by Info @K-Buzz | January 23, 2026
Photo: BTS - FB
May handog na libreng concert ang K-Pop boy group na BTS para sa kanilang fans na ARMYs sa Gwanghwamun Square sa Seoul sa Marso.
Ayon sa HYBE, management ng grupo, nasa 15,000 hanggang 20,000 ang makakadalo sa nasabing concert.
Kaugnay nito, may comeback ang BTS sa album na “Arirang” na ilalabas nila sa March habang ang comeback concert naman ay magsisimula sa Goyang, South Korea sa April 9.
by Info @World News | January 14, 2026
Photo: South Korean Ex Pres Yoon Suk-Yeol - BBC
Hiniling ng special prosecutor ng South Korea na patawan ng death penalty ang pinatalsik na dating pangulo ng nasabing bansa na si Yoon Suk-yeol kasabay ng kanyang mga insurrection case dahil sa pagdedeklara ng martial law noong 2024.
Ayon sa Seoul Central District Court, kinumpirma ng kanilang mga imbestigador na nagpakana umano si Yoon at ang dati nitong defense minister na si Kim Yong-hyun ng isang scheme upang mapanatili ang pinatalsik na pangulo sa kapangyarihan na sumira umano sa liberal democratic constitutional order ng kanilang bansa.
“The defendant has not sincerely regretted the crime… or apologized properly to the people,” ayon sa argumento ng prosecutors.
Nakatakdang magdesisyon ang South Korean court sa susunod na buwan.
ni Eli San Miguel @Overseas News | Dec. 16, 2024
Photo: Pres. Yoon Suk Yeol / korea.net
Susuriin ng Constitutional Court ng South Korea ang impeachment laban kay Pangulong Yoon Suk Yeol ngayong Lunes kaugnay ng kanyang tangkang pagpapatupad ng martial law noong Disyembre 3, ayon sa isang tagapagsalita.
Lalahok ang lahat ng anim na hukom, at maaaring magpasya ang korte sa loob ng anim na buwan. Posibleng maharap sa insurrection charges si Yoon at ilang matataas na opisyal.
Plano ng mga imbestigador mula sa pulisya, defense ministry, at anti-corruption agency na kuwestyunin si Yoon sa Miyerkules, ayon sa ulat ng Yonhap.
Hindi naman agad makontak ang opisina ng mga imbestigador para sa kumpirmasyon.
