‘Di na nakatiis, nakipag-break na… KOBE, NILAIT NG PAMILYA NI KYLINE

ni Erlinda Rapadas @Teka Nga | Apr. 29, 2025

Photo: Kobe Paras - IG

Malaking rebelasyon ang ibinulgar ni Jackie Forster sa tunay na dahilan ng breakup nina Kobe Paras at Kyline Alcantara. Ang anak daw niyang si Kobe ang nakipaghiwalay dahil hindi na makatagal sa pananakit ni Kyline, physically at emotionally. 

Nilait din daw ng parents ni Kyline ang kanyang anak na si Kobe kaya raw nang hindi na ito nakatiis, tinapos ni Kobe ang kanilang relasyon. 

Isa pa sa mga binanggit ni Jackie Forster ay nag-live-in sina Kyline at Kobe Paras. 

At ‘yung isyu ng cheating, ang sagot dito ni Jackie ay hiwalay na sina Kyline at Kobe nang lumutang ang sinasabing third party na bagong GF ng cager. Single na ang status ni Kobe dahil break na sila ni Kyline, kaya hindi siya dapat maakusahan na cheater at two-timer. 

Well, ang payo naman ng mga fans na nakikisimpatya kay Kyline, sa susunod na umibig siyang muli ay pumili ng lalaking ulila na sa ina upang wala nang kontrabida at makikialam sa kanilang relasyon. 

Noong si Mavy Legaspi ang kanyang BF, ang pagiging mama’s boy nito ang naging dahilan ng kanilang paghihiwalay. 

Ngayon, si Jackie Forster na mommy ni Kobe naman ang dumedepensa para ipagtanggol ang anak sa mga bashers.

---

BALITANG-BALITA na ngayon ang pamamaalam sa TV5 ng programang Wil To Win (WTW) ni Willie Revillame. 

Sumadsad daw ang ratings ng show mula nang iwan ni Willie at pinalitan ng BFF niyang si Randy Santiago nang mag-file ng candidacy ang TV host sa pagka-senador. 

Siyempre, nanibago ang mga viewers ng WTW kay Randy. Si Willie pa rin ang hinahanap at gusto nila. Iba ang karisma ni Revillame na nakasanayan ng mga viewers. 

Eh, paano na kaya kung sakaling hindi lumusot sa pagka-senador si Revillame?

May babalikan pa ba siyang show sa TV5? Tuluyan na ba siyang magre-retire sa showbiz at magnenegosyo na lang?

---

MARAMI ang namba-bash ngayon sa veteran actress na si Celia Rodriguez dahil sa naging pahayag niya sa eulogy noong huling burol ni Nora Aunor sa The Heritage Chapel sa Taguig. 

Ikinuwento ni Manay Celia ang mga ginawang pagtulong ng yumaong Superstar sa napakaraming taong lumapit at humingi ng tulong kay Guy noong nasa peak ito ng success. 

Milyones man ang kinikita noon ni Aunor, ito ay kanya ring ibinabahagi at itinutulong sa mga mahihirap. Sobrang generous ng Superstar, kaya dumating sa punto na halos masaid na rin siya financially. 

Gayunpaman, masaya at no regrets daw si Nora Aunor sa ginawa niyang pagkakawanggawa. Sanay din si Nora sa simpleng pamumuhay. Wala siyang luho sa katawan, wala siyang hilig sa branded at mamahaling gamit. Lahat ng charity works na ginagawa ni Aunor, ayon kay Manay Celia. 

Kaya naman sa kanyang tribute para sa Superstar ay kinalampag at nanawagan siya sa ibang sikat at malalaking artista na kumikita nang milyones na sana ay tularan si La Aunor. Mag-share rin daw sila at tumulong sa mga taong kapos sa buhay. 

Well, sa panahon ngayon, bibihira na siguro ang mga artistang magkukusa na tumulong sa mga nangangailangan. Ang importante sa kanila ay magdagdag pa ng yaman para secured na ang kanilang future.

Hindi lang bill sa mamahaling ospital… PBBM, BINAYARAN DIN LAHAT NG UTANG NI NORA

ni Erlinda Rapadas @Teka Nga | Apr. 28, 2025

Photo: Bongbong Marcos - Circulated

Hanggang sa kamatayan ay hinahabol pa rin ng intriga ang Superstar at National Artist na si Nora Aunor.

Pinagdidiskusyunan sa showbiz world kung sino talaga ang nagbayad ng hospital bill ni La Aunor. 

Matatandaan na naoperahan muna siya bago nabawian ng buhay sa loob ng mamahaling ospital.

Alam naman natin na rito sa Pilipinas, ang mahal-mahal magpasok sa ospital, lalo na kung private.

