Nasobrahan sa retoke… YNEZ TUMABINGI NA ANG MUKHA, ‘DI NA MAKILALA

ni Erlinda Rapadas @Teka Nga | Mar. 6, 2025

Photo: Ynez Veneracion sa Mga Batang Riles

Bumuhos ang batikos kay Ynez Veneracion ng mga bashers dahil sa kakaiba niyang hitsura ngayon. Nasobrahan daw sa pagpaparetoke ang dating sexy star kaya halos tumabingi na ang mukha.

Sabi pa ng mga viewers ng Mga Batang Riles (MBR), halos hindi na makilala si Ynez sa bago niyang hitsura. 

Aminado naman si Ynez na marami nga siyang ipinaretoke sa kanyang mukha.

Ang siste, hindi nga raw ito nakatulong upang gumanda ang kanyang hitsura.

Gayunpaman, tanggap na niya ang mga panlalait sa kanya. 

Makulay ang love life ni Ynez at marami ang nagtatanong kung bakit hindi sila nagkatuluyan ng dating karelasyon na si Mon Confiado. 

Sa interview sa kanya ni Ogie Diaz, hindi malinaw ang naging pahayag ni Ynez sa estado ng kanyang love life ngayon, pero mukhang ang kanyang pagbabalik-showbiz ang dahilan kaya wala siyang love life. 

Well, ang daming mga artistang nagnanais na magkaroon ng TV show ngayon. Masuwerte pa rin si Ynez dahil nabigyan siya ng pagkakataong makasama sa MBR.

---

MINANA ni KC Concepcion ang galing ng kanyang Mama Sharon Cuneta sa paghawak ng pera. Bukod kasi sa sariling pera na naipon ay may sarili na rin siyang jewelry business at nakapagpundar na ng mga properties. 

Sa halip na bumili at mangolekta ng mga luxury bags na milyones ang halaga, sa real estate properties siya nag-i-invest. 

Kamakailan lang ay bumili si KC ng isang prime property sa San Vicente, Palawan. Boom ang turismo ngayon sa Palawan, kaya tiyak na kikita siya sa kanyang investment.

Maging ang hilig ni Sharon sa mga jewelries ay minana rin ni KC at ginawa niya itong negosyo. Siya mismo ang nagde-design ng mga jewelries na kanyang ibinebenta.

For sure, proud na proud si Megastar sa kanyang panganay, hindi man sila madalas na nagkakasama. 

Well, alam ni Shawie na nasa tamang landas si KC at madiskarte sa buhay. Wala na siyang dapat na ipag-alala pa.

---

AYON sa ilang malalapit na kaibigan, sobrang lalim ng friendship na nabuo kina Lito Lapid at Coco Martin simula nang magkasama sila sa seryeng Ang Probinsyano (AP) na nasundan pa sa Batang Quiapo (BQ), at kahit na magkaiba pa sila ng generation, sobrang close sila. Aakalain mo ngang mag-ama sila kung magturingan. 

Malaki ang respeto ni Coco kay Supremo Lito. Pinakikinggan niya ang mga payo ni Sen. Lapid kapag tungkol sa trabaho nila sa BQ ang pinag-uusapan. Kaya naman, all-out ang suporta ngayon ni Coco sa muling pagtakbo ni Double L sa pagka-senador.

Bukod sa pagpapakita sa mga campaign ads ni Lapid, kapag weekends na walang taping ang BQ, sumasama si Coco sa mga campaign sorties ni Sen. Lito. Ganu’n nga niya kamahal ang Supremo. 

At masasabi ring “alas” ni Lito Lapid si Coco Martin dahil sikat na sikat ito sa buong ‘Pinas dahil sa BQ. Ganu’n talagang magpahalaga sa kaibigan si Coco Martin.

---

Nagpahinga man sa showbiz… 

EUGENE, MAS SUWERTE SA LALAKI KESA KINA AI AI AT POKWANG

PARE-PAREHONG magagaling na comediennes sina Ai Ai delas Alas, Pokwang, at Eugene Domingo na nagbida na sa ilang pelikula. Dumating ang panahon na umaapaw sa suwerte si Ai Ai dahil box office hits ang mga pelikulang kanyang pinagbidahan tulad ng series niyang Ang Tanging Ina (ATI). 

Ganito rin ang dumating na suwerte kay Pokwang, na bukod sa pelikula ay may mga TV shows pa. 

