Assistance package para sa mga nasalanta ng bagyo, handog ng SSS

ni Thea Janica Teh - @Bulgarific | November 20, 2020

Hello, Bulgarians! Mula Nobyembre 27, 2020, magbubukas ng assistance package ang Social Security System (SSS) para sa mga miyembro at pensiyunado nitong naninirahan sa mga idineklara ng National Disaster Risk Reduction and Management Council (NDRRMC) na ilalim ng State of Calamity dahil sa Bagyong Rolly, Quinta at Ulysses.

Binubuo ang package na ito ng Calamity Loan Assistance Program (CLAP), Three-month Advance Pension for SS and Employees’ Compensation pensioners at Direct House Repair and Improvement Loan.

Ang pagpapasa ng aplikasyon sa CLAP at Three-month Advance pension ay hanggang Pebrero 26, 2021, habang ang Direct House Repair and Improvement Loan naman ay bukas ng isang taon.

Maglalabas ng bago at kumpletong guidelines para sa programang ito ang SSS sa kanilang Facebook Page sa Philippine Social Security System.

Sa ngayon, ang mga lugar na idineklara ng NDRRMC ay ang probinsiya ng Cavite, Catanduanes, Camarines Sur, Batangas, Oriental Mindoro, Occidental Mindoro, Marinduque at Albay; munisipalidad ng Mulanay sa Quezon; Culion sa Palawan; Banton, Concepcion at Corcuera sa Romblon at Asipulo sa Ifugao.

Para sa iba pang karagdagang katanungan, bisitahin lamang ang kanilang Facebook sa “Philippine Social Security System,” Instagram sa “mysssph,” Twitter sa “PHLSSS,” o sumali sa Viber community sa “MYSSSPH Updates.”

Pilipinas, nag-uwi ng 13 awards sa ASEAN Business Awards

ni Thea Janica Teh - @Bulgarific | November 19, 2020

Hello, Bulgarians! Sa ilalim ng pamamahala ni ASEAN BAC Philippines Chair Joey Concepcion, mula sa 53, 13 awards ang naiuwi ng Pilipinas sa 2020 ASEAN Business Awards at ito na ang pinakamalaking bilang na award na naiuwi ng isang bansa.

Matapos italaga bilang ASEAN Business Advisory Council noong 2017, sinigurado ni Concepcion na makakasama at hindi magpapatalo ang Pilipinas sa regional events at activities ng ABAC.

Sa 98 na ipinasa ng Pilipinas, 12 finalists ang nakaabot sa shortlist at kasama ng isang nominadong panalo sa ACCMSME, 13 ang panalo mula sa Pilipinas ang nakatanggap ng parangal sa ASEAN level.

“I am pleasantly surprised by the turnout indicating the strong interest of the business community to participate in the awards. ABA is an excellent platform to bring local companies up to a regional standard, increase their competitiveness, and strengthen cross-border collaboration,” bahagi ni Concepcion.

Ilan sa mga pinarangalan ay ang Potato Corner na pinangungunahan ni Jose Magsaysay, Jr. (SME Excellence-Growth Award); Motorline Trading, Inc. na pinangungunahan ni Gerald Tactay; 3D Container & Packaging Philippines Corporation na pinangungunahan ni Jaie Flores Ador at Titan Barong of Lumban na pinangungunahan ni Lumban John Titan na mga nag-uwi ng SME Excellence- Employment.

Samantala, pinarangalan din ang Stylist in Pocket Technologies, Inc. na pinangungunahan ni Sheree Roxas Chua-Gotuaco (SME Excellence- Innovation Award); Foodsphere, Inc. na pinangungunahan ni Jerome Ong (Family Business Award); Halo-Halo de Iloko na pinangungunahan ni Xavier Mercado (Inclusive Business, Knowledge Partner- ACCMSME) at marami pang iba.

Ngayong taon, naglunsad ang ABA judging panel ng bagong award category kung saan bibigyang-parangal ang mga negosyong nagbigay ng kontribusyon sa pagpugsa sa COVID-19. 3 kumpanya mula sa Pilipinas ang nakauwi ng parangal na ito kabilang ang Multisys Technologies Corporation na pinangungunahan ni David Almirol Jr., PayMaya Philippines na pinangungunahan ni Orlando Vea at Baguio-Benguet Community Credit Cooperative na pinangungunahan ni Oscar Adversalo.

Nagsimula ang taunang ASEAN Business Awards noong 2007 upang bigyang-parangal ang mga outstanding at successful ASEAN companies at entrepreneurs sa kontribusyon nito sa ekonomiya.

Lorenzana at Panelo, nagsori na kay VP Leni sa fake news

ni Thea Janica Teh | November 18, 2020

Nilinaw ni Defense Secretary Delfin Lorenzana na hindi gumamit si Vice-President Leni Robredo ng government plane papuntang Catanduanes upang mamahagi ng relief goods. Humingi rin ito ng pasensiya kay VP Leni matapos maglabas ng pahayag si Presidential Chief Legal Counsel Salvador Panelo na nakatanggap umano ito ng text message kay Lorenzana na naglalaman ng maling impormasyon.

“I requested the Philippine Air Force to confirm through their flight manifest and they reported that there was no instance that Vice-President Robredo boarded any military aircraft in going to Catanduanes,” bahagi ni Lorenzana.

Samantala, sinabi rin nito na nagkaroon ng misyon ang Air Force UH-1H helicopter na nagdala ng relief goods sa Catanduanes galing sa opisina ni VP Leni noong Nobyembre 3.

Nitong Martes, sinabi ng kampo ni Robredo na nagkakalat ng “fake news” si Panelo at nilinaw na hindi nito ginamit ang C-130 sa pagdadala ng relief goods.

Ayon naman kay Panelo, humingi na rin umano ito ng pasensiya at nilinaw na hindi totoo ang una niyang sinabi. Bukod pa rito, sinabi rin nito na ang naging reaksiyon niya ay sariling opinyon lamang.