Aktor, ‘wag daw husgahan… YASMIEN: WALANG MASAMA SA PAGSASAYAW SA GAY BAR NI MARK

ni Erlinda Rapadas @Teka Nga | Feb. 11, 2025

Photo: Yasmien at Mark - Instagram

Sa isang panayam ni Yasmien Kurdi sa ilang media people, ipinagtanggol niya si Mark Herras na naba-bash ngayon dahil lang sa pagsayaw sa isang gay bar. 

Para kay Yas, wala namang masama sa ginawa ni Mark dahil trabaho ‘yun na kanyang tinanggap upang itaguyod ang kanyang pamilya. 

Walang inaagrabyadong sinuman ang Kapuso actor, wala siyang niloko at tinapakan, kaya hindi dapat hinuhusgahan agad ang pagkatao nito.

Si Mark Herras ay ka-batch ni Yasmien sa StarStruck 1 at pumasok sila sa Grand Finals. Sina Yasmien at Rainier Castillo ang naging first runner-up, at sina Jennylyn Mercado at

Mark Herras ang itinanghal na Ultimate Female & Male StarStruck Survivors.

Halos 20 years nang nasa bakuran ng GMA-7 si Mark Herras at nabigyan ng maraming shows. Medyo dumalang lang ang kanyang projects noong panahon ng COVID pandemic, pero naka-survive naman siya. 

Nang magkaroon na ng pamilya, sineryoso na ni Mark ang kanyang career. Lahat ay ginagawa niya upang magkaroon ng extra income dahil buntis ang kanyang karelasyon sa kanilang 2nd baby.

Kaya naman nakikiusap si Yasmien Kurdi sa mga bashers na huwag basta husgahan ang pagkatao ni Mark Herras. Trabaho at pagdamay ang kailangan ngayon ng dating Kapuso actor.

---

Ipinabura na raw ni Philmar Alipayo ang kanyang controversial matching tattoo sa Swiss girl na sinasabing best friend niya kung saan ang nakasulat sa kanilang braso ay “224” na ang ibig daw sabihin ay “2day, 2morrow and 4ever”.  

Kasabay din nito ang pagbubura naman ni Andi ng kanyang mga cryptic posts sa social media tungkol sa girl best friend nga ni Philmar na si Pernilla Sjoo.  

May mga larawan din na lumabas sa social media, kung saan makikitang dumating sa Siargao ang lolo’t lola ni Andi na sina Eddie Mesa at Rosemarie Gil. Magkakasama silang nag-lunch at nandu’n din si Ellie plus ang dalawa pang anak nina Andi at Philmar na sina Lilo at Koa. 

It seems na namagitan na sa problema nina Andi at Philmar sina Eddie at Rosemarie upang hindi tuluyang mauwi sa paghihiwalay ang dalawa.

Pero, dismayado ang mga netizens kay Philmar dahil iginigiit pa rin nito na nagseselos lang si Andi sa girl best friend niyang si Pernilla. Wala raw siyang kasalanan at pagkukulang. Kailanman ay hindi siya nag-cheat kay Andi. 

Well, si Andi na rin ang magdedesisyon kung muli pa niyang patatawarin si Philmar upang manatiling buo ang kanilang pamilya. 

Pero payo ng ilang kaibigan, dapat ay mag-set din si Andi Eigenmann ng boundaries at alamin kung hanggang saan lang ang kaya niyang tiisin sa piling ni Philmar. Matuto na siyang magtira para sa sarili at ipakita sa mister ang kanyang tough side.

---

Para sa Kapuso actor na si Paolo Contis, hindi siya naniniwala na walang malisya ang ‘girl best friend relationship’.

Ayon sa kanya, ang mga lalaki, in general, ay iba ang nararamdaman kapag sobrang lapit nila sa isang kaibigang babae. Hindi ‘yun normal dahil ang mga lalaki ay mas gustong makasama ang kapwa lalaki bilang tropa. Mas komportable sila kapag lalaki ang kasama sa gimmick at happenings.  

At weird kung sa kaibigang babae magko-confide ang isang lalaki ng kanyang mga personal na problema — lalo na pagdating sa usaping pampamilya.

Kaya nang mag-guest si Paolo Contis sa podcast nina Tuesday Vargas at Buboy Villar na Your Honor (YH), nagkatuksuhan nang sagutin niya ang tungkol sa girl best friend issue.

Naging topic ito sa showbiz dahil sa hiwalayang Andi Eigenmann at Philmar Alipayo, kung saan involved ang isang Swiss girl na BFF daw ng surfer.

Lalaki si Paolo Contis, kaya alam niya ang diskarte ng mga lalaking lapitin ng chicks. Hindi man daw aminin ni Philmar Alipayo, tiyak na nagkaroon din ito ng feelings para sa kanyang girl best friend.

