Mga resto at malls sa Bangkok, Thailand, hihigpitan dahil sa COVID

ni Ronalyn Seminiano Reonico | June 27, 2021

Nagpatupad ng bagong restriksiyon ang Thailand matapos tumaas ang kaso ng COVID-19 sa Bangkok.

Ayon kay Prime Minister Prayuth Chan-ocha noong Biyernes, sa bagong restriksiyon, magpopokus ang pamahalaan sa mga business establishments kung saan mabilis kumakalat ang COVID-19.

Sa loob ng 30 araw, simula sa Lunes ay ipagbabawal ang dine-in sa mga restaurants sa Bangkok at limang karatig na mga probinsiya.

Isasara rin ang mga shopping malls pagsapit ng 9 nang gabi at lilimitahan sa 20 katao ang mga social gatherings.

Samantala, suspendido rin ang operasyon ng mga construction sites dahil ayon sa pamahalaan, sa mga construction camps nakapagtatala ng mataas na bilang ng kaso ng COVID-19.

Thai prime minister, ‘di nag-facemask, pinagmulta

ni Ronalyn Seminiano Reonico | April 27, 2021

Pinagmulta ng awtoridad ang prime minister ng Thailand na si Prayut Chan-O-Cha matapos kumalat sa social media ang larawan nitong walang suot na facemask sa dinaluhang meeting noong Lunes.

Mismong si Bangkok Governor Aswin Kwanmuang ang nagsampa ng reklamo laban sa prime minister upang pagmultahin ito ng halagang 6,000 baht ($190).

Aniya, "As Bangkok governor, I filed a complaint against the prime minister who accepted the fine.”

Samantala, patuloy ang pagbaba ng kaso ng COVID-19 sa Thailand at mahigpit pa ring ipinagbabawal ang operasyon ng mga cinemas, parks, gyms, swimming pools, spas, atbp..

Ipinagbabawal din sa Thailand ang pagbubukas ng mga bars at nightclubs, maging ang pagbebenta ng alak sa mga restaurants.

GIF ni Roque, ginamit sa Thailand sa kampanya vs COVID-19

ni Thea Janica Teh | December 20, 2020

Nagsalita na si Presidential Spokesperson Harry Roque matapos ilabas at gamitin ng isang foreign publication ang kanyang mukha bilang GIF.

Ang Thai Enquirer ay isang online news portal na based sa Thailand ang nag-post nitong Disyembre 19, 2020 ng GIF ni Roque at may caption patungkol sa kampanya ng Thailand sa pagsusuot ng face mask, paghuhugas ng kamay at pagpapanatili ng social distancing sa panahon ng pandemya.

"It is encouraging that foreign media, particularly Thai Enquirer, has taken notice of the Philippine government's Minimum Public Health Standards Advocacy Campaign of wearing a face mask, washing of hands, and maintaining a physical distance, which is known locally as 'Mask, Hugas, Iwas'," sabi ni Roque.

Dagdag pa ni Roque, isa umanong magandang sign na nakaabot internationally ang kampanya ng Pilipinas sa pagpuksa sa COVID-19 dahil ito ay epektibo.

Samantala, matapos i-post ng Thai Enquirer ang GIF ni Roque, muli itong nag-post at sinabing hindi nila kilala si Roque. Ginamit lang umano nila ang GIF dahil si Roque umano ay “round and Asian.”