DOT exec at UP law professor Oliva, nawawala

ni Lolet Abania | November 24, 2020

Nananawagan ang pamilya ng lawyer na si Ryan Oliva na nagtuturo ng Law sa University of the Philippines (UP) at chief ng Legislative Liaison Unit ng Department of Tourism (DOT) na ipaalam sa kanila ang kinaroroonan nito dahil nawawala ito simula pa noong Sabado, November 21.

Huling nakita si Oliva sa bahay nito sa Commonwealth, Quezon City nu'ng Sabado nang umaga, ayon sa kapatid na si Randy.

Si Oliva ay isang UP College of Law professor na nagtuturo rin ng Legal History at Law on Agency and Partnership.

May katungkulang ginagampanan si Oliva patungkol sa mga batas sa nasabing ahensiya, ayon sa DOT.

Tatanggalan ng pondo dahil todo-rally... UP kay P-Duterte: Being activist is not a crime

ni Ronalyn Seminiano Reonico | November 19, 2020

Pinabulaanan ng University of the Philippines ang mga akusasyon ni Pangulong Rodrigo Duterte na nagre-recruit sila umano ng mga estudyante upang makilahok sa academic strike laban sa administrasyon.

Sa naganap na public address ni P-Duterte noong Martes, binantaan niyang ititigil ang pagpopondo sa state university kaugnay ng academic strike ng mga mag-aaral sa naging kapabayaan umano ng pamahalaan sa sunud-sunod na bagyong naranasan ng bansa.

Pahayag ni UP Vice- President for Public Affairs Elena Pernia, "Ang UP, 'di nagre-recruit. We don’t recruit for the communist party. We are an educational institution. We teach, we do research, we do public service. We don’t recruit.

"The University of the Philippines has a history of being activist but we must make clear that the university is not anti-government. We are the national university."

Kung itutuloy umano ang pagtigil sa pagpopondo sa UP, napakaraming estudyante ang maaapektuhan nito.

Aniya, "We are a community of scholars dedicated for the nation's quest for development and we continue to serve our government. Many of our faculty are doing service for government agencies.

"Sayang 'yun. 'Yung kahusayan na nagagawa namin para sa bayan mismo ay malilimita."

Saad pa ni Pernia, "Kung may nagre-recruit man diyan, na nandiyan, it is not only one-sided na nagre-recruit.

"Is recruitment already a crime? Being activist is not a crime."

Samantala, nilinaw naman umano ni Presidential Spokesperson Harry Roque kay P-Duterte na ang nanawagan ng student strike ay ang mga estudyente mula sa Ateneo de Manila University at hindi sa UP.

Saad ni Roque, “He also, I think, somehow confused the proponents of this academic strike. I explained it was the Ateneo students advocating the academic strike.”

Iba’t ibang unibersidad, nagsuspinde na rin ng klase dahil sa pinsala ni ‘Ulysses

ni Lolet Abania | November 16, 2020

Nagdeklara ng mga suspensiyon ng klase sa lungsod, ilang paaralan at unibersidad dahil sa pinsalang idinulot ng Bagyong Ulysses.

Una nang nag-anunsiyo kagabi ang Pasig City at Quezon City na walang pasok mula pre-school hanggang senior high school ngayong araw at bukas. Ipatutupad naman ng Polytechnic University of the Philippines (PUP) ang “academic freeze” sa lahat ng kanilang eskuwelahan sa buong bansa, mula November 16 hanggang November 27.

Suspendido ang klase sa Bulacan sa lahat ng antas sa mga pampubliko at pribadong eskuwelahan ngayong Lunes, November 16.

Ilang unibersidad din sa Metro Manila ang mananatiling suspendido simula November 16 hanggang November 21, kabilang ang synchronous at asynchronous classes ng Ateneo de Manila University at University of Santo Tomas (UST).

Mula November 16 hanggang November 21, suspendido ang klase ng lahat ng synchronous at asynchronous pati na rin ang pagsusumite ng mga course requirements sa University of the Philippines (UP).

Mula November 16 hanggang November 21, suspended ang synchronous at asynchronous classes sa Far Eastern University High School.

Mula November 16 hanggang November 21, suspendido ang lahat ng synchronous classes sa University of the East, kabilang ang Graduate School at College of Law.

Nag-abiso naman ang De La Salle University sa lahat ng mag-aaral at guro na magkakaroon ng extension sa pagsusumite ng mga requirements.

Samantala, ayon sa Department of the Interior and Local Government (DILG), maaari pa ring magsuspinde ng klase ang mga lokal na pamahalaan kahit pa online o distance learning ang pag-aaral at ang kasalukuyang ipinatutupad na work-from-home.