Miss U Philippines 2020 candidate, umaming bisexual

ni Thea Janica Teh | October 20, 2020

Inihayag ng pambato ng Cavite sa Miss Universe Philippines 2020 na si Kimberly “Billie” Hakenson na siya ay isang bisexual sa isang closed door interview nitong Linggo.

Sa isang uploaded video sa YouTube nitong Lunes, mapapanood ang pag-amin ng kandidata.

Aniya, “I’m Billie Hakenson, representing Cavite and I’m a bisexual and I’m proud to be here.”

Bukod pa rito, ibinahagi rin ni Billie sa kanyang Instagram account ang litrato at may caption na “I know who I am, I know what I can do. I will tell my story as truly as I can and I will enjoy every bit of this journey as I build myself."

Samantala, mapapanood na sa Linggo, Oktubre 25, 9:00 AM, ang coronation night ng Miss Universe Philippines 2020 na ipapalabas sa GMA-7.

Pag-IBIG Fund, magbibigay ng 6 months grace period sa pagbabayad ng loan

ni Thea Janica Teh - @Bulgarific | October 20, 2020

Hello, Bulgarians! May magandang balita sa atin ang Pag-IBIG Fund, dahil mas pinahaba na sa 6 na buwan ang pagbabayad ng mga loan, abot-kayang amortization at pagpapa-waive ng penalty sa ilalim ng special restructuring program nito para sa lahat ng home loan borrowers.

Ayon kay Secretary Eduardo D. del Rosario na siya ring Chairman ng 11-member Pag-IBIG Fund Board of Trustees at head ng Department of Human Settlements and Urban Development na nag-o-offer ang ahensiya sa ilalim ng Special Housing Loan Restructuring Program upang lalong matulungan at mapagaan ang pagbabayad ng mga loan ng mga miyembro sa panahon ng pandemya.

Sa ilalim ng programang ito, matutulungan ang mga housing loan borrower na pababain ang kanilang monthly payment sa pamamagitan ng pagpapalawig pa ng kanilang loan term, hati-hatiin ang hindi pa nabayarang loan at i-waive ang penalty.

Aniya, “We are also giving them the option to resume payment of their restructured loans by as late as March 2021. This gives them up to six months of payment relief.”

Ibinahagi naman ni Pag-IBIG Fund Chief Executive Officer Acmad Rizaldy P. Moti na maaaring mag-apply ang mga miyembro sa online para sa mas mabilis at ligtas na pagpoproseso. Hindi rin umano ito maniningil ng down payment o processing fee sa kanilang application.

Kaya naman para sa mga miymbrong gustong magpasa ng aplikasyon, maaaring bisitahin ang kanilang website sa www.pagibigfundservices.com/virtualpagibig/HLR/Restructuring.aspx. Tatanggap ng mga aplikasyon ang ahensiya hanggang Disyembre 15, 2020.

Bagyong Pepito, sa Metro Manila, Cagayan at Bicol

ni Thea Janica Teh | October 18, 2020

Isang low pressure area (LPA) ang pumasok sa Philippine Area of Responsibility (PAR) ngayong Linggo nang hapon, Oktubre 18, ayon sa Philippine Atmospheric, Geophysical and Astronomical Services Administration (PAGASA).

Sa isang online briefing, ibinahagi ng PAGASA na namataan ang LPA sa 1,035 kilometrong silangang bahagi ng Virac, Catanduanes.

Kaya naman inaasahan ang malakas na pag-ulan sa ilang lugar sa Eastern Visayas, Caraga at Davao Region sa loob ng 24 oras.

Bukod pa rito, sinabi rin ng PAGASA na maaari itong lumakas at maging bagyo sa darating na 48 oras. Ito umano ay papangalanang bagyong “Pepito”.

Samantala, makararanas din ng pag-ulan na dala ng hangin na posibleng maging sanhi ng pagbaha at lanslide sa mga sumusunod na lugar:

• Metro Manila

• Cordillera Administrative Region

• Cagayan Valley

• Central Luzon

• Calabarzon

• Bicol

Noong simula ng Oktubre 2020, pinaalalahanan na ng PAGASA ang mga Pinoy na magiging maulan sa mga darating na buwan dahil sa La Niña.