Taal Volcano ibinaba na sa Alert Level 2 — PHIVOLCS

ni Lolet Abania | April 9, 2022

Ibinaba na ng Philippine Institute of Volcanology and Seismology (PHIVOLCS) ngayong Sabado ang alert level ng Bulkang Taal sa Batangas mula sa Alert Level 3 (magmatic unrest) ay inilagay sa Alert Level 2 (decreased unrest).

“Following the phreatomagmatic eruption of the Main Crater on 26 March 2022 and six (6) weak phreatomagmatic bursts until 31 March 2022, unrest at Taal Volcano has markedly declined,” pahayag ng PHIVOLCS.

“Activity in the past two weeks has been characterized by a significant drop in volcanic degassing from the Main Crater and in the incidence of volcanic earthquakes,” dagdag ng kagawaran.

Ayon sa PHIVOLCS, nasa 86 volcanic earthquakes na lamang na may mabababang magnitude at hindi gaanong ramdam ang nai-record simula noong Marso 26.

“These consist of 26 volcanic tremors, 59 low-frequency volcanic earthquakes and 1 volcano-tectonic event, most of which occurred 0-7 kilometers beneath the Main Crater and the eastern sector of Taal Volcano Island or TVI,” saad nito.

Sinabi rin ng PHIVOLCS na karamihan sa naitalang pagyanig ay dahil anila, “volcanic degassing from the shallow magma and hydrothermal region beneath the TVI edifice. Background tremor associated with shallow hydrothermal activity ceased on 31 March.”

“There has been no recorded seismic activity related to new magmatic intrusions from Taal's deeper magma source since unrest began last year,” saad pa ng PHIVOLCS.

142 volcanic quakes, naitala sa Taal Volcano sa isang araw lang

ni Lolet Abania | August 22, 2021

Nakapagtala ang Philippine Institute of Volcanology and Seismology (PHIVOLCS) ng 142 volcanic earthquakes sa nakalipas na 24-oras sa Taal Volcano ngayong Linggo. Kabilang dito ang 125 volcanic tremor events na tumagal ng 1-40 minuto, 16 na low-frequency volcanic earthquakes, isang hybrid event, at low level background tremor na na-detect simula pa noong Hulyo 7.

Naglabas din ng plumes ang bulkan mula sa main crater nito sa nakalipas na 24-oras dahil sa upwelling ng mainit na volcanic fluids. Umabot naman ang plumes ng 2,400 metrong taas bago napadpad sa bahaging kanluran timog-kanluran at hilagang-kanluran.

Nagbuga rin ng sulfur dioxide ang bulkan na may sukat na 5,973 tonelada nitong Sabado. Ayon sa ahensiya, ang vog ay nararanasan pa rin sa buong Taal Volcano at sa paligid nito. Sinabi pa ng PHIVOLCS, “The Taal Volcano Island (TVI) continues to deflate as the Taal region undergoes very slow extension.”

Nakataas pa rin sa Alert Level 2 ang buong lugar sa Bulkang Taal. Nagbabala naman ang PHIVOLCS sa publiko na patuloy na mag-ingat sa pagkakaroon ng biglaang steam or gas-driven explosions, volcanic earthquakes, minor ashfall at lethal accumulations o pagsabog ng volcanic gas na posibleng mangyari sa mga lugar na malapit at sa paligid ng TVI.

Patuloy ang paalala ng ahensiya na iwasan na magtungo sa TVI at sa mga lugar na nasa permanent danger zone (PDZ). Ipinagbabawal din ang pagpunta sa laot at pamamangka sa Taal Lake, gayundin ang mga piloto na iwasang mapadpad sa paligid ng bulkan dahil sa posibleng biglaang pagsabog nito. Pinaalalahanan naman ng PHIVOLCS ang mga local government units na patuloy na maghanda sa anumang mangyayari sa Bulkang Taal.

Malakas na pagsabog ng Taal, posible — PHIVOLCS

ni Ronalyn Seminiano Reonico | July 4, 2021

Nagbabala ang Philippine Institute of Volcanology and Seismology (PHIVOLCS) na posibleng maganap ang biglaang malakas na pagsabog ng Bulkang Taal dahil sa patuloy nitong pagbuga ng mataas na lebel ng sulfur dioxide.

Nananatili namang nakataas ang Alert Level 3 ngayong Linggo. Sa Taal Volcano Bulletin ngayong araw, ayon sa PHIVOLCS, ang plumes nito ay may taas na 2,500 metro. Saad pa ng PHIVOLCS, "Sulfur dioxide (SO2) emission averaged 14,699 tonnes/day on 03 July 2021.”

Ipinagbabawal pa rin ng PHIVOLCS ang pagpasok sa Taal Volcano Island o TVI at sa mga high-risk barangay katulad ng Agoncillo at Laurel. Bawal din ang pamamalagi at paglaot sa lawa ng Taal at paglipad ng anumang aircraft malapit sa tuktok ng bulkan.

Babala ng PHIVOLCS, maaaring maganap ang “Biglaang malakas na pagsabog, volcanic tsunami, ashfall, at pag-ipon o pagbuga ng mga nakalalasong gas.”