Si Eugene, medyo nagpahinga at nag-lie-low sa paggawa ng pelikula. Pero, ang kapalit naman ay pagkakaroon ng love life at natagpuan ang lalaking itinadhana para sa kanya at nauwi sa pagpapakasal sa Italian na si Danilo Bottoni.

Ngayon ay happily married na si Uge at nagbabalik nang muli ang interes niya sa kanyang showbiz career, samantalang sina Ai Ai at Pokwang ay parehong hiwalay na sa lalaking kanilang minahal. 

Naunang nakipaghiwalay si Pokwang kay Lee O’Brian na ngayon ay tuluyan nang na-deport. Hiwalay na rin sina Ai Ai at Gerald Sibayan after 10 yrs. ng relasyon. 

Parehong masakit para kina Ai Ai at Pokwang ang kinalabasan ng kanilang love life.

Hirap silang maka-move on at magpatawad at sa kanilang tatlo, si Eugene Domingo lang ang sinuwerte sa pag-ibig.

May P2.7 bilyon daw na yaman… SHARON, MAS RICH PA RIN KINA GRETCHEN AT BEA

ni Erlinda Rapadas @Teka Nga | Mar. 5, 2025

Photo: Sharon Cuneta - FB

Base sa kanyang naipundar na mga properties, certified billionaire na ang Megastar na si Sharon Cuneta. Ang assets niya ngayon ay nagkakahalaga diumano ng P2.7 billion. 

Samantalang si Gretchen Barretto naman ay P2.6 B daw ang halaga ng assets/properties. 

Pumangatlo naman sa yaman si Bea Alonzo na may P1.1 B worth of properties.

Bukod kina Sharon, Gretchen at Bea, certified billionaire rin sina Willie Revillame at Vice Ganda. 

Well, open naman sa publiko ang yaman na naipundar nina Sharon, Gretchen at Bea. Wala silang itinatago sa publiko at maayos na nagbabayad ng property tax. At gayundin naman sina Willie at Vice na good taxpayers din.Bukod sa malalaking bahay, resort, at luxury cars, may mga negosyo rin na naipundar sina Sharon, Gretchen at Bea, kaya sila ang tinaguriang “richest actresses” ngayon sa showbiz.

---

INAMIN ni Maine Mendoza, a.k.a. Yaya Dub na ang kanyang first showbiz crush ay si Arjo Atayde. Nagkita at nagkakilala sila ni Arjo sa presscon noon ng first movie nila together, ang Jack Em Poy: The Puliscredibles (JEPTP) kasama si Bossing Vic Sotto. 

At kahit naging big hit ang tambalan nila noon ni Alden Richards at kinabaliwan ng marami ang AlDub (Alden at Yaya Dub), hindi ito naging dahilan upang hadlangan ang pagmamahalan nina Maine at Arjo. 

Maayos na naipaliwanag ito ni Maine sa mga fans at supporters ng kanilang love team at tinanggap naman ng kanyang mga tagahanga na hanggang pagkakaibigan na lamang ang status ng relasyon nila ni Alden.

Well, nang mag-celebrate nga ng kanyang 30th birthday si Maine, dumalo at bumati si Alden, at mainit naman siyang tinanggap ng lahat. 

Nauna na ring nagkita sina Maine, Arjo at Alden nang dumalo sila sa wedding nina Jose Manalo at Mergene Maranan sa Boracay.

---

MAY mga nagtatanong kung bakit gusto raw ni Robi Domingo na ipasok si Alden Richards sa Pinoy Big Brother Celebrity Collab Edition. Halos kumpleto na ang mga hosts ng show sa pangunguna nina Bianca Gonzalez, Robi Domingo, Kim Chiu, Gabbi Garcia, Enchong Dee, Kim Chiu at Melai Cantiveros. 

Balitang may iba pang papasok sa PBB Celebrity Collab na makakasama sa ibang segments. Well, wala pang final announcement kung sinu-sino ang mapipiling housemates na papasok sa Bahay ni Kuya, kaya excited at nag-aabang ang lahat.

Samantala, maraming netizens ang nagtataka sa nakaraang post ni Alden Richards sa social media, kung saan agad din niyang binura. Mukhang napikon na rin ang

“Pambansang Bae” sa mga bashers na nagkalat ng mga maling balita tungkol sa kanya, kaya nag-post si Alden ng “Mind your own business.” 

