Alas Pilipinas Men sinampolan ang Jakarta sa Invitationals

ni Anthony E. Servinio @Sports | June 11, 2025

Photo: Alas Pilipinas via Dominic Santos / Marish Rivera - Bulgar Sports Courtside Report

Nagtala ang Alas Pilipinas ng matinding panalo kontra Jakarta Bhayangkara Presisi upang simulant ng positibo ang Alas Invitationals Martes sa Araneta Coliseum.

Natapos ang hampasan sa 25-23, 27-29, 25-21 at 25-22. Nalampasan ng mga Pinoy ang huling banta ng mga Indones, 19-21, para kunin ang unang set at nagdulot ito ng positibong enerhiya. Kahit ibinigay ang pangalawang set, humabol ang Alas buhat sa 18-21 subalit nanaig ang Jakarta sa unahan lumamang ng dalawang puntos.

Kumapit ng husto para kunin ang huling dalawang set. Muntikan na ang pangatlong set kung saan inaksaya ng mga Pinoy ang 21-14 lamang bago isara ito sa 25-21. Namuno sa buwenamanong panalo si Louie Ramirez na may 25 puntos mula sa 21 atake at tatlong block. Sumuporta si Steven Rotter na may 14 at Michaelo Buddin na may 11.

Nagtala ng 20 para sa Jakarta si outside hitter Agil Angga Anggara. Nag-ambag ng 15 si Mahendra Arjuna habang 12 si Rendy Febriant Tamamilang. Susunod para sa Alas ang Hyundai Capital Skywalkers ng Timog Korea. Galing ang mga Koreano sa 22-25, 26-24, 19-25 at 21-25 talo sa pambansang koponan ng Thailand.

Lady Blazers naunahan sa Game 1 Finals ang Knights

ni Gerard Arce @Sports News | June 9, 2025

Photo: Benilde at Letran - NCAA Philippines / FB

Mga laro sa Miyerkules

(FilOil EcoOil Centre)

Finals: Game 2 (men’s division)

AU leads 1-0

11:00 am – Arellano vs Letran

Finals: Game 2 (men’s division)

CSB leads 1-0

2:30 pm – Letran vs Benilde

Lumipat sa pambihirang four-peat title run ang defending champions De La Salle-College of Saint Benilde Lady Blazers sa bisa ng 26-28, 26-24, 25-16, 25-19 4th set panalo kontra sa Letran Lady Knights sa Game 1 ng best-of-three ng 100th NCAA women’s volleyball tournament kahapon sa FilOil EcoOil Centre sa San Juan City.

Nangibabaw sa pambihirang laro si middle blocker Zamantha Nolasco sa game-high 21 puntos mula sa 12 atake, 8 blocks at isang ace para dalhin sa 1-0 bentahe ang three-peat titlists sa kanilang rematch, habang bumira ng halos triple-double si dating 97th league MVP at team captain Mycah Go ng 12 puntos, 16 excellent receptions at walong excellent digs na naghahanda sa kanyang pagpasok sa professional league matapos ang championship round.

Nalampasan ng Benilde ang unang set na pagkatalo na inabot ng 33 minuto, at ang matinding tapatan sa second set, upang makuha ang ikalawang sunod na panalo sa Letran Lady Knights na pumutol ng kanilang 43-game winning streak sa liga, nung first round ng eliminasyon.   

Sumegunda naman sa puntusan si Cristy Ondangan sa 14 puntos mula sa 12 atake at dalawang aces, habang nag-ambag rin sina Shahanna Llesses sa 10 marka, Clydel Catarig sa walo at Rhea Densing sa pito, samantalang namahagi si ace playmaker Chenae Basarte ng 16 excellent sets para kumpletuhin ang three-straight sets matapos ang pagkakadapa sa unang set.

Asam naman ng Arellano University Chiefs na makuha ang kanilang kauna-unahang kampeonato sa men’s volleyball matapos talunin ang Letran Knights sa Game 1. 

Generals at Red Spikers natakasan ang Bombers at Pirates

ni Gerard Arce @Sports News | May 8, 2025

Photo: EAC Generals Elliza Mae Alimen - NCAA Philippines IG

Mga laro sa Biyernes (EAC Gym)

12 pm – Perpetual vs SSC-R (women)

2:30 pm – Letran vs Arellano (women) 

Naiwasang mapurnada ng Emilio Aguinaldo College Lady Generals ang pinagtiyagaang panalo matapos matakasan ang masigasig na paglaban ng Jose Rizal University Lady Bombers sa 5th set sa 25-11, 27-25, 17-25, 25-27, 15-11, kasunod ng pambihirang career-high ni Elizza Mae Alimen, kahapon sa 100th NCAA women’s volleyball tournament sa FilOil EcoOil Centre sa San Juan City.

Binanatan ng Iloilo City native ang pagkamada ng mahusay na atake sa pagtala ng 27 puntos mula sa 24 atake, para pangunahan ang 62 atake ng EAC tungo sa ika-4 na panalo at 10 pagkatalo.

Nabulilyaso ang asam ng JRU na mabaligtad ang sitwasyon nang madala sa deciding set ang laro kasunod ng 3 errors sa 5th set mula sa toss error ni Jerry Lyn Laurente.

Nagkaroon ng service error si Erica Bodonal ng EAC na nagbigay ng pagkakataon sa Lady Bombers para buhay pa ang tsansa sa laro. Subalit isang masakit na service error ang natamo ni Cherish Dayame na nagsilbing senyales ng pagkapanalo ng Lady Generals.

Sumegunda sa scoring si Bedonal sa 15 puntos sa 14 attack at 12 excellent receptions, gayundin sina Jamaica Villena sa 12 marka at Cara Dayanan sa 11 puntos.

Samantala, nagwagi pagdating sa five sets ang San Beda Lady Red Spikers laban sa Lyceum Pirates sa bisa ng 25-14, 22-25, 21-25, 25-13 at 16-14 para sa 3-2 panalo.   Pinangunahan ni Janelle Bachar ang atake ng Lady Red Spikers sa itinalang game-high 22 points sa 19 attacks, 1 block, at 2 aces.