Much more, sumailalim pa sa operasyon si Ate Guy, at sa puso, huh? Mahina ang isang milyong piso d’yan.

Ang masaklap pa, sa mamahaling ospital pa namatay si La Aunor. Eh, ang laking halaga rin ng pagpapalabas ng bangkay ng isang namatayan sa loob ng ospital, ‘di ba?

Kaya understandable kung gaano kalaki inabot ang hospital bill ng Superstar, kahit pa sabihing may ayuda ang government sa isang National Artist na gaya ni Nora.

May kumalat daw kasi na isang kilalang pulitiko ang nagbayad ng hospital bill ni La Aunor. Parang umeepal daw ang kampo ng pulitiko at ipinapakalat na siya ang nagbayad ng hospital bill ng yumaong aktres.

Pero ayon sa iba, ang PCSO (Philippine Charity Sweepstakes Office) daw ang nagbayad sa hospital bill ni Nora.

Samantala, pati ang Pangulong Ferdinand “Bongbong” Marcos (PBBM) ay nadawit na rin sa usapin. Kaya naman naglabas na ng kanilang statement ang Malacañang on behalf of PBBM.

Ayon kay Communications Senior Undersecretary Ana Puod, ang Office of the President (OP) and si Pres. Ferdinand Marcos, Jr. ang nagbayad ng hospital bill ni Nora.

Ang PCSO General Manager na si Mel Robles mismo ang nagkumpirma sa OP na si PBBM ang nagbayad.

At hindi lang daw ang hospital bill ni La Aunor ang binayaran ni PBBM kundi pati ang mga naiwang utang at iba pang expenses ng pumanaw na aktres, sabi pa raw ni Puod.

“‘Di lang ‘yung hospital bill ‘yan, pati ibang utang at ibang expenses daw galing sa personal na pera ni PBBM (President Bongbong Marcos) ‘yan,” pahayag ni Communications Senior Usec. Puod sa Malacañang reporters via text message.

Sabi pa ni Puod, “We don’t know the breakdown… Kung magkano at ano breakdown ng ibinigay ng Presidente, we don't want to discuss anymore.”

May allotted din na pambayad sa medical and hospitalization ng isang National Artist hanggang P750,000 kada taon.

Samantala, may nakalaan din na P150,000 sa mga naiwang malapit na kaanak ng pumanaw na National Artist.

In fairness, wala nang iisipin ang pamilya ni Nora sa mga naiwang utang ng Superstar. Meron pa silang P150,000 at ang balita ay milyones daw ang inabot na halaga ng mga abuloy kay La Aunor.

But of course, kahit ano’ng laki pa ng halagang ‘yan, ‘di pa rin nito mapapantayan ang sakit ng pagkawala ng taong mahal natin sa buhay.

---

IPINAALAM ng aktor na si Wendell Ramos ang pagbawi niya ng kanyang kandidatura na makikita sa Facebook (FB) page niya, kung saan naka-post ang picture ng “Statement of Withdrawal of Candidacy.”

Nag-file siya ng kanyang withdrawal sa Comelec last January 31. 

Statement ni Wendell: “To my dear constituents of District 4, Sampaloc, Manila. I would like to officially inform you that I have withdrawn my candidacy as Councilor as of January 31, 2025, at Comelec Manila for the upcoming May 12 elections.

“After careful consideration and heartfelt discussions with my family, manager, and network, I have made the difficult decision to discontinue my campaign due to prior work commitments and family matters.

“I am deeply grateful to everyone who supported me, welcomed me, and believed in my programs even before I filed my withdrawal. Your trust and encouragement mean more than words can express.

“Thank you for your understanding and continued support.

“As election day approaches, I humbly urge everyone to vote wisely and choose leaders who will genuinely serve our beloved District 4, Sampaloc, Manila.

“God bless us all.”

Maraming fans naman ang nagpahayag ng suporta sa naging desisyon ng aktor.

So, there.

Kaya super-laki ng utang na loob sa Superstar… COCO, NABUHAY ANG CAREER DAHIL KAY NORA

ni Erlinda Rapadas @Teka Nga | Apr. 28, 2025

Photo: Coco Martin sa Batang Quiapo - IG / Nora Aunor - IG

Malaki raw ang utang na loob ni Coco Martin kay Nora Aunor, kaya hindi niya kinakalimutan na padalhan ng tulong ang Superstar kapag kailangan nito. 

Noong pumanaw si Aunor, si Coco ang isa sa mga unang dumalaw sa burol, kasama si Julia Montes. 

Naikuwento ni Coco sa ilang kaibigan na hindi niya malilimutan ang itinanghal na National Artist. Noon daw tumamlay ang kanyang career at madalang ang project, tinawagan ng Superstar ang isang kaibigang direktor at ipinasama si Coco sa movie na ginagawa nito.  