Hindi na nga alam ni Alden Richards kung saan lulugar para lang i-please ang lahat. At tao lang naman siya, may hangganan ang kanyang pasensiya. Gusto rin niyang magkaroon ng privacy sa ilang aspeto ng kanyang buhay.

Todo-kayod para may ipon na… JEAN, GUSTO NANG MAGRETIRO SA SHOWBIZ

ni Erlinda Rapadas @Teka Nga | Mar. 4, 2025

Photo: Jean Garcia - IG

Madalas kantiyawan ngayon si Jean Garcia ng kanyang mga kasamahang artista. Matindi raw ang kanyang pangangailangan kaya naglalagare siya sa mga shows.

Babaeng walang pahinga ang tawag sa kanya dahil minsan, may soap (TV drama) na siya sa hapon, meron pa siya sa primetime slot. 

Halos hindi na siya nababakante sa trabaho at todo-kayod, gayung maalwan naman ang kanyang buhay ngayon.

Pero, may pinaghahandaan pala si Jean Garcia ngayon para sa kanyang future. Plano ni Jean na maagang magretiro sa showbiz, kaya todo-kayod at ipon na siya. 

Five years from now ay balak na raw niyang magretiro sa showbiz at mag-enjoy sa buhay. Gusto niyang mag-travel abroad at mamasyal sa magagandang lugar na nasa kanyang bucket list. Ayaw naman niya na nasa edad 70-80 na siya ay umaarte pa rin at nagte-taping pa, kaya pinaghahandaan na ni Jean ang kanyang early retirement sa showbiz. 

---

IDOLONG-IDOLO ni Janine Gutierrez ang kanyang Mamita, ang Asia’s Queen of Songs na si Pilita Corrales.

Malaki ang respeto at paghanga ni Janine sa kanyang grandma. Kaya gumawa siya ng docu upang magsilbing magandang alaala para sa mga fans na nagmamahal sa isang Pilita Corrales. 

At tama lang na habang malakas pa si Pilita ay gawin na ni Janine ang plano niyang docu bilang tribute sa kanyang lola. At least, makakapag-share pa si Pilita ng mga info kung paano nagsimula ang kanyang singing career. Mas maganda ang docu kung may mga photos during her early days as a singer-performer. 

Hanggang ngayon ay marami pa ang nakakaalala kay Pilita Corrales dahil sa kakaiba niyang style sa pagkanta. Hindi lang sa ‘Pinas siya sumikat, kundi maging abroad. Big hit ang mga shows niya kasama ang Reycard Duet at si Elizabeth Ramsey, lalo na sa Las Vegas. 

Mahal na mahal sila ng ating mga kababayan na naninirahan na sa Amerika. 

Gayunpaman, nasa ‘Pinas ang mga anak ni Pilita Corrales na sina Jackie Lou Blanco at Ramon Christopher, kaya pinili niyang umuwi na upang makapiling ang kanyang mga anak at apo. 

Samantala, type na type naman ni Janine ang style ng mga damit noon ng kanyang Mamita Pilita. Ang ilan sa mga ito ay ipinamana na sa kanya.

---

SUMIKAT sa social media ang Mommy Grace ni Miguel Tanfelix at tumatak ang expression niyang “Okay na ‘to!” kapag tapos na niya ang kanyang iniluluto.

Mahilig magluto ang mom ni Miguel, pero hindi niya akalain na magki-click ang kanyang ginagawa. 

Well, maraming maybahay ang aliw na aliw sa kanya. Inabangan din ng mga viewers ang guesting ni Mommy Grace sa seryeng Mga Batang Riles (MBR). 

Dahil sa tinatamong popularidad ni Mommy Grace, bina-bash na rin siya ngayon. Ginagamit daw niya ang anak na si Miguel upang sumikat at makilala rin sa showbiz. 

Gayunpaman, pinayuhan ni Miguel ang kanyang mommy na huwag pansinin ang mga bashers. Mas marami naman ang natutuwa sa ginagawa ni Mommy Grace at ang tawag ngayon sa kanya ng mga fans na nanonood ng MBR ay “Okay na ‘to!” 

Kaya, tuwang-tuwa si Miguel nang mag-guest ang kanyang mom sa MBR. Posibleng alukin din si Mommy Grace ng isang cooking show.