Sputnik V COVID-19 vaccine ng Russia, aprub na sa ‘Pinas

ni Lolet Abania | March 18, 2021

Binigyan na ng emergency use authorization (EUA) ng Pilipinas ang Sputnik V COVID-19 vaccine ng Russia.

Sa late stage trial results, napag-alamang 91.6% effective ang Sputnik V, ayon kay Food and Drug Administration (FDA) Director-General Eric Domingo.

Saad pa ni Domingo, "Based on the totality of evidence available to date, including data from adequate and well-known controlled trials, it is reasonable to believe that the Gamaleya National Center of Epidemiology and Microbiology Sputnik V Gam-Cov-Vac COVID-19 vaccine may be effective to prevent COVID-19.”

Aniya pa, "The adverse events reported were mostly mild and transient, similar to common vaccine reactions. No specific safety concerns were identified.”

Samantala, aabot sa 3 million doses ng Sputnik V COVID-19 vaccine ang inorder ng Pilipinas matapos itong mabigyan ng EUA, ayon kay Vaccine Czar Secretary Carlito Galvez, Jr. ngayong Biyernes.

Saad ni Galvez, “We will have a meeting this coming Tuesday. And our initial request is for them to deliver more or less three million doses this coming April [and] May.

“We also have an ongoing negotiation with them to allow LGUs (local government units) to buy the vaccine.” Ang Sputnik V ay two-dose vaccine matapos ang tatlong linggo at ang mga edad 18 pataas lamang ang maaaring mabakunahan nito.

Venezuela President Maduro, binakunahan na ng Russian COVID-19 vaccine

ni Ronalyn Seminiano Reonico | March 7, 2021

Binakunahan na kontra-COVID-19 si Venezuelan President Nicolas Maduro at ang asawa nitong si Cilia Flores ng Russian Sputnik V vaccine noong Sabado.

Noong February 18 sinimulan ng Venezuela ang pagbabakuna sa mga health workers gamit ang Sputnik V matapos nilang matanggap ang tinatayang aabot sa 100,000 doses nito.

Nakatanggap din ang naturang bansa ng 500,000 doses ng Chinese-made Sinopharm vaccine na nakatakdang umpisahang gamitin sa Lunes.

Nagpa-reserve na rin ang Venezuela ng AstraZeneca vaccines na aabot sa 1.4 million doses.

COVID vaccine sa Russia, sinimulan na kahit 'di pa tapos ang trial

ni Ronalyn Seminiano Reonico | December 5, 2020

Nagsimula nang mag-distribute ng Sputnik V COVID-19 vaccine sa Moscow, Russia sa pamamagitan ng 70 clinic ngayong Sabado.

Ayon sa task force ng Russia, uunahing mabakunahan kontra-COVID ang mga medical workers, guro at social workers.

Pahayag ni Mayor Sergei Sobyanin, "Over the first five hours, 5,000 people signed up for the jab — teachers, doctors, social workers, those who are today risking their health and lives the most."

Samantala, pinagbawalan namang magpabakuna ang mga buntis at ang iba pang may kapansanan.

Ang Sputnik V ay isa sa dalawang COVID-19 vaccines na na-develop ng Russia sa tulong ng Russian Direct Investment Fund. Ang isa pang vaccine ay na-develop sa tulong ng Siberia's Vector Institute at kasalukuyan pang isinasailalim ang dalawa sa final trial.

Samantala, nagpahayag naman ng pagkabahala ang mga siyentipiko sa agarang pag-distribute ng Russia ng bakuna dahil hindi pa umano tapos ang trials sa mga ito.