Nagkasama noon sina Aunor at Coco Martin sa seryeng Padre de Familia (PDF), kaya napalapit ang loob ni Coco sa Superstar. 

Naniniwala si Aunor na magaling na aktor si Coco at very expressive rin ang mga mata, kaya nabigyan ng second chance ang career nito at sumikat nang husto sa TV remake ng FPJ’s Ang Probinsyano (AP) na umere ng 7 years.

Ngayon, ang Batang Quiapo (BQ) ay patuloy sa pagtaas ng ratings at dito ay nabibigyan ng chance ang mga datihang artista na wala nang project ngayon. Nagkakaroon sila ng exposure at muling napapanood sa telebisyon.

---

LABIS na nanghihinayang si Ian de Leon na hindi niya natupad ang pangarap sa kanya ng kanyang Mommy Guy na maging direktor. 

Nakikita raw ng Superstar na may talent si Ian sa pagdidirek. Bata pa si Ian ay naglalaro na sila nina Lotlot, Matet, Kiko at Kenneth at pinaaarte niya ang mga kapatid. 

Kaya naman nang magbinata na si Ian ay pinayuhan siya ni Aunor na mag-aral ng movie directing.  

Pangarap ni La Aunor na magkasama at magkatrabaho sila ni Ian sa isang movie project. 

Kumuha naman ng basic course si Ian sa movie directing. Marunong na rin siyang mag-edit at humihingi siya ng advice sa mga magagaling na direktor na nakatrabaho ng kanyang Mama Guy. 

Hindi pa nabibigyan si Ian ng break upang magdirek sa pelikula at nakamatayan na ng kanyang mama ang makita siyang isang ganap na direktor.  

Wish din ng Superstar na maidirek siya ni Ian sa isang pelikula. 

Well, tiyak naman na gagabayan si Ian de Leon ng kanyang ina upang maging ganap na direktor. May mga TV projects naman siya ngayon at napag-aaralan ang mga sistema sa pagdidirek ng pelikula.

---

Kahit may AJ na….

ALJUR AT KYLIE, TOGETHER AGAIN SA GRADUATION NG ANAK

MARAMING netizens ang natuwa at pumuri kay Aljur Abrenica nang dumalo siya sa graduation sa kindergarten ng mga anak na sina Alas at Axl. Magkakasama silang nagpa-picture sa stage kasama si Kylie. 

At least, kahit hiwalay na sila ay dumarating si Aljur sa mga special events ng kanilang mga anak.  

Hindi ganap na pinutol ni Kylie ang ugnayan ng 2 anak sa kanilang ama, regular pa rin ang kanilang bonding. 

Samantala, wala pang ipinakikilalang bagong BF si Kylie Padilla ngayon. Si Aljur ay umamin na sa relasyon nila ni AJ Raval. 

Dati ay nali-link si Kylie sa isang tattoo artist pero hindi ganoon kadali ang sitwasyon ng isang single mom na tulad ni Kylie. Mahihirapan siyang makahanap ng isang lalaking tatanggap sa dalawa niyang anak. 

Minsan, nasasabi na lang ni Kylie na napapagod na rin siya sa pagiging provider. Gusto naman niyang maranasan ang isang relaxed na buhay kapag nakatagpo na siya ng isang lalaking magiging good provider sa kanilang mag-iina.

---

LABIS na nanghihinayang ang mga artistang hindi nagkaroon ng pagkakataon na makatrabaho ang yumaong Superstar/National Artist na si Nora Aunor. Para sa kanila ay isang malaking karangalan na maituturing ang makasama/makatrabaho ang Superstar sa isang TV/movie project.  

Halos lahat ng mga baguhang artista ay pangarap na makatrabaho ang nag-iisang Nora Aunor. 

Nagsisilbi itong challenge upang pagbutihin nila ang kanilang pag-arte. 

Kaya naman proud na proud ang Kapuso actress na si Jo Berry dahil nagkasama sila ni Aunor sa teleseryeng Onanay. Lagi raw siyang pinapayuhan ni Aunor kapag may mga eksena silang gagawin.  

Sina Aiko Melendez at Jeric Gonzales ay nagkaroon din ng pagkakataon na makasama si La Aunor. Nakasama ni Jeric si Nora sa 3 pelikula. 

Maging ang Kapuso actress na si Bianca Umali ay humanga nang husto sa Superstar nang magkasama sila sa pelikulang Mananambal.  

Ganoon din ang experience ng aktor na si Alfred Vargas na nakatrabaho si Nora Aunor sa pelikulang Pieta.

Nanghihinayang naman ang aktres na si Elizabeth Oropesa dahil ni minsan ay hindi siya nabigyan ng pagkakataon na makasama ang isang Nora Aunor na katulad niyang isang Bikolana.