Donasyong Moderna at AstraZeneca COVID-19 vaccines, darating sa Hunyo

ni Ronalyn Seminiano Reonico | May 28, 2021

Inaasahang darating sa Pilipinas sa Hunyo ang Moderna at AstraZeneca COVID-19 vaccines na donasyon ng US, ayon sa PH ambassador to US ngayong Biyernes.

Tinatayang aabot sa 80 million doses ang naturang bakuna na ibibigay nang libre sa mga kaalyadong bansa ng US kabilang na ang Pilipinas, ayon kay Ambassador Jose Romualdez.

Pahayag pa ni Romualdez, “May in-announce si President Biden na magbibigay sila ng 80 million na doses of Moderna and AstraZeneca nilang stockpile rito. In-inform ako ng White House na kasama ang Pilipinas na bibigyan nila and it will be delivered… baka this June.

“It’s actually free. It’s part of the help that they’re giving to allies, like the Philippines at saka sa ibang mga countries that really need it also. Ang sinabi sa ‘kin ng White House, kasama ang Pilipinas du’n sa first batch na ipadadala.”

Samantala, hindi naman sigurado si Romualdez kung ilang doses ng bakuna mula sa stockpile ang ibibigay sa Pilipinas ngunit aniya ay hindi ito magtatagal dahil gagamit umano ng military planes para mai-deliver ang mga ito.

Pamamaril sa US, 12 patay, mahigit 50 sugatan

ni Mary Gutierrez Almirañez | May 24, 2021

Labingdalawa ang patay, habang mahigit 50 ang sugatan sa naganap na mass shooting sa United States nitong Linggo.

Ayon sa ulat, nangyari iyon matapos ipagbawal ni US President Joe Biden ang paggamit ng ‘assault weapons’ upang hindi na maulit ang magkakasunod na barilan sa FedEx facility sa Indianapolis, sa isang office building sa California, sa grocery store sa Boulder Colorado at maging sa birthday party at ilang spa sa Atlanta.

Sabi pa ni Biden, “(I) did not need to wait another minute, let alone an hour, to take common sense steps that will save lives in the future and to urge my colleagues in the House and Senate to act."

Aniya, "We can ban assault weapons and high capacity magazines in this country once again."

Sa kabuuan nama’y mahigit 200 mass shooting incident na ang iniulat, simula nu’ng naganap ang barilan sa magkakahiwalay na lugar sa America, batay sa tala ng Gun Violence Archive.

Sa ngayon ay hindi pa rin malinaw ang nangyayaring barilan.

Covid patients sa India, sa kotse na namamatay

ni Mary Gutierrez Almirañez | May 3, 2021

Nagpadala ng pandemic aid ang iba’t ibang bansa sa India upang matulungan ang healthcare system nito laban sa lumalaganap na COVID-19.

Kabilang ang United States, Russia at Britain sa mga nag-donate ng oxygen generators, face masks at mga bakuna. Nagpadala rin ang United Kingdom ng 495 oxygen concentrators, 200 ventilators at 1,000 oxygen ventilators. Ang France nama’y nagdagdag din ng 8 oxygen generator plants at 28 ventilators na donasyon sa India.

Sa huling tala, umabot na sa 19,919,715 ang kumpirmadong kaso ng COVID-19 sa India, kung saan 16,281,738 ang mga gumaling. Mahigit sampung araw na ring magkakasunod na pumapalo sa halos 300,000 ang nagpopositibo sa naturang virus.

Samantala, 218,945 naman ang iniulat na mga pumanaw sa India at dulot ng kakulangan sa libingan ay isinasagawa na nila ang mass cremation, kung saan magkakasamang sinusunog ang katawan ng mga namatay sa COVID-19.

"People are sometimes dying in front of the hospitals. They have no more oxygen. Sometimes they are dying in their cars,” paglalarawan pa ni Germany Ambassador to India Walter J. Lindner.

Sa ngayon ay tinatayang 147,727,054 na ang mga nabakuhan sa India kontra COVID-19 at karamihan sa Indian nationals ay desperado nang mabakunahan upang hindi mahawa.