COVID-19 tests muling ni-require sa mga hotel guests sa Subic Freeport

ni Jasmin Joy Evangelista | January 27, 2022

Muling ni-require ang negative COVID-19 test result sa mga bibisita sa mga hotels at accommodation facilities sa loob ng Subic free port.

Ito ay dahil sa patuloy na pagtaas ng kaso ng COVID-19 sa bansa.

Sa isang pahayag nitong Martes, sinabi ni Subic Bay Metropolitan Authority (SBMA) Chair and Administrator Wilma Eisma, na kailangang magpakita ng negative antigen results na isinagawa sa loob ng nakalipas na 24 oras o reverse transcription-polymerase chain reaction (RT-PCR) tests na ini-release 48 hours bago mag-check-in ang mga hotel guests.

“While interzonal travel is allowed under Alert Level 3, we want to take the extra step in ensuring the health and safety, not only of our visitors in the Freeport, but also of our local businesses, workers, and stakeholders,” ani Eisma.

Aniya pa, ang mga bisita ay kailangan ding magpakita ng vaccination cards kapag papasok sa free port, habang ang mga hindi bakunado ay required na magpakita ng negative RT-PCR test results.

Batay sa Alert Level 3 guidelines ng IATF, hindi required ang antigen o RT-PCR tests para sa interzonal travel maliban na lamang kung ire-require ng mga establisimyento o event organizers.

“[But] because of the recent surge in COVID-19 infections, there is a need for us to enforce stricter measures for the sake of both visitors and locals, and to keep Subic businesses going,” paliwanag pa ni Eisma.

68 bagong kaso ng COVID-19 sa Subic Freeport

ni Jasmin Joy Evangelista | January 20, 2022

Nakapagtala ng 68 bagong kaso ng COVID-19 sa Subic Bay Freeport nitong Miyerkules, Jan. 19, kung saan umabot na ng kabuuang 101 ang active cases kabilang ang mga free port workers, mga residente, at mga empleyado ng Subic Bay Metropoligan Authority (SBMA).

Sa isang advisory nitong Miyerkules, sinabi ng SBMA na 54 sa mga infected ay free port residents, 8 guests o transient workers, at 6 government employees.

Ang pinakabata sa mga nagpositibo ay isang 1-year-old na batang lalaki habang ang pinakamatanda ay 54-anyos na babae na pawang mga residente sa lugar.

Karamihan sa mga pasyente ay nakararanas ng mild symptoms at kasalukuyang naka-quarantine. Isasagawa na rin ang contact tracing.

Kahapon din ay na-clear na sa virus ang 16 residente at mga empleyado ng SBMA.

Mula nang magsimula ang pandemya ay nakapagtala na ng 720 confirmed COVID-19 cases ang free port kung saan 584 ang naka-recover at 12 ang nasawi.

Mga siklista, sugatan sa ilegal na bike race

ni Ronalyn Seminiano Reonico | June 21, 2021

Sugatan ang ilang siklista matapos magkabanggaan sa isinagawang ilegal na bicycle race sa Olongapo City.

Sa ipinost na video ni Olongapo City Vice-Mayor Aquilino "Jong" Cortez, Jr. sa Facebook, makikitang nagkabanggaan ang mga siklista at sumemplang ang mga ito nang sinubukan nilang mag-overtake sa isang truck.

Saad pa ni Cortez, “Ito ang dahilan na malamang paghihigpitan ang mga bikers na pumasok sa Subic Bay Freeport Zone dahil sa illegal at delikadong gawain.”

Hindi malinaw kung ilan ang mga siklistang sugatan sa insidente ngunit ayon kay Cortez, kabilang dito ang isang 14-anyos na babae.

Saad pa ni Cortez, “Makikita sa video ang delikadong pagba-bike ng grupo na ito kahit kasabay ang malaking truck. Ang mga nanonood naman ay nagtsi-cheer pa. Sabi raw, training. Para saang kompetisyon?”

Aniya pa, “Imagine kung napunta sa ilalim ng truck ‘yung mga riders at nagulungan?”

Ayon sa lokal na pamahalaan, nangyari ang naturang ilegal na race noong Sabado at malinaw na nalabag umano ang mga ipinatutupad na health protocols.

Dahil sa insidente, ipinasara ang San Bernardino Road sa Subic Bay Freeport Zone at kasalukuyan pang nagsasagawa ng imbestigasyon ang awtoridad sa naturang ilegal na racing.