10K plus contact tracer, nagte-training na

ni Thea Janica Teh | October 2, 2020

Umabot na sa 10,136 mula sa 55,000 na nag-apply bilang contact tracer ang na-hired ng Department of the Interior and Local Government (DILG) ngayong Biyernes.

Ayon kay Secretary Eduardo Año, nakapailalim umano sa Bayanihan 2 Law na bago matapos ang buwan ng Oktubre ay target nitong makakuha ng kabuuang 50,000 contact tracer upang makatulong sa paglaban sa COVID-19.

“Hindi tumitigil ang mga tanggapan ng DILG sa highly urbanized cities at probinsiya sa pagproseso at pagtanggap ng mga aplikante,” dagdag ni Año.

Sa ngayon ay nasa 47,000 aplikante pa ang dumadaan sa proseso at inaasahan na lolobo pa ito sa mga susunod na araw.

Samantala, sinabi naman ni DILG spokesman Undersecretary Jonathan Malaya na ang first batch ng 10,000 na na-hired ay sasailalim na sa training para sa kanilang deployment, nationwide.

“We are looking for the most fit and qualified individuals for the job dahil very challenging ang kanilang magiging trabaho for the next 3 months. Their work on the ground is crucial in our battle against COVID-19,” sabi ni Malaya.

Nauna nang sinabi ni Malaya na made-deploy ang mga contact tracer kung saan mataas ang bilang ng kaso ng COVID-19 at isa na rito ang National Capital Region (NCR).

Breath testing, dadalhin ng Go Negosyo sa ‘Pinas

ni Thea Janica Teh - @Bulgarific | September 29, 2020

Hello, Bulgarians! Pinag-uusapan na nina Presidential Adviser for Entrepreneurship at Go Negosyo founder Joey Concepcion, Israeli-based Terra Group at Black Seal Advisors ang paggamit ng breath testing sa bansa upang malabanan ang COVID-19.

Ayon kay Concepcion, marami ng paraan ang sinubukan, rapid antibody test kits, RT-PCR at pooled PCR, kaya naman, malaki rin umano ang potensiyal ng paggamit ng saliva at breath test na galing sa Israel.

Ang breath testing ay gawa ng BioSafety Technologies Ltd. sa ilalim ng Terra Group na sumisiyasat sa industrial application ng Terahertz (THz). Ang Black Seal Advisors ang tutulong upang makarating ang technology na ito sa Pilipinas.

“We are the choice of Israeli government for fast, rapid, cheaper test,” sabi ni Oren Sadiv, Chairman & CEO ng Terra Group.

Dagdag pa ni Sadiv, ang terahertz wave ay matatagpuan sa electromagnetic spectrum, ngunit ito ay “last uncommercialized segmentz” o mas lamang pa sa x-ray, infrared at UV technologies, combined!

Sa pamamagitan ng breath testing, malalaman agad sa loob lamang ng 1 o 2 araw kung ang tao ay positibo sa COVID-19. Kaya rin nitong mag-test ng halos 1,000-2,000 katao kada araw. Bukod pa rito, hindi na kinakailangan pang ma-expose ng mga medical frontliner habang nagte-test dahil madali lang itong gawin.

Kinakailangan lang humipan ng tatlong beses sa disposable breath testing tube at dito, malalaman na agad kung clear o suspected.

Bukod pa rito, dumaan na rin sa clinical trial ang BioSafety sa limang malalaking ospital sa Israel. Pagdating naman sa regulatory approval, mayroon na rin itong clearance mula sa US Food and Drug Administration at counterpart nito sa Israel noong July 2020.

Lubos itong sinuportahan ni Presidential Spokesperson Harry Roque. Aniya, “We’re still looking for a cheaper and faster alternative to RT-PCR testing...Without efficient and cheap testing, we would not know who's afflicted with COVID, and we would not know who to track and treat,” he said. “[I] believe that anything and everything that would benefit the people should be utilized on a wide-scale basis.”

Aktres na si Empress Schuck, ikakasal na!

ni Thea Janica Teh | September 29, 2020

Engaged na ang aktres na si Empress Schuck sa kanyang boyfriend na si Vino Guingona sa mismong 5th birthday ng kanilang anak na si Athalia.

Ibinahagi ni Empress ang kanilang mga litrato sa kanyang Instagram account nitong Lunes.

Aniya, “And so this day has become even more special. It's not just Athalia’s birthday anymore but also a new celebration of God’s intention. Thank you @vinoguingona for doing it on her birthday and in this special home witnessed by my whole family. Wouldn’t have it any other way. Thank you to my siblings for helping Vino arrange this, to my parents’ blessing."

Si Vino Guingona ay apo ng dati at ika-11 vice-president ng Pilipinas na si Teofisto Guingona Jr..