27 katao patay, 800 sugatan sa magnitude 7.0 na lindol

ni Ronalyn Seminiano Reonico | November 1, 2020

Umakyat na sa 27 ang bilang ng mga namatay sa magnitude 7.0 na lindol na tumama sa Aegean Sea na yumanig sa Turkey at Greece noong Biyernes ng hapon.

Twenty-five sa mga nasawi ay mula sa coastal areas ng Turkey habang dalawang menor-de-edad, lalaki at babae, ang namatay sa Greek island of Samos matapos mabagsakan ng gumuhong pader.

Ayon kay Mayor Tunc Soyer, 20 gusali ang gumuho sa Turkey sa siyudad ng Izmir. Tinatayang aabot naman sa 800 katao ang sugatan sa Turkey, ayon sa disaster agency ng bansa.

Nakapagtala ng 470 aftershocks ang naturang lindol kung saan 35 sa mga ito ay higit sa 4.0 magnitude. Patuloy naman ang pagsasagawa ng search and rescue operations sa mga apektadong lugar.

Ayon sa United States Geological Survey (USGS), magnitude 7.0 ang naganap na lindol at mas mababang magnitude 6.6. naman ang tala ng Turkish authorities.

4 patay sa magnitude 7.0 na lindol

ni Ronalyn Seminiano Reonico | October 31, 2020

Niyanig ng magnitude 7.0 na lindol ang Aegean Sea ngayong Biyernes na naramdaman sa Turkey at Greece, ayon sa United States Geological Survey (USGS).

Iniulat naman ng Turkish government's disaster agency AFAD ang mas mababang magnitude ng lindol na 6.6 at ang epicenter ay 17 km off coast ng Izmir province na may depth na 16 km.

Sa tala naman ng USGS, ang depth ng lindol ay 10 km at ang epicenter ay 33.5 km off coast ng Turkey.

Ayon sa ulat, may mga gumuhong gusali sa Turkish coastal city, Izmir. Pahayag ni Turkish Interior Minister Suleyman Soylu sa kanyang Twitter account, "So far, we have received information about 6 collapsed buildings.”

Saad naman ni Environment Minister Murat Kurum, "Some of our fellow citizens are stuck in the rubble.” Handa naman umano si Turkish President Recep Tayyip Erdogan na tumulong "with all the means available to our state."

Samantala, tinatayang apat na katao ang iniulat na namatay sa insidente. Itinaas din ang tsunami warning at pinayuhan ang mga residente ng Samos na lumikas matapos tumaas ang tubig sa main harbor na nagdulot ng pagbaha.

Binalaan din ang mga residente na lumayo sa mga gusali dahil inaasahan ang aftershocks sa naturang lugar.