Todo-deny sa kanila ni Moira… SAM, CHICKBOY KAYA NAUDLOT ANG KASAL

ni Erlinda Rapadas @Teka Nga | Feb. 24, 2025

Photo: Sam Milby - IG

Hanggang ngayon ay isang malaking katanungan sa marami kung ano ang tunay na dahilan ng paghihiwalay ni Sam Milby at ng kanyang GF na beauty queen.

Walang sinuman sa kanila ang gustong magsalita kung bakit umabot sa breakup ang lahat, ganoong nakatakda na ang kanilang kasal.

Ayon na rin kay Sam Milby, walang third party involved. Nauna na niyang itinanggi na nagkaroon siya ng kaugnayan kay Moira.

Pero, may ilang nakakaintrigang isyu na pinagpipiyestahan ngayon ng mga Marites. May nagsasabi na umiral ang pagiging chickboy ni Sam, kaya umatras magpakasal. 

Gayunpaman, hindi maitatago nang matagal ang anumang sikreto dahil lalabas din ang totoo.

Isang certified na chickboy si Sam. Katunayan nga, sobrang dinamdam ni Anne Curtis ang breakup nila noon dahil four years ding tumagal ang kanilang relasyon. Si Sam Milby daw ang nagdesisyong makipaghiwalay.

---

Ka-level ng mga pulitiko…

BULLETPROOF CAR NI COCO, P34M, KAY VICE, P17M NAMAN

Coco Martin at Vice - FB

DAHIL umiinit na ang kampanyahan ngayon ng mga kandidato para sa midterm elections sa Mayo, ang sipag-sipag na nilang umikot sa iba’t ibang key cities upang humingi ng boto. 

At dahil sila ay mga high-profile personalities, bukod sa mga bodyguards, may mga gamit din silang bulletproof na sasakyan upang makatiyak ng kanilang kaligtasan. 

Nangunguna sa mga celebrity politicians na may bulletproof na sasakyan sina Manny Pacquiao, Raffy Tulfo, Willie Revillame at Chavit Singson (na nag-back-out na sa pagtakbong senador). 

Bukod sa mga nabanggit na pulitiko, ang pinakamayamang artista ng ABS-CBN na sina Coco Martin at Vice Ganda ay nagmamay-ari rin ng mamahaling bulletproof na sasakyan. 

Ang armored car na INKAS Armored ni Coco Martin ay nagkakahalaga ng P34 M, samantalang ang TESLA Cybertruck ni Vice Ganda ay P17M ang halaga.

Well, bukod sa ibinibigay na proteksiyon ng mga sasakyang bulletproof sa mga celebrities, isa rin itong status symbol ng mga artista.

At patunay din na sina Coco Martin at Vice Ganda ang super-rich na artists ng Kapamilya Network.

---

MAKAKABUTI para kay Mavy Legaspi ang pagkakapili sa kanya upang madagdag sa mga hosts ng PBB Collab Celebrity Edition. Matututo siyang makipag-blend sa iba pang hosts at lalawak ang kanyang karanasan.

For sure, paghahandaan ito ni Mavy kung ito na ang fit sa kanyang linya para magkaroon ng stable na showbiz career.

Bago maabot ni Mavy ang tagumpay, kailangang patunayan na isa siyang seryosong aktor. At malaki ang maitutulong ng kanyang parents na sina Carmina Villarroel at Zoren Legaspi upang alalayan siyang maabot ang kanyang goal bilang isang host-celebrity.

NADINE, FREE LANG DAW ANG PAG-EENDORSO KAY DE LIMA, BINASH NG NETIZENS

ni Erlinda Rapadas @Teka Nga | Feb. 23, 2025

Photo: Leila De Lima at Nadine - Instagram, ML Partylist

May ilang netizens ang namba-bash ngayon kay Nadine Lustre dahil sa lantaran niyang pagsuporta kay dating Senador Leila de Lima na kumakatawan ngayon sa Mamamayang Liberal Partylist (ML). 

Kaya lang daw tumutulong si Nadine sa nasabing partylist ay dahil sa malaking ibinigay na bayad sa kanya ng ML. Hindi raw totoong kusa at walang bayad niyang tinutulungan at sinusuportahan ang dating senador.

