Titans, nakalipad sa ika-4 na panalo vs. Chameleons

ni GA @Sports | November 8, 2023

Mga laro sa Huwebes

(Philsports Arena)

12:00 n.t. – Gerflor vs F2 Logistics

2:00 n.h. – Galeries vs PLDT

4:00 n.h. – NXLed vs Chery Tiggo

6:00 n.g. – Creamline vs Petro Gazz

Nilipad ng Choco Mucho Flying Titans ang kanilang ika-apat na sunod na panalo upang makisalo sa four-way tie kasunod na mabilis na walisin ang NXLed Chameleons sa iskor na 25-11, 25-20, 25-19 sa unang laro ng triple-header kahapon sa 6th Premier Volleyball League (PVL) 2nd All-Filipino Conference sa Philsports Arena sa Pasig City.

Naging mahusay na pagtitimon sa panalo ng Flying Titans si ace playmaker Deanna Wong na namahagi ng kabuuang 20 excellent sets upang maging pangunahing tagapagsimula ng atake ng Choco Mucho upang mabiyayaan si leading scorer Cherry Ann Rondina ng 16 puntos mula sa 14 atake at dalawang blocks, gayundin ang 12 excellent digs at pitong excellent receptions tungo sa 4-1 kartada para sa ika-apat na sunod na panalo, katabla ang Petro Gazz Angels, PLDT High Speed Hitters at Chery Tiggo Crossovers na naghahanda sa magandang pwestuhan patungo sa semifinals round.

“Coming to the match syempre laging sinasabi nila coach is yung sistema lang talaga, game by game it works, pero syempre there’s always room for improvement. Masaya and grateful kami sa panalo na ito with the guidance of the coaches and the management and team mates namin, pero may mga susunod na games pa, kaya whatever yung nangyari sa court kanina, kung anong pwede naming matutunan, dadalhin namin sa susunod pang games,” pahayag ng 25-anyos mula Minglanilla, Cebu, na naging malaki umano ang nagawang pagbabago sa kanyang laro sapol ng mahawakan ni coach Dante Alinsunurin ay coach Jessie Lopez.

Adiwang binawian si Miado sa ONE Fight Night UD win

ni MC @Sports | November 6, 2023

Nakabawi rin si “Thunder Kid” Adiwang laban kay Jeremy “The Jaguar” Miado matapos makakuha ng unanimous decision victory sa ONE Fight Night 16: Haggerty vs. Andrade noong Sabado sa labang idinaos sa Lumpinee Boxing Stadium sa Bangkok, Thailand.

“You saw my fights and I end my fights quickly, but I’m happy that I got this finally,” aniya.

“This fight is for all the fans who wanted to see the rematch. I think we showed that this is the ending and I won that fight.”

Impresibo itong striking display para sa Soma Fight Club student na nagpakitang husay matapos magpadapo ng solidong left hook, panunuhod nang magkabila at magpaulan ng suntok sa karibal sa unang round.

Pero matibay din si Miado, hindi sumusuko at lumalaban pa at nakikipagsabayan sa kapwa Pinoy. Siksik pa sa hangin ang baga ng T-Rex MMA sa loob ng 3 rounds at binigyan pa si Adiwang ng sugat sa kanang mata.

Pero ipinakita na rito ni Adiwang na hawak niya ang gabi at hindi kinakitaan ng anumang iniindang dating injured na tuhod dahil paulit-ulit siyang bumibigwas ng sipa sa tatlong sunod na rounds.

“For all of my supporters who were asking about my leg, I think I answered it now. I showed that and I think that’s one key to winning this fight,” aniya, still harking back to their first encounter at ONE X in March 2022 where he suffered the ACL injury. “I got injured but I got back, I got redemption, I got the rematch, and I used my leg so it’s fine now. I’m back.”

Remogat ng UE pumalag, Canuto ng NU, bumida

ni Anthony E. Servinio @Sports | November 6, 2023

Mga laro sa Miyerkules – Araneta

11 a.m. ADMU vs. UST

1 p.m. UP vs. UE

4 p.m. NU vs. FEU

6 p.m. DLSU vs. AdU

Pumapalag pa ang host University of the East at piniga nila ang 87-86 overtime panalo sa Far Eastern University Linggo sa 86th UAAP Men’s Basketball Tournament sa MOA Arena. Hindi naubusan ng bayani ang UE at humugot ng matinding laro kay Rey Remogat, Abdul Sawat at Jack Cruz-Dumont.

Hindi basta tumiklop ang FEU at ipinilit ni Xyrus Torres ang overtime sa tres na may 48 segundo sa 4th quarter, 72-72. Iyan ang hudyat para kay Cruz-Dumont na maghatid ng dalawang buslo – ang pangalawa ay nagbalik ng 79-77 bentahe at hindi na nila binitawan ito sa last 2 minutes.

Inilatag ni Remogat ang pundasyon ng kanilang ika-apat na panalo sa 10 laro at 27 puntos na siya sa tatlong quarter lang subalit lamang pa rin ang FEU, 56-54. Ang 4th quarter ay naging pagmamay-ari ni Sawat na nagbagsak ng 11 ng kanyang 20 puntos bago ang tira ni Torres.

Nagtapos si Remogat na may 34 puntos sa 34 minuto. Sumuporta si Cruz-Dumont sa lima ng kanyang siyam sa overtime. Umakyat ang agwat sa 10 sa huling dalawang free throw ni Remogat, 87-77, at 38 segundo pero may huling hirit ang FEU at tumira ng tatlong tres si Jorick Bautista pero kinapos sila ng oras. Inulit ng UE ang 65-58 resulta sa parehong koponan noong Oktubre 7.

Sa aksiyon sa Women’s Division, ipinasok ni Gypsy Canuto ang bola na may isang segundo sa overtime upang hatakin ang defending champion National University kontra University of Santo Tomas, 77-76. Patuloy din ang arangkada ng pumapangalawang University of the Philippines at dinaig ang Ateneo de Manila University, 71-48.