‘Di pa kuntento sa korona… WINWYN, JOIN ULI SA MISS UNIVERSE PHILS.

ni Erlinda Rapadas @Teka Nga | Feb. 10, 2025

Photo: Winwyn Marquez - Instagram

Maraming netizens ang nagtatanong kung bakit sasali pa sa Miss Universe PH si Winwyn Marquez gayong may korona na siya bilang 2017 Reina Hispanoamericana?

Hindi ba siya proud sa una niyang titulo bilang beauty queen?  

Sa totoo lang, hindi ganoon kadali para kay Winwyn ang kanyang desisyon na sumali sa Miss Universe PH. Pero sa dami ng kanyang kaibigan na nag-push sa kanya, naengganyo si Winwyn na sumali sa Miss Universe PH. Pinaghandaan niya nang husto ang mga trainings sa iba’t ibang aspeto.  

Ayaw niyang maramdaman ang regrets, pagsisisi, at panghihinayang kapag hindi niya sinubukan ang karanasang maging kandidata sa Miss Universe PH beauty pageant. 

Kaya para tuluyang maalis ang kanyang agam-agam, susubukan niya ang kanyang magiging kapalaran sa Miss Universe PH.  

At dito, suportado si Winwyn ng kanyang pinsan na si Michelle Dee, na dating Miss Universe PH winner. Tiyak na binigyan din ni Michelle ng tips si Winwyn kung ano ang gagawin upang mapansin ng mga judges.  

Physically, mentally, at emotionally fit si Winwyn Marquez sa kanyang pagsabak sa Miss Universe PH pageant.

---

Swiss girl na BFF daw ng mister, pangalawa na lang… ANDI AT PHILMAR, NAGHIWALAY NA RIN NOON DAHIL SA IBANG BABAE

BUGBOG-SARADO ngayon sa mga bashers ang surfer na si Philmar Alipayo dahil sa isyu ng pagkakaroon ng third party. 

Mismong si Andi Eigenmann na ang nagsalita at nag-post sa kakaibang relasyon ni Philmar at sa babaeng diumano ay best friend niya.

Nasagad na ang pasensiya ni Andi nang malaman niyang sabay na nagpa-tattoo si Philmar at ang Swiss lady photographer na si Pernilla Sjöö. Magkapareho ang kanilang tattoo na “224”. 

Taong 2013 pa ay magkakilala na raw sina Philmar at Pernilla, na may asawa’t anak din. May mga kaibigang celebrities din si Pernilla tulad nina Derek Ramsay, Donny Pangilinan, at iba pa na madalas bumisita sa Siargao. 

Feeling ni Andi ay inahas ni Pernilla ang kanyang karelasyong si Philmar. 

Marami naman ang nagsasabing mabuti na lang at hindi natuloy ang kanilang pagpapakasal ni Philmar dahil chickboy ang surfer. Dati na rin daw nagkahiwalay noon sina Andi at Philmar dahil din sa isang babae. Pero alang-alang sa kanilang mga anak na sina Lilo at Koa ay pinatawad ito ni Andi E. at binigyan ng second chance.

Ngayon ay inaabangan ng lahat kung mapapanindigan ni Andi ang pakikipaghiwalay kay Philmar Alipayo. Kung nabubuhay lang ang aktres na si Jaclyn Jose, tiyak na hindi ito papayag na balikan ni Andi ang lalaking tulad ni Philmar na marupok at babaero. 

Kakayanin naman ni Andi na buhayin ang dalawang anak nila ni Philmar, at puwede pa niyang balikan ang kanyang showbiz career.

---

Kasamang businessman, nagsalita na…

MARK, PINAGSAYAW SA HOTEL, NAG-CASINO PAGKATAPOS

NAGBIGAY na ng paliwanag at clarification sa media ang singer-businessman na si Jojo Mendrez tungkol sa kumalat na tsismis na nakita silang magkasama ni Mark Herras sa Okada Hotel at nag-casino pa.

Inamin ni Jojo na totoong nagpunta siya sa nasabing hotel upang makipagkita kay Mark Herras para sa isang offer. Kasama noon ni Mendrez ang kanyang handler, manager, atbp.. Ang pakay nila ay alukin si Mark Herras para sa content at TikTok ng bago niyang single na Somewhere in My Past.

Kumuha sila ng room sa hotel upang doon gawin at kunan ang pagsasayaw ni Mark para sa kanta at nang matapos na ni Mark ang pagsasayaw ay nagkayayaan silang mag-casino. Nanalo pa si Mark ng P60,000.

Maaga raw umuwi si Jojo Mendrez at naiwan si Mark at mga kasama sa casino. 

Well, lahat ng kilos at kaganapan sa buhay ngayon ni Mark ay inaabangan at sinusubaybayan ng lahat. 

May ilang gay bars ang gusto na ring kunin si Mark Herras upang makakuha ng pansin at ma-promote ang kanilang negosyo.  

Sana naman, dumagsa rin ang TV guestings upang maayos na makapagtrabaho si Mark para sa kanyang pamilya.