Well, wala namang balak si Nadine Lustre na ipagtanggol ang kanyang sarili sa maling akusasyon ng mga bashers.

---

Lahat gagawin, dedma sa bashers…

IPE, TODO-SAYAW SA KAMPANYA MANALO LANG NA SENADOR

Ratsada na ngayon ang mga kandidato sa kanilang pangangampanya sa iba’t ibang posisyon. Umiikot sila sa mga lalawigan at nanunuyo upang makakuha ng boto.

Sa mga campaign rallies ay agaw-pansin ang ilang celebrities na kumakandidato tulad nina Sen. Bong Revilla Jr., Lito Lapid, Willie Revillame, Phillip Salvador, Bayani Agbayani, atbp..

May kani-kanya silang diskarte sa pangangampanya. Pero, ang kadalasang natatandaan ng mga tao ay mga kandidatong sikat na artista.

Marami ang naaaliw sa mga kandidatong ito dahil kumakanta, sumasayaw at nagko-comedy kapag nasa mga campaign rallies, tulad nina Sen. Bong, Sen. Lapid at Phillip.

Si Ipe (palayaw ni Phillip), marami ang hindi makapaniwala na kaya pala niyang sumayaw kapag nasa stage. Talagang sineryoso niya ang pagpasok sa political arena. At kahit na may ilang personal na isyu na ibinabato sa kanya, natutunan ni Phillip na tanggapin ang mga kritisismo sa kanya ng lahat. 

Kahit na ano pang paninira ang ipukol sa kanya ng mga bashers, hindi niya hahayaan na sirain ang kanyang imahe sa publiko.

Taas-noo niyang sasabihin na wala siyang taong inapi, inagrabyado at niloko.

---

NA-ENJOY nang husto ni Barbie Forteza ang kanyang pagbabakasyon sa South Korea na nag-iisa. Kinunan niya ng pictures ang bawat magagandang tanawin na kanyang pinupuntahan.

Feel na feel ni Barbie ang kakaibang excitement at kaligayahan sa kanyang pagbabakasyon bilang bahagi ng kanyang ‘solo’ era. Hindi siya nakakaramdam ng kalungkutan.

Bagong adventure at experience ito para kay Barbie. Nagkaroon siya ng oras na makapag-isip-isip sa mga kaganapan sa kanyang buhay.

Suportado naman ng pamilya at mga tagahanga ni Barbie ang kanyang solo journey kapag bumibiyahe abroad. Isa rin itong paraan upang makapag-recharge ang aktres bago sumabak sa bago niyang project sa GMA-7. Magiging abala na naman siya sa kanyang pag-iikot sa mga regional shows ng kanyang TV network. 

It seems hindi naman gaanong ramdam ni Barbie Forteza ang breakup nila ni Jak Roberto. Nagsilbing therapy ng aktres ang pagiging busy sa kanyang career.

Bukod pa ‘yung kasama ang 2 anak… MARIAN, NAKA-30 ENDORSEMENTS SA ISANG TAON LANG

ni Erlinda Rapadas @Teka Nga | Feb. 22, 2025

Photo: Marian Rivera - Instagram

Marami ang nagtatanong kung kailan magbabalik sa telebisyon ang Primetime Queen na si Marian Rivera. 

Sa isang mediacon ay nabanggit niyang ngayong 2025 ay magbabalik na siya at muling lalabas sa isang serye ng GMA-7, pero wala pang ibinigay na detalye kung ano’ng project at kung kailan ito uumpisahan. 

May balitang posibleng sila ni Dingdong Dantes ang magtatambal sa bagong serye, inaayos lang ang kani-kanilang schedule ngayon. 

Medyo malalaki na ang dalawa nilang anak na sina Zia at Sixto, kaya maaari nang mag-full-time si Marian sa kanyang career. 

At kahit hindi siya napapanood ngayon sa telebisyon, in-demand pa rin bilang product endorser si Marian. Malaki pa rin ang tiwala sa kanya ng mga advertisers dahil ang sipag ni Marian na mag-post sa social media ng kanyang mga daily activities na pinagkakaabalahan at malaki pa rin ang kanyang following.

