Full face-to-face classes sa Agosto.. Taas-sahod sa mga guro, target ni VP Sara

ni Lolet Abania | June 20, 2022

Inihirit ng isang grupo kay incoming Vice President at Department of Education (DepEd) Secretary Sara Duterte na gawing tumulong sa pagsusulong ng salary increase para sa mga guro at tiyaking ang mga classrooms ay handa na sa susunod na school year.

Matatandaan noong 2020 ay nilagdaan ni Pangulong Rodrigo Duterte, ama ni VP Sara, ang Salary Standardization Law of 2019, na nagpo-provide ng taas-sahod o wage hikes para sa mga government workers, kabilang na ang mga public school teachers.

Ayon kay Alliance of Concerned Teachers (ACT) Secretary-General Raymond Basilio, “[it was not] merely about increasing but correcting the injustice done to our teachers.”

“We know that there are some limitations with the budget but we're doing this injustice to our teachers for several years already. Recently the Supreme Court upheld that the entry-level pay for nurses is Salary Grade 15 or P37,000,” ani Basilio sa isang interview ngayong Lunes.

“We have the same qualification for our military personnel, their pay has been increased years ago. It’s quite unfair for teachers who have the same qualification and job description have been left out,” dagdag pa niya.

Ayon kay Basilio, hindi rin nagbigay ng assistance ang gobyerno sa mga guro na tinamaan ng COVID-19. Aniya, nanawagan naman ang grupo para sa P3,000 emergency allowance sa mga guro.

“That’s the sad reality. Ni singkong duling po walang naibigay na assistance sa ’tin ang gobyerno. We had hundreds of teachers who died because of COVID-19. Ang dami nagkasakit,” giit ni Basilio. “Ang nangyari po dito nag-pass the hat. Nag-contribute ang teachers, nagtulong-tulong,” saad niya.

Apela pa ni Basilo na dapat ding tiyakin ni VP Sara na handa na ang mga pasilidad at ang mga paaralan ay kayang mag-admit ng lahat ng estudyante para sa incoming school year.

“Dito sa limited face-to-face, I’ve heard... tinatanggihan ng schools ang ibang estudyante na gusto sumali sa limited face-to-face, because of facilities. Walang classroom, walang sapat na bilang ng teachers,” pahayag niya.

Ayon pa kay Basilio, dapat ding bigyan ang mga guro ng mga gadgets gaya ng mga laptops at libreng masters’ degree education. Una nang sinabi ng DepEd na magpapamahagi ang ahensiya ng libu-libo ng laptops sa mga guro.

“Alam ko po maraming teachers ang nag-loan para makabili ng laptop computer. Natapos na po ang 2 years… ‘di pa rin dumadating sa teachers ang mga laptop computers na ito,” giit ni Basilio.

Samantala, bilang tugon ni VP Sara, sinabi nitong maghahanap siya ng paraan upang itaas ang mga sahod ng guro habang pinag-iisipan na niya ang pagpapatupad ng full face-to-face classes sa mga paaralan sa Agosto.

Sa press briefing ngayong Lunes ng umaga, binanggit ni VP Sara na nagbigay na ng instruksyon si President-elect Ferdinand Marcos Jr. na i-review ang pagpapatupad ng K-12 program ng DepEd.

Nang tanungin siya hinggil sa pagsusulong ng F2F classes sa Agosto, ani VP Sara, “We are targeting that, yes.” “We’ll look at how we’ll be able to push that from the other accomplishments [of the department],” pahayag niya nang tanungin naman patungkol sa panawagang itaas ang sahod ng mga guro.

“Actually, the Duterte administration did do something about that,” saad pa ni VP Sara, kung saan aniya, may salary increase na P23,877 mula sa dating P19,077. Ang entry-level teacher o Teacher 1, ay nasasakop sa ilalim ng Salary Grade 11 at makatatanggap ng monthly salary na P25,439.

2 grupo ng mga titser, humirit ng extra pay para sa remedial classes

ni Lolet Abania | June 13, 2022

Umapela ang nasa dalawang grupo ng mga guro ngayong Lunes sa Department of Education (DepEd) kaugnay sa latest order ng ahensiya sa remedial classes, na mag-grant ng karagdagang kompensasyon o service credits sa mga titser na makikilahok sa naturang mga klase.

Kamakailan, inisyu ng DepEd ang Order No. 13, patungkol sa pagtatakda ng mga guidelines sa pagsasagawa ng remedial at enrichment classes kasunod ng School Year 2021-2022, na magtatapos na sa Hunyo 24.

