9 patay sa gumuhong gusali sa South Korea

ni Ronalyn Seminiano Reonico | June 11, 2021

Patay ang siyam na katao matapos matabunan ng gumuhong limang palapag na gusali ang isang bus sa South Korea noong Miyerkules.

Ayon sa ulat, bigla na lamang gumuho ang gusali na dine-demolish nang huminto ang bus sa may tapat nito sa Gwangju City, southwest ng Seoul.

Sa 17 sakay ng bus, siyam ang nasawi at 8 ang seriously injured, ayon sa National Fire Agency.

Nakalikas naman umano ang lahat ng demolition workers bago gumuho ang gusali.

Nagpahayag naman ng pakikiramay ang chairman ng HDC Hyundai Development Company, ang contractor na sangkot umano sa insidente, na si Chung Mong-gyu.

Aniya, "I sincerely apologize to the victims, their families, the injured, and citizens in Gwangju — I feel a heavy sense of responsibility.

"Our company will do its best so that the victims and their families can recover from the damages as soon as possible.”

Samantala, hindi pa malinaw ang dahilan ng insidente at kasalukuyan na ring nagsasagawa ng imbestigasyon ang awtoridad.

'Pinas, gagawing testingan ng gamot ng South Korea kontra-COVID

ni Mary Gutierrez Almirañez | April 12, 2021

Gaganapin sa ‘Pinas ang clinical trial ng bakunang EuCorVac-19 na gawa ng South Korea upang labanan ang lumalaganap na COVID-19 pandemic, ayon sa Glovax Biotech Corporation ngayong araw, Abril 12.

Ayon kay CEO Giovanni Alingog, “The reason we wanted to do a clinical trial in the Philippines is most of the companies that were given EUA (emergency use authorization) in our country have not done a clinical trial locally. The reason we wanted to trial locally is to show, for ethnicity purposes, for Filipinos, that the vaccine is also effective and safe.”

Ngayong Abril ay nakatakdang isagawa ang combined phase 1 at phase 2 trial ng EuCorVac-19.

Batay pa sa pag-aaral, nagtataglay ito ng 91% hanggang 95% na efficacy rate.

Dagdag ni Alingog, “Because of the emergency purposes or the need of vaccine, we are asking the clinical research organizations and our FDA (Food and Drug Administration) to fast-track a bit our clinical trial so we can serve the Filipino people with a quality and safe vaccine from Korea.”

Samantala, iginiit naman ni Department of Health (DOH) Secretary Francisco Duque III na nakikipagtulungan na rin ang Glovax sa Department of Science and Technology (DOST) upang makapag-develop ang ‘Pinas ng sariling bakuna kontra COVID-19.

Sa ngayon, ang may emergency use authorization (EUA) pa lang na bakuna ay ang Pfizer-BioNTech, AstraZeneca, CoronaVac ng Sinovac, at ang Sputnik V ng Gamaleya Institute.

Mga iskul sa SK, ipinasara dahil sa pagtaas ng COVID cases

ni Lolet Abania | December 14, 2020

Ipinasara ng pamahalaan ng South Korea ang lahat ng mga eskuwelahan sa Seoul at karatig-lugar simula bukas, Martes dahil sa mas matinding laban na gagawin ng nasabing bansa sa COVID-19 pandemic, kung saan nalampasan ngayon ang dating naiulat na mga kaso noong February.

Lahat ng paaralan sa capital region nito ay magpapatupad ng online classes hanggang sa matapos ang buwan, mula sa dati nitong isinasagawa na social distancing measures dahil sa naging pagtaas ng virus infection.

Isang hakbang ang pagsasara ng mga eskuwelahan sa ipatutupad na Phase 3 social distancing rules ng South Korea at isa ring pagkilos sa gagawing lockdown ng itinuturing na Asia’s fourth-largest pagdating sa ekonomiya.

Sa report ng Korea Disease Control and Prevention Agency (KDCA) ngayong Lunes, nakapagtala ng 718 bagong COVID-19 cases, mas mababa ito kumpara sa nai-record na daily increase na 1,030 kada araw kamakailan. Sa naiulat na bagong kaso, 682 dito ay locally transmitted.

Karamihan sa mga new cases ay galing sa Seoul at kalapit na port city ng Incheon, at Gyeonggi Province na tahanan ng mahigit sa 25 milyong katao.

Sa ngayon, may kabuuang 43,484 COVID-19 infections ang South Korea at may 587 ang namatay.

Nagsagawa na rin ang gobyerno ng South Korea ng isang massive tracing na manggagaling sa daan-daang tropa, pulisya at opisyal upang matunton ang virus carriers.

Gayunman, ayon sa mga eksperto kinakailangang mas may gawin pa ang pamahalaan ng nasabing bansa gayundin ang partisipasyon ng publiko tungkol dito.

"This is the time to send an impactful message to the public, so that they can take voluntary actions," sabi ni Kim Dong-hyun, pangulo ng Korean Society of Epidemiology at propesor sa Hallym University College of Medicine.

Samantala, sa ilalim ng Phase 3 lockdown, ang mga essential workers lamang ang papayagang pumasok sa mga opisina at ang mga gatherings ay maaaring gawin ng mas mababa sa 10 katao.