Ngayong 2025, 30 endorsements ang kanyang tinanggap bilang solo endorser. Iba pa ‘yung endorsements na kasama ang kanyang mga anak na sina Zia at Sixto. 

Well, new look ngayon si Marian Rivera dahil nagpaiksi ng buhok. Bumagay naman sa kanya at bumata siyang tingnan.

---

ISA sa mga talents na maipagmamalaki ni Rayver Cruz ay ang husay niya sa pagsasayaw. Madalas ay partners sila sa paghataw ng kanyang Kuya Rodjun. Pero, marunong ding kumanta si Rayver dahil mga singers ang angkan ng mga Cruz. 

Nang mapadpad si Rayver sa GMA Network at ipinareha siya kay Julie Anne San Jose, natuto na rin siyang mag-host ng talent show tulad ng The Clash (TC). Swak sila ni Julie Anne bilang tandem as singer-performer sa programang All-Out Sundays (AOS). 

Ganunpaman, gusto rin ni Rayver na mahasa ang kanyang acting skills. Ayaw niyang malimitahan ang kanyang talento sa pagsasayaw at pagkanta lamang. At nagbunga naman ng maganda ang kanyang pagsisikap na mahasa sa pag-arte. 

Katunayan, nanalo siyang Best Actor dahil sa kanyang mahusay na pagganap sa afternoon soap ng GMA-7, ang Asawa ng Asawa Ko (ANAK). Isang award-giving body ang kumilala sa kanyang talento bilang aktor, kaya labis ang pasasalamat ni Rayver Cruz sa karangalan at pagkilalang ipinagkaloob sa kanya.

Wish naman ng mga JulieVer fans, sana ay magkasama sina Julie Anne at Rayver sa isang magandang serye upang mag-level-up pa ang kanilang galing sa pag-arte.

---

KAHIT consistent na mataas ang ratings at tinatangkilik ng libu-libong viewers ang sitcom na Pepito Manaloto: Tuloy ang Kwento (PM:TAK), hindi tumigil ang creative team ng show, sa pangunguna ni Michael V., upang mag-isip ng magagandang ideas at napapanahong kuwento para sa bawat episode na ipapalabas nila tuwing Sabado. 

Kaya kahit ang mga GenZ ay makaka-relate at maaaliw sa panonood ng PM. 

Ang maganda pa, dahil sa tagal ng pagsasama ng buong cast ng PM, para na rin silang isang malaki at masayang pamilya. Excited ang lahat na magtrabaho dahil masaya ang ambiance sa set. 

Ang PM ay magse-celebrate ng 15th anniversary ngayong 2025. Kaya ito ay pinaghahandaan nina Michael V., Manilyn Reynes, Nova Villa, Chariz Solomon, Jake Vargas, Mosang, atbp.. 

Magiging espesyal ang mga susunod na episodes ng PM. Marami ang naaliw sa Valentine episode kaya lagi itong pinapanood tuwing Sabado ng gabi sa GMA-7. 

Well, pangako ng cast ng PM na “more tawa at more saya” ang ibibigay nila sa mga loyal viewers ng GMA show.

---

USO na naman ang concert ngayon. Handa nang gumastos ang mga mahihilig manood ng concert-shows ng mga sikat na singers-performers.

Kaya, na-inspire rin na muling bumalik sa center stage ang ilang mga singers tulad nina Gary V., Martin Nievera, Pops Fernandez, Ogie Alcasid, Regine Velasquez, Sharon Cuneta, Zsa Zsa Padilla, atbp.. 

Maging ang ilang singers noong ‘80s at ‘90s ay muling magpapasaya sa kanilang mga dating tagahanga, tulad ni Miriam Pantig na sumikat noong late ‘80s. 

Isang one-night only concert ang gaganapin ngayong Sabado sa Teatrino Greenhills para sa isang post-Valentine concert titled Flashbacks and Grooves (FAG). 

Special guests dito sina Patricia Javier, Token Lizares, Ryan Englis, kasama ang Moving Fingers Band. Part ng proceeds ay ibibigay sa charity.