U.S. at Ukraine, nanatiling magkaalyado

ni Jenny Rose Albason @World News | July 14, 2023

Nananatili pa ring suportado ng U.S. ang Ukraine mula nang lusubin sila ng Russia. Ito ang pahayag ni U.S. President Joe Biden matapos na makipagpulong kay Ukrainian President Volodymyr Zelensky na kapwa dumalo sa pagpupulong ng North Atlantic

Treaty Organization (NATO) sa Lithuania.

Dagdag pa rito, hindi maaaring puwersahang masakop ng isang bansa ang katabing bansa nito.

Binatikos din nito si Russian President Vladimir Putin dahil tila minaliit nito ang kakayahan ng Ukraine nang kanilang sakupin noong nakaraang taon.

China, todo-deny sa cyber attack sa U.S.

ni Jenny Rose Albason @World News | July 14, 2023

Nagsagawa ng imbestigasyon ang White House hinggil sa nangyaring hacking ng ilang emails ng kanilang government agencies at organizations.

Ibinunyag ng Microsoft na galing umano sa China ang hackers na nakapag-access sa mga email accounts ng ilang ahensya sa U.S.

Ito ay kinumpirma ni U.S. National Secretary Adviser Jake Sullivan pero agad nila itong naagapan at nagsagawa na ng imbestigasyon.

Mariin naman itong itinanggi ng China at sinabi na ang U.S. ang isa sa pinakamalaking hacking empire at global cyber thief.

Giit pa ni Chinese Foreign Ministry spokesperson Wang Wenbin, nararapat umanong ipaliwanag ng U.S. ang kanilang cyber attack activities at itigil na ang pagpapakalat ng

mga maling impormasyon.

Sa panig naman ng Microsoft, nakikipag-ugnayan na sila sa U.S. Department of Homeland Security at Cybersecurity and Infrastructure Security Agency.

U.S. Pres. Biden, full support sa UK

ni Jenny Rose Albason @World News | July 12, 2023

Nananatili pa ring matatag ang samahan ng U.S. at United Kingdom. Ito ang pahayag ni U.S. President Joe Biden sa pakikipagpulong niya kina King Charles at UK Prime Minister Rishi Sunak.

Dagdag ni Biden, wala nang makahihigit pa sa solidong samahan ng U.S. at UK. Dumaan umano si Biden sa UK bago ito magtungo sa Lithuania para dumalo sa North Atlantic Treaty Organization (NATO) meeting.