nakuha ang All-Filipino Conference titlists Petro Gazz Angels sa pagkabigong nalasap sa unang salang sa Premier Volleyball League (PVL) On Tour matapos walisin ang Galeries Tower Highrisers sa 25-23, 25-21, 26-24 kagabi sa unang sultada sa Batangas City Sports Center sa Batangas City.

Naiwasan ng Petro Gazz na madala pa sa extended na fourth set ang laro matapos kumana ng 6-1 run sa dulo ng third set kasunod ng hataw ng mahahalagang puntos ng beteranong spiker na si Nicole Tiamzon. Mula sa 20-23 bentahe ng Galeries ay sumiklab ang apat na sunod na atake ng Petro Gazz sa pangunguna ni Tiamzon para makuha ang 24-23 na bentahe. 

Nabuhayan ang Highrisers nang maitabla ni Batangas-native Jewel Encarnacion ang laro sa 24-all, subalit agad na ibinalik ang kalamangan sa Angels kasunod ng service error para sa 24-25. 

Bumida sa iskoring si dating two-time league MVP Myla Pablo sa 14 puntos mula lahat sa atake na sinundan ng tig-10 puntos nina Mary Joy Dacoron at Jonah Sabete, na sumalo rin ng siyam na excellent receptions. 

"Well 'yung nga sabi namin wag hanapin ang wala kung sino andyan sila mag-contribute sa team kase andyan naman sila at alam nila ang bawat galaw sila sa team. Maganda naman ang performance ng bawat isa, nagkulang lang kami sa adjustment nung una, at  kailangan lang namin ng maraming communication as a team," pahayag ni Pablo sa post press-conference. Bumagsak naman sa 0-2 rekord ang Galeries na pinagbidahan ni Ysa Jimenez sa 13pts mula sa 11 kills at dalawang blocks kasama ang walong digs., habang sumegunda si Roselle Baliton sa 10 marka at Encarnacion sa siyam.

Alas Men binigo ng Chinese-Taipei, pero may tsansa pa sa 9th at 11th place

ni Anthony E. Servinio @Sports | June 19, 2025

Photo: AVC - Asian Volleyball Confederation / FB

Tumikim ng pangalawang pagkatalo ang Alas Pilipinas sa Chinese-Taipei sa pagpapatuloy ng 2025 Asian Volleyball Confederation (AVC) Volleyball Nations Cup sa Isa Bin Rashed Hall sa Manama, Bahrain.

Nagtapos ang apat na set pabor sa Taiwanese sa 25-18, 23-25, 30-28 at 25-20. Madaling nakuha ng Taiwan ang unang set subalit nagising ang mga Pinoy upang maagaw ang pangalawa. Ibinigay ni Lloyd Josapat ng 24-23 lamang ang Alas at hindi umubra ang block touch challenge na inihain ng Taiwan para maging 25-23.

Sa pangatlong set, nasayang ang pagkakataon at itinala ng Taiwan ang huling tatlong puntos upang makabawi mula sa 27-28. Hindi nakabangon ang Alas at tuluyang bumigay sa huling set. Nanguna sa Chinese-Taipei si outside hitter Chang Yu Sheng na may 22 puntos.

Sumunod si Wen Yi Kai na may 14 at Kapitan Chang Yu Chen na may 12. Ipinagpag ni Kapitan Marck Espejo ang pilay para magsabog ng 24 mula 21 atake. Tumulong si Leo Ordiales na may 15 buhat sa 13 atake.

Binigo ng Pakistan ang mga Pinoy noong Martes sa apat na set – 25-18, 25-12, 18-25 at 25-22. Napilay si Espejo sa unang set at hindi na bumalik at sinikap ng kanyang kapalit Ordiales na buhatin ang koponan sa kanyang 22 puntos.

Maglalaro na ang Alas para sa ika-siyam hanggang ika-11 puwesto simula ngayong Sabado ng hating gabi. Kasama nila sa isang round robin ang mga kulelat mula sa Grupo A at D.

Alas women mag-uuwi ng makasaysayang pilak nang talunin ng Vietnam sa AVC Cup finals

by nfo @Sports | June 15, 2025

Photo File

Matapos pa rin ang silver medal at itinuturing na gold ng Alas Pilipinas Volleyball team. Yumuko ang Alas Pilipinas women sa malalakas na players ng Vietnam, 15-25, 17-25,14-25 sa 2025 AVC womens volleyball nations cup final sa AVC Cup.

Sa wakas sa loob ng 64 na taon mula nang itatag ang National Volleyball Federation noong 1961 ay nagkamit muli ang Pinay balebolista ng medalya.

Umangat sa 19 ang kabuuang medalya ng Pinay volleyball sa International games dagdag pa ang silver medal ngayon bilang unang Asian silver medal mula nang huling magkamit noong 1997 Southeast Asian Games sa Indonesia. Nakumpleto ng Vietnam ang 3 ulit na Nations Cup C'ship. Namayani pa rin sina Tranh Thun Thuy (T4) sa 21 pts at Nguyen Tuyen sa 16 puntos. May laban pa sa Vietnam ang Alas women sa June 28 hanggang July 5.