TikTok account ng 7M kabataang users, tinanggal

ni Ronalyn Seminiano Reonico | July 1, 2021

Tinanggal ng TikTok ang account ng 7 million users na nasa 13- anyos pababa, ayon sa operator ng naturang social media app noong Miyerkules.

Inalis din ng TikTok ang 62 million videos na lumalabag sa community standards kabilang na ang mga “hateful” content, nudity, at harassment.

Samantala, ayon sa TikTok, mayroon silang safety moderation team na nagmo-monitor ng mga users kabilang na ang edad ng mga ito.

Tinatayang aabot din sa 1 billion ang users ng TikTok worldwide kaya nagiging mas maingat ang pamunuan ng naturang app sa mga content na inia-upload ng mga users at gamit ang automated systems ay nade-detect at naaalis nila kaagad ang mga offensive contents.

Saad pa ng TikTok, "Our TikTok team of policy, operations, safety, and security experts work together to develop equitable policies that can be consistently enforced.

"Our policies do take into account a diverse range of feedback we gather from external experts in digital safety and human rights, and we are mindful of the local cultures in the markets we serve."

Pagbabawal sa Chinese apps na TikTok at WeChat, ibinasura ni Biden

ni Ronalyn Seminiano Reonico | June 10, 2021

Ibinasura ni United States President Joe Biden noong Miyerkules ang executive orders ni ex-Pres. Donald Trump na naglalayong i-ban ang Chinese-owned mobile apps na TikTok at WeChat, ayon sa White House.

Naghain umano ng executive order si Trump dahil sa umano’y national security concerns laban sa paggamit ng mga nasabing mobile apps.

Ayon naman sa kampo ni Biden, imbes na ipagbawal ang paggamit ng mga naturang apps, magsasagawa umano ang pamahalaan ng "criteria-based decision framework and rigorous, evidence-based analysis to address the risks" sa mga internet applications ng ibang bansa.

Naghain na rin si Biden ng bagong executive order sa umano’y "ongoing emergency" kaugnay ng "continuing effort of foreign adversaries to steal or otherwise obtain United States persons' data."

Sa bagong order ni Biden, ipinag-utos ang pagkilala sa mga connected software applications na puwedeng magdulot ng kapahamakan sa seguridad ng Amerika at ng mamamayan, kabilang na ang mga applications na pag-aari, kontrolado at pinamamahalaan ng mga taong sumusuporta sa mga banyagang kalaban ng militar o intelligence activities, o mga kabilang sa malisyosong cyber activities, o mga applications na kumokolekta sa sensitive personal data.

Nanawagan din si Biden sa Commerce Department atbp. ahensiya na gumawa ng mga guidelines para maprotektahan ang mga sensitibong personal data.