Last BF, 2 yrs. nagsama, naghiwalay din… VINA, AYAW NA SA AFAM NA BF

ni Erlinda Rapadas @Teka Nga | Feb. 9, 2025

Photo: Vina Morales - Instagram

Ipinahiram lang pala ng ABS-CBN (Star Magic) si Vina Morales sa GMA Network, kaya magbibida ito sa bagong seryeng Cruz vs. Cruz (CVC) kasama si Gladys Reyes. 

Hindi pumirma ng kontrata si Vina sa Kapuso Network at per project lang ang appearance niya rito.  

Ganunpaman, masaya pa rin si Vina dahil makakatrabaho niya ang ilang Kapuso stars na dati niyang kaibigan, tulad na lang ni Gladys Reyes na kagrupo niya dati sa That’s Entertainment (TE).

Single pa rin ngayon si Vina at kabe-break lang nila ng boyfriend niyang AFAM na si Andrew Kovalcin. Dalawang taon silang naging magkarelasyon. 

Marami rin namang naging suitors si Vina Morales. Nagkaroon siya ng anak sa businessman na si Cedric Lee, si Ceana, na ngayon ay 16 years old na.  

Sa estado ng buhay ni Vina ngayon, pangarap pa rin daw niya ang makasal sa lalaking gusto niyang makasama habambuhay. Hindi pa naman siya hopeless case sa kanyang love life, darating din ang kanyang Mr. Right sa tamang panahon, pero hangga’t maaari, ayaw na niyang umibig at makipagrelasyon sa isang AFAM. Ang gusto pa rin niyang mapangasawa ay isang Pinoy.

---

IPINAGMAMALAKI ni Sen. Bong Revilla, Jr. ang action seryeng Tolome! Walang Matigas na Pulis sa Matinik na Misis (TWMNPSMNM) Season 3, na magtatapos na ngayon. 

Hindi nila tinipid ito, at action-packed ang bawat episode. Maihahalintulad daw ito sa isang malaking action movie dahil sa laki ng production cost.

Ginastusan nang husto ang lahat ng aspeto, at ibinigay din ng buong cast ang kanilang effort upang lumabas na maganda ang mga eksena. 

At sa sobrang excitement ni Sen. Bong sa kanyang ginawang action scenes, nakalimutan niya ang kanyang injured legs. Nagawa pa rin niya ang buwis-buhay na pagsagip sa kanyang asawang si Gloria (Beauty Gonzalez), na kinunan sa ilalim ng dagat.  

Masaya at magaan ding katrabaho ang cast ng TWMNPSMNM tulad nina Niño Muhlach, Dennis Padilla, Leo Martinez, Carmi Martin, Jestoni Alarcon, Mae Bautista, atbp.. May special guest appearance rin ang GMA Primetime Princess na si Jillian Ward.  

Para kay Sen. Bong Revilla, Jr., itinaas nila ang antas at level ng paggawa ng isang action-serye sa telebisyon tulad ng TWMNPSMNM upang ma-appreciate ng mga viewers. Para na rin silang nanood ng isang malaking action movie.

---

DAHIL sa nangyaring insidente sa event ng isang award-giving body, muling napansin at nabuhay ang career ng veteran actress na si Eva Darren. Nagkasunud-sunod ang kanyang TV guestings, at nasama siya sa cast ng isang bagong serye. Muli siyang nakilala at naalala ng lahat. 

Maraming senior stars ang nakisimpatya sa kanya, at bumuhos sa social media ang suporta ng mga netizens. Kaya naman, marami ang natuwa para kay Eva nang kunin siya sa commercial ng isang malaking fastfood chain.

Bongga ang concept ng nasabing commercial, at tiyak na makaka-relate rito ang mga senior citizens. 

Maraming sikat na senior stars ang tinalbugan ni Eva sa pagkakapili sa kanya na lumabas sa commercial ng sikat na fastfood chain.

Napahiya man siya noong isnabin ng isang award-giving body, dobleng blessings naman ang dumating sa kanyang buhay! 

Napapa-‘SANA ALL!’ na lang ang ibang senior stars sa suwerteng dumating kay Eva Darren.

---

BIYUDA na rin ang dating aktres na si Jackie Aquino (pinsang buo ni Kris) at naging GF ni Roderick Paulate. Pumanaw na ang kanyang mister na si Mark Vincent Gavino, na isang design consultant. May dalawa silang anak na babae.  

Hindi na aktibo sa paggawa ng pelikula si Jackie, pero may show siya sa Net25. 

Matatandaang naging karelasyon siya noon ni Roderick Paulate (Dick), pero nagkahiwalay din. Ganunpaman, they remained good friends at nagkukumustahan pa rin.

Nagkita raw sila ni Dick recently, at alam nito na biyuda na siya. 

Articulate at matalino si Jackie Aquino, tama lang na magkaroon siya ng TV show.

Sayang nga lang at tumigil siya sa pag-aartista nang siya ay mag-asawa na.

Sa pagkakaalam namin, nag-aral din siya ng Law, pero hindi niya nagawang tapusin.