Batay sa order, ang mga Grade 1 hanggang 11 students na makakakuha ng grade na papalo sa mula 75 hanggang 79 ay mag-a-attend ng enrichment classes habang iyong mga bumagsak ng dalawang subjects ay papasok sa remedial classes.

Ang remedial at enrichment classes ay nakatakdang isagawa sa panahon ng school break o bakasyon mula Hulyo hanggang Agosto, kung saan umani naman ng pagkadismaya sa mga guro na nagsasabing ang naturang panahon ay dapat na nakalaan sa kanilang pahinga.

“This policy should be clarified because we expect teachers to enjoy a two-month vacation between the closing and opening of school years. We have the right under the law,” pahayag ni Teachers’ Dignity Coalition (TDC) National Chairperson Benjo Basas sa isang statement.

Ayon kay Basas, ang iba’t ibang requirements, kabilang na ang online activities, physical reporting sa mga paaralan, virtual at physical classes at clerical tasks ay nagdulot sa mga guro ng sobra nang pagkapagod. “Itong bakasyon na lang ang inaasahan sana ng mga guro [para makapagpahinga] pero mukhang pati ito ay kukunin pa sa amin,” sabi ni Basas.

Sa isang hiwalay na statement, sinabi ni Alliance of Concerned Teachers (ACT) Secretary General Raymond Basilio, “depriving teachers of the much-needed rest between school years takes a heavy toll not only on their health and capacities but to the over-all delivery of quality education.”

Binanggit ni Basilio, na ang latest DepEd order ay hindi nagpapahayag kung ang mga guro na magpa-facilitate sa remedial classes ay makatatanggap ng compensation o service credits.

“The least the government can do is to justly compensate teachers who are going the extra mile to help our learners,” saad ni Basilio. Sinabi naman ni Basas, nais ng TDC na magkaroon ng dialogue mula kay DepEd Undersecretary Nepomuceno Malaluan, na siyang lumagda ng order, o kay outgoing DepEd Secretary Leonor Briones.

“We won’t refuse work especially if it is for children. But DepEd should also consider the welfare of teachers. And if there would be an exigency of service, the ready justification for extended work, then the provision of the law for overtime pay should also be observed,” ani Basas. Sa ngayon, wala pang ibinigay na komento o tugon si Malaluan kaugnay sa naturang usapin.

Nag-overtime sa May 9 elections... 'Additional honoraria' para sa mga guro – Comelec

ni Lolet Abania | May 12, 2022

Tiniyak ng Commission on Elections (Comelec) ngayong Huwebes sa mga guro na nagtrabaho nang overtime sa katatapos na national at local elections na mabibigyan sila ng “additional honoraria”.

Sa press briefing, sinabi ni Comelec acting spokesperson Rex Laudiangco na hindi ito ang unang pagkakataon na ang mga guro at electoral boards ay mabibigyan ng karagdagang honoraria, dahil aniya, ginawa na ito noong nakaraang 2019 elections.

“Sa ating mga bayaning guro at mga electoral boards, huwag kayong mag-alala. Hindi po ito first time na nagbigay ang Comelec ng additional honoraria, it’s not necessarily overtime pay but additional honoraria,” ani Laudiangco.

“Ginawa na po natin ito noong 2019 para doon sa mga electoral boards na talaga pong nagsilbi ng higit sa oras para matapos. Sa atin pong electoral boards, huwag po kayo mag-alala, ipoproseso po ito ng Comelec gaya din noong ginawa natin noong 2019,” saad ng opisyal.

Ayon kay Laudiangco, maibibigay ito sa loob ng 15 araw mula sa araw ng eleksyon batay sa Electoral Service Reform Act.

“Pero makakaasa po ang ating electoral boards, ayon po kasi sa Electoral Service Reform Act dapat ang honoraria maibigay namin within 15 days from the day of elections,” ani Laudiangco.

“Sisiguraduhin ng Comelec na mabibigay ito sa kanila within the timeframe allowed by law. Absolute po ‘yan. Wala pong excuses at gagawin po namin ‘yan,” dagdag niya.

Nasa mahigit 640,000 personnel ng Department of Education (DepEd) ang nagsilbi bilang poll workers noong May 9 elections.

Ayon kay Election Task Force (ETF) chief Atty. Marcelo Bragado, Jr., nasa tinatayang 647,812 DepEd personnel ang nagsilbing poll workers, kung saan 319,317 bilang miyembro ng Electoral Boards (EB), at 200,627 bilang EB support staff.

Sinabi pa ni Bragado na nasa 38,989 ang DepEd Supervisor Official (DESO), habang 87,162 ang DESO support staff, at 1,717 ang DepEd members ng Board